ఆకాశవాణి రివ్యూ... ఫ్రీక్వెన్సీ లేక సిగ్నల్స్ అందలేదు

3 months ago 26

సినిమా రివ్యూ

| Samayam Telugu | Updated: Sep 23, 2021, 7:30 PM

నటులు:

సముద్రఖని,వినయ్ వర్మ,మైమ్ మధు,ప్రశాంత్,తేజ కాకమాను

దర్శకుడు: అశ్విన్ గంగ‌రాజుసినిమా శైలి:Telugu, Thrillerవ్యవధి:2 Hrs 12 Minరివ్యూ రాయండి

మూవీకు రేటింగ్ ఇవ్వడానికి స్లైడ్ చెయ్యండి

0.5 1 1.5 2 2.5 3 3.5 4 4.5 5

2.5/5

దేవుడు ఉన్నాడా? అని ప్ర‌శ్నకు క‌చ్చిత‌మైన స‌మాధానం ఇప్ప‌టి వ‌ర‌కు లేదు. ఎందుకంటే దైవం అనేది మ‌నిషి న‌మ్మ‌కం. ఉన్నాడ‌నుకునేవాడికి ఉన్నాడు.. లేడ‌నుకునేవాడికి లేడు. ఇలాంటి ఓ పాయింట్‌ను ఆధారంగా చేసుకుని రూపొందిన చిత్ర‌మే ‘ఆకాశ‌వాణి’. అశ్విన్ గంగ‌రాజు ద‌ర్శ‌క‌త్వం వ‌హించారు. కోవిడ్ సెకండ్ వేవ్ స‌మ‌యంలో థియేట‌ర్స్ విష‌యంలో నెల‌కొన్న సందిగ్ధ‌త ఆధారంగా కుదుర్చుకున్న ఒప్పందం ప్ర‌కారం ‘ఆకాశ‌వాణి’ చిత్రాన్ని ఓటీటీ మాధ్య‌మం సోనీ లివ్‌లో డైరెక్ట్ రిలీజ్ చేశారు. ఈ సినిమా టీజర్, ట్రైలర్లను గమనిస్తే అమాయకపు గూడెంలోని ప్రజలకు సంబంధించిన కథ అని అర్థమవుతుంది. అసలు గూడెంలోని ప్రజలకు, రేడియోకు సంబంధమేంటి? ఓ రేడియో గూడెం ప్ర‌జ‌ల్లో ఎలాంటి మార్పులు తీసుకొచ్చింద‌నే క‌థాంశంతో రూపొందిన ఆకాశ‌వాణి ప్రేక్ష‌కుల‌ను ఏ మేర‌కు ఆక‌ట్టుకుంద‌నే విష‌యం తెల‌సుకోవాలంటే ముందు క‌థేంటో చూద్దాం...క‌థ‌:
ప‌ట్నంకు కాస్త దూరంలో గూడెం ఉంటుంది. అయితే ఆ గూడెం ప్ర‌జ‌ల‌కు ప‌ట్నం ఎలా ఉంటుంది? ప్ర‌జ‌ల స్థితిగ‌తులు ఎలా మారాయి? త‌మ ప‌రిస్థితేంటి? అనే విష‌యాలే తెలియ‌వు. అందుకు కార‌ణం దొర‌(విన‌య్ వ‌ర్మ‌). ఈ దొర గూడెం జ‌నాల‌కు దేవుడు. త‌ను ఓ స‌రిహ‌ద్దు పెట్టి గూడెం జ‌నాలు అది దాట‌కుండా జాగ్ర‌త్త ప‌డుతుంటాడు దొర‌. ఎవ‌రైనా త‌న‌కు ఎదురు చెబితే వారిని దేవుడు శిక్షిస్తాడు అనే ఓ భ‌యాన్ని క‌లిగిస్తాడు. దొర ఏది చెబితే అది దేవుడు చెప్పిన‌ట్లేన‌ని గూడెం ప్ర‌జ‌ల న‌మ్ముతుంటారు. గూడెం జ‌నాల‌ను అమాయ‌కుల‌ను చేసి బానిస‌లుగా మార్చుకుని గంజాయి వ్యాపారం చేసే దొర‌కు కుడి భుజంలా సాంబ‌డు(తేజ కాకుమాను) కాపు కాస్తుంటాడు. గూడెంలో ఉండే రంగ‌డు(మైమ్ మ‌ధు)కి త‌న కొడుకు గిడ్డ‌గాడు(ప్ర‌శాంత్‌) అంటే ప్రాణం. గిడ్డ‌గాడు మేక‌ల‌ను కాస్తుంటాడు. ఓ సంద‌ర్భంలో గిడ్డ‌డు త‌న గూడెంకు వ‌చ్చిన దొర మ‌నిషి ద‌గ్గ‌ర రేడియో చూస్తాడు. అది అత‌నికి విచిత్రంగా అనిపిస్తుంది. దాంతో త‌న మేక‌పిల్ల‌ను అత‌నికిచ్చేసి రేడియో త‌న ద‌గ్గ‌ర ఉంచుకుంటాడు. అక్క‌డ నుంచి క‌థ మ‌లుపు తీసుకుంటుంది? రేడియో వ‌చ్చిన త‌ర్వాత గూడెం ప్ర‌జ‌ల జీవితాల్లో క‌లిగే మార్పులేమిటి? ప‌ట్నంకు ట్రాన్స్‌ఫ‌ర్ మీదొచ్చిన టీచ‌ర్‌(స‌ముద్ర‌ఖ‌ని) అమాయ‌కులైన గూడెం వాసులకు ఎలాంటి మేలు చేశాడు? దొర ప‌రిస్థితి ఏంటి? అనే విష‌యాలు తెల‌సుకోవాలంటే సినిమా చూడాల్సిందే.

స‌మీక్ష‌:
దేవుడు అనే ఓ న‌మ్మకాన్ని అడ్డం పెట్టుకుని అక్ర‌మాలు చేస్తూ గూడెంలోని అమాయ‌క ప్ర‌జ‌ల‌ను హింసించే ఓ దొర మోసాన్ని క‌నిపెట్టిన ఓ టీచ‌ర్ అదే న‌మ్మ‌కాన్ని ఆధారంగా చేసి ప్ర‌జ‌ల‌ను ఎలా చైత‌న్య వంతుల‌ను చేశాడ‌నే కాన్సెప్ట్‌తో రూపొందిన చిత్ర‌మే ఆకాశవాణి. స‌ముద్ర‌ఖ‌ని పిల్ల‌ల‌కు చ‌దువు చెప్పే టీచ‌ర్ పాత్ర‌లో క‌నిపిస్తాడు. స‌ముద్ర ఖ‌ని న‌ట‌న గురించి ప్ర‌త్యేకంగా చెప్ప‌న‌క్క‌ర్లేదు. త‌న పాత్ర‌లో ఆయ‌న చ‌క్క‌గా ఒదిగిపోయారు. త‌న పాత్ర‌కు త‌నే డ‌బ్బింగ్ కూడా చెప్పుకున్నారు. ఇక దొర పాత్ర‌లో విన‌య్ వ‌ర్మ, అత‌ని కుడి భుజం సాంబ‌డుగా చేసిన తేజ కాకుమాను విల‌నిజాన్ని చ‌క్క‌గా పండించారు. రంగ‌డు పాత్ర‌లో న‌టించిన మైమ్ మ‌ధు, అత‌ని కొడుకుగా న‌టించిన ప్ర‌శాంత్‌, అయ్యోరు పాత్ర‌లో న‌టించిన ముస‌లి వ్య‌క్తి ఈ సినిమాలో ప్ర‌ధాన పాత్ర‌ధారులుగా క‌నిపిస్తారు. మైమ్ మ‌ధు గురించి చెప్పాలంటే ఇందులో త‌న రోల్‌కు సముద్ర‌ఖ‌ని పాత్ర త‌ర్వాత అంత ప్రాధాన్య‌త ఉంటుంది. అమాయ‌కుడైన రంగ‌డు పాత్ర‌లో మ‌ధు చ‌క్క‌గా న‌టించాడు. మిగిలిన పాత్ర‌ధారులు వారి వారి పాత్ర‌ల్లో ఒదిగిపోయారు.

ఇక సాంకేతిక విష‌యానికి వ‌స్తే ద‌ర్శ‌కుడు అశ్విన్ గంగ‌రాజు ఓ హాలీవుడ్ సినిమా స్ఫూర్తితో మ‌న నెటివిటీకి త‌గ్గ‌ట్టుగా ఓ క‌థ‌ను త‌యారు చేసుకుని ఆకాశ‌వాణి సినిమాను తెర‌కెక్కించాడు. ఇంట‌ర్వెల్ సీన్ ముందుకు వ‌ర‌కు సినిమా దొర‌, అత‌ని ఆగ‌డాల చుట్టూనే సినిమా తిరుగుతుంది. ప్రేక్ష‌కుడి బోర్ ఫీల్ అవుతాడు. సెకండాఫ్‌లోనూ స‌ముద్ర‌ఖ‌ని పాత్ర ఎంట్రీ వ‌ర‌కు సినిమా అంతా దొర చుట్టూనే తిరుగుతుంటుంది. ఇక చివ‌ర్లో గూడెం జ‌నాలు న‌మ్మే దొర‌, దేవుడు ఒక్క‌రు కాదు.. అనే న‌మ్మ‌కాన్ని చెరిపేసి స‌ముద్ర‌ఖ‌ని వారిలో మార్పు తేవ‌డ‌మే సినిమా. కాల భైరవ సంగీతం అందించిన పాటలు ఆక‌ట్టుకోవు. నేప‌థ్య సంగీతం ఓకే. సురేష్ ర‌గుతు సినిమాటోగ్ర‌ఫీ బావుంది. ఇప్ప‌టి క‌మ‌ర్షియ‌ల్ సినిమాల హ‌వాలో అశ్విన్ గంగ‌రాజు అండ్ టీమ్ కొత్త ప్ర‌య‌త్నంగా ఆకాశ‌వాణిని తెర‌కెక్కించారు. అయితే సినిమా అనేది ఒక‌చోటే తిరుగుతున్న‌ట్లు అనిపించ‌డంతో పాటు సినిమాలో ప్రేక్ష‌కుల‌కు క‌నెక్ట్ అయ్యే ఎమోష‌న‌ల్ పాయింట్ లేదు. నటీనటులు, సాంకేతిక పనితీరు, ప్రొడ‌క్షన్ వేల్యూస్ బాగానే ఉన్నా, స్లో నెరేష‌న్‌, గ్రిప్పింగ్‌గా లేని క‌థ‌నం ప్రేక్ష‌కుడి స‌హ‌నానికి ప‌రీక్ష పెడ‌తాయి.

బోట‌మ్ లైన్‌:
ఆకాశ‌వాణి...ఫ్రీక్వెన్సీ లేక కట్ అయిన సంకేతాలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : samuthirakani and vinay varma starrer aakashavaani movie review
Telugu News from Samayam Telugu, TIL Network

Read Entire Article