కూరలు చేసేటప్పుడు ఇవి వేయండి.. టేస్ట్ అద్దిరిపోద్ది..

1 week ago 1

| Samayam Telugu | Updated: Sep 15, 2021, 9:24 AM

రకరకాల సుంగధ ద్రవ్యాలను వాడి ఆహారం యొక్క టేస్ట్​ ను పెంచడానికి అందరూ ప్రయత్నిస్తుంటారు. కానీ కొంత మంది చేసిన వంటలు అంతగా రుచికరంగా ఉండవు. ఈ విషయాన్ని వంటలు చేసే వారు కూడా ఒప్పుకుని తీరుతారు. కానీ కొంత మంది చేతి వంట మాత్రం అద్భుతంగా ఉంటుంది. అటువంటి వారి చేతి వంట కోసం అనేక మంది ఎదురుచూస్తుంటారు. వారు వండిన వంటలను లొట్టలేసుకుని తింటారు.

cooking

వండిన ఆహారానికి అంత టేస్ట్ ఎలా వచ్చిందనే విషయంలో అనేక మంది సందేహిస్తుంటారు. వారి చేతిలో ఏదో మహత్యం ఉందని అంటుంటారు. కానీ వారి చేతి మహత్యం అనే కంటే వారు వంట చేసేటపుడు వాడిన సుగంధ ద్రవ్యాల ఎఫెక్ట్ వలన ఆహారం టేస్ట్ అదిరిపోయిందని ఎవరూ కాదనలేని వాస్తవం. కానీ ఈ వాస్తవాన్ని ఎక్కువ మంది గ్రహించరు. చాలా మంది సుగంధ ద్రవ్యాలను తక్కువగా అంచనా వేస్తారు. కానీ సుగంధ ద్రవ్యాల వల్లే ఆహారం టేస్ట్ అదిరిపోతుందని కొంత మంది మాత్రమే గ్రహిస్తారు. ఇండియా అంటేనే సుగంధ ద్రవ్యాలకు పెట్టింది పేరు. మన దేశంలోని చాలా ప్రాంతాల్లో రకరకాల సుగంధ ద్రవ్యాలను పండిస్తారు. కొన్ని రకాల సుగంధ ద్రవ్యాలు మన దేశంలోనే స్థానికంగా పండిస్తే.. కొన్ని రకాల సుగంధ ద్రవ్యాలను మాత్రం విదేశాల నుంచి దిగుమతి చేసుకుని మరీ వంటలలో వాడతారు. మన దేశంలోని చాలా ప్రాంతాల్లో వివిధ రకాల వంటకాలు టేస్ట్ కు ప్రసిద్ధిగాంచాయి. ఆయా వంటకాల వల్ల కొన్ని ప్రాంతాలకే గుర్తింపు రావడం మనం గమనించవచ్చు. గుర్తింపు అంటే మామూలు గుర్తింపు కాకుండా వంటకాల టేస్ట్ వలన ప్రపంచవ్యాప్తంగా గుర్తింపు లభించింది.

అలా సుగంధ ద్రవ్యాల గొప్పతనం గ్రహించిన వారు తప్పకుండా తాము చేసే వంటలలో వాటిని వేస్తారు. అలా ఎటువంటి సుగంధ ద్రవ్యాలను వాడడం వలన ఆహారం టేస్ట్ మారుతుందో అని ఇప్పుడు తెలుసుకుందాం.
ఈ ఎక్సర్‌సైజెస్ చేస్తే బరువు తగ్గుతారట..
వేటిని వేయడం వలన ఆహారం టేస్ట్ గా మారుతుంది?

మన దేశంలో ఆహారంలో పలు రకాల సుగంధ ద్రవ్యాలను వాడతారు. వీటిలో కొన్ని రకాల సుగంధ ద్రవ్యాలు ఆకుల రూపంలోనే ఉంటాయి. అయినా కానీ వాటిని వేయడం వలన ఆహారం రుచే మారిపోతుంది. కొన్ని రకాల ఆకులను ఆహారం పై వేయడానికి వాడతారు. వాటి వలన ఎక్కడ లేని సువాసన వస్తుంది. చాలా రకాల మూలికలు ఎక్కువ యాంటీ యాక్సిడెంట్ సామర్థ్యాన్ని కలిగి ఉంటాయి. కావున వీటిని వాడడం వలన ఆహారానికి సువాసన, రుచి రావడంతో పాటు ఇలా యాంటీ యాక్సిడెంట్లు వాడిన ఆహారం చాలా తాజాగా ఫ్రెష్ గా ఉంటుంది. ఈ కారణం చేత కూడా అనేక మంది ఆహారంలో మూలికలను వాడతారు. అంతే కాకుండా కొన్ని రకాల సుగంధ ద్రవ్యాల వలన మన శరీరానికి కూడా అనేక రకాల ప్రయోజనాలు కలుగుతాయి. ఆరెంజో, ఒరెగానో పొడి (వామాకు పొడి) నుంచి మొదలుకుని పుదీనా, కొత్తిమీర, వరకు మీ ఆహారం రుచిని పెంచేందుకు సహకరిస్తాయి. ఇవి ఆహారం రుచిని పెంచడంతో పాటు సువాసనను కూడా ప్రసరింపజేస్తాయి. ఈ పదార్థాలు వేసిన ఆహారాన్ని లాగించేందుకు ప్రతి ఒక్కరూ లొట్టలు వేసుకుంటూ వెయిట్ చేస్తారు.

ఒరెగానో

ఒరెగానో అంటే ఏదో బ్రహ్మపదార్థం అని భ్రమపడకండి. ఒరెగానోను మన తెలుగులో వాము అని అంటారు. వాము అంటే తెలుగు వారికి ఈజీగా అర్థమవుతుంది. కొన్ని రకాల ఆహారాలు చేసుకునేటపుడు వాము లేకపోతే వాటికి రుచే రాదు. వాము అంతలా ఎఫెక్ట్ చూపిస్తుంది. ఒరెగానోలో యాంటీ యాక్సిడెంట్లు అధికంగా ఉంటాయి. కావున ఇది వాడడం వలన రుచి, సువాసనతో పాటు మన ఆరోగ్యం కూడా పాడవకుండా ఉంటుంది. ఎక్కువ మంది ఒరెగానో ఆకులను పొడిలాగ తయారు చేసి పిజ్జాలపై చల్లేందుకు ఉపయోగిస్తారు. ఒరెగానో పౌడర్ ను చల్లిన తర్వాత పిజ్జాలకు డిఫరెంట్ రుచి వస్తుంది. ఒరెగానో పౌడర్ చల్లకుండా ఉన్న పిజ్జాలు తినేందుకు రుచిగా అనిపించవు. అంతలా ఒరెగానో పౌడర్ పిజ్జాలకు ప్రసిద్ధిగాంచింది. కేవలం పిజ్జాలోనే కాకుండా పాస్తా, సూప్స్ లలో కూడా ఫ్రెష్ ఒరెగానో పౌడర్ ను వాడతారు. ఒరెగానోను మనం ఆహారంలో కనుక వేస్తే దానికి ఒక కొత్త రుచి వస్తుంది. ఒరెగానో వేయడం వలన వచ్చే సువాసనను మనం వర్ణించేందుకు వీలుండదు. అంతలా ఒరెగానో సువాసన వస్తుంది. దీనిని ఆహారంలో వాడడం కూడా చాలా సులువు. ఒరెగానో వలన అనేక ఆరోగ్య ప్రయోజనాలు కలుగుతాయి.
ఈ కారణం వల్లే గుండెనొప్పి వస్తుందట..
పార్ల్సీ

పార్ల్సీ అంటే ఏదో మనకు తెలియని పదార్థం అని అనుకుంటే పొరబాటే. పార్ల్సీ అనేది ఒక సువాసన కల ఆకు. దీని వలన అనేక రకాల ఆరోగ్య ప్రయోజనాలు ఉన్నాయి. పార్ల్సీ చూసేందుకు మనం కూరలలో సువాసన కోసం ఎక్కువగా వాడే కొత్తిమీర లాగే ఉంటుంది. చూసేందుకు అచ్చంగా కొత్తిమీర లాగే ఉన్నా కానీ దగ్గరికి వెళ్లి చూస్తే మాత్రం డిఫరెంట్ గా కనిపిస్తుంది. పార్స్లీ ఆకును సాస్ చేసేందుకు ఎక్కువగా వాడతారు. అంతే కాకుండా సూప్స్, సలాడ్స్ లలో కూడా పార్స్లీని విరివిగా వాడుతారు. చాలా రకాల వెజిటేబుల్స్ వండేటపుడు కూడా పార్స్లీని వాడతారు. ఆలూతో చేసే వంటల్లో కూడా పార్స్లీని వాడతారు. ప్రస్తుత రోజుల్లో అనేక మంది కిడ్నీలో రాళ్లు వచ్చి అనేక రకాలుగా బాధపడుతున్నారు. పార్స్లీని వాడడం వలన కిడ్నీలలో రాళ్లు ఉన్నవారికి మంచి ఉపశమనం కలుగుతుంది. పార్స్లీని ఆహారంలో వేసుకోవడం వలన మన శరీరానికి విటమిన్ A మరియు విటమిన్ C పుష్కలంగా లభిస్తాయి. వీటి వలన మన కళ్లతో పాటు బోన్ హెల్త్ కూడా మెరుగుపడుతుంది. కావున పార్స్లీని ఆహారాలలో వాడడం వలన చాలా రకాల ప్రయోజనాలు ఉన్నాయి.

iStock-944872822

మింట్ (పుదీనా)

మింట్ అంటే ఇంగ్లిష్ లో పుదీనా అని చాలా మందికి తెలుసు. కానీ కొంత మంది తెలియని వారు అసలు మింట్ అంటే ఏమిటా? అని ఆశ్చర్యపోతారు. పుదీనాను మనం రోజూ తినే ఆహారాల్లో విరివిగా వాడతారు. మన దేశంలో ఎవరి వంట గదిలో చూసినా పుదీనా తప్పకుండా ఉంటుంది. అంతలా పుదీనాని వంటల్లో వాడతారు. పుదీనాను ఆహారంలో వాడడమే కాకుండా డైరెక్టుగా పుదీనాను ఉపయోగించి చట్నీ చేస్తారు. ఈ పుదీనా చట్నీని తినడం వలన మనలో ఆకలి బాగా పెరుగుతుందని పెద్దవారు చెబుతారు. అందుకోసమే పుదీనాకు ఎంత ధర ఉన్నా సరే ప్రతి ఒక్కరి ఇంట్లో పుదీనా చట్నీని చేస్తారు. పుదీనా చట్నీ రుచి, వాసన కూడా హైలెట్ గా ఉంటాయి. పుదీనా చట్నీని ఒక్క సారి రుచి చూస్తే ఎవరైనా సరే లొట్టలేసుకుంటూ తింటారు. ఇంతకీ పుదీనా చట్నీని ఎలా తయారు చేస్తారని ఆశ్చర్యపోతున్నారా? పుదీనా చట్నీని తయారు చేయడం చాలా సింపుల్. పుదీనా ఆకులతోటి పుదీనా చట్నీని తయారు చేస్తారు. వీటిని చట్నీ చేసే ముందు మెత్తగా గ్రైండ్ చేస్తారు. పుదీనా చట్నీలో కూడా కొన్ని రకాల వేరే సుగంధ ద్రవ్యాలను వాడతారు. వీటిని వాడడం వలన పుదీనా చట్నీ టేస్ట్ మరింత అద్భుతంగా ఉంటుంది. కేవలం చట్నీ మాత్రమే కాకుండా పుదీనా ఆకులతో టీ ని కూడా తయారు చేస్తారు.

పుదీనా టీ చాలా రుచిగా ఉంటుంది. అనేక మంది తమ రోగ నిరోధక శక్తిని మెరుగుపరుచుకునేందుకు పుదీనా టీ తాగుతారు. పుదీనా ఆకులను ఉపయోగించి టీ, చట్నీ తయారు చేయడం మాత్రమే కాకుండా అనేక రకాల ప్రయోజనాల కోసం వినియోగిస్తారు. ఈ పుదీనా ఆకులను నమలడం వలన అనేక ఆరోగ్య ప్రయోజనాలు కలుగుతాయని ఆరోగ్య నిపుణులు సూచిస్తున్నారు. ఇలా పుదీనా ఆకులను నోట్లో వేసుకుని నమలడం వలన నోటి దుర్వాసన కనుక ఉంటే తొలిగిపోతుంది. అందుకోసమే అనేక మంది పుదీనా ఆకులను నములుతారు. మనలో కొంత మంది చిన్న విషయాలకు కూడా ఆందోళన చెందుతూ ఉంటారు. అటువంటి వారు పుదీనాను వాడితే వారి ఆందోళన తగ్గిపోతుంది. అంతే కాకుండా జీర్ణక్రియలో కూడా పుదీనా తన ప్రభావాన్ని చూపి జీర్ణసమస్యలు ఏవైనా ఉంటే నయం చేస్తుంది. మరియు మన రోగ నిరోధక శక్తిని పెంచుతుంది. కావున పుదీనాను ఆహారంలో తీసుకోవడం చాలా మంచిది. అనేక మంది పుదీనా లేనిదే ఆహారం వండరంటే అతిశయోక్తి కాదు. అంతలా పుదీనా అనేది మన నిత్య జీవితంలో ఓ భాగం అయిపోయింది.

కొరియాండర్ (కొత్తిమీర)

కొరియాండర్ అంటే కొంత మందికి అర్థం కాకపోయినా కొత్తి మీర అంటే మాత్రం అందరికీ ఈజీగా అర్థమవుతుంది. కొత్తి మీర లేకుండా కొంత మంది వంటకాలను ప్రిపేర్ చేయరు. కొత్తిమీర సువాసన అనేక మందికి చాలా ఇష్టం. మన ఇండియాలో నూనె లేకుండా అయినా సరే కూరలు వండే వారు ఉన్నారేమో కానీ కొత్తి మీర లేనిది మాత్రం కొంత మంది వంటకాలే చేయరంటే అతిశయోక్తి కాదు. అంతలా కొత్తి మీర అనేది వంటకాలలో తప్పనిసరి అయింది. మనం కర్రీ చేసిన సబ్జీ చేసినా పప్పు చేసినా అందులో మాత్రం కొత్తి మీర తప్పనిసరిగా వాడతాం. వంటకం పూర్తయిన తర్వాత కరివేపాకుతో కలిపి కొత్తి మీర మీద చల్లితే ఆ సువాసనే వేరుగా వస్తుంది. అనేక మందికి ఈ సువాసన అంటే చాలా ఇష్టం. కొత్తి మీర అనేది మనలో వెచ్చదనాన్ని పెంచుతుంది. కొత్తి మీర అనేది కేవలం సువాసనకు మాత్రమే కాకుండా దీనిని ఆహారానికి కలపడం వలన ఆహారం రుచి ఇట్టే మారిపోతుంది. కావున ఎవరైనా సరే ఆహారం వండేటపుడు కొత్తి మీర చల్లడం వలన దాని రుచితో పాటు సువాసన కూడా మారిపోతుందనే విషయాన్ని గుర్తుంచుకోవాలి.
భర్తకి క్లోజ్ కాలేకపోతున్నా.. ఏం చేయను..
ఇలా మన దేశంలో ప్రాంతాన్ని బట్టి అనేక రకాల సుగంధ ద్రవ్యాలు ఆహారం సువాసన మరియు టేస్ట్ ను పెంచేందుకు ఉపయోగిస్తారు. ఏ ప్రాంతం వారు ఉపయోగించే వాటి టేస్ట్ వాటికే ఉండి అనేక రకాల ప్రయోజనాలు ఉంటాయి. ఇక్కడ చర్చించిన సుగంధ ద్రవ్యాలు మాత్రమే కాకుండా అనేక రకాల సుగంధ ద్రవ్యాలు మనకు అందుబాటులో ఉన్నాయి. ఇండియాలో కొన్ని ప్రాంతాలు సుగంధ ద్రవ్యాలకు పెట్టింది పేరు. వీటి ధర కూడా సామాన్యలు భరించే విధంగానే ఉంటాయి. కావున ప్రతి ఒక్కరూ అనేక రకాల సుగంధ ద్రవ్యాలను వాడతారు. కేవలం సుగంధ ద్రవ్యాలను ఉపయోగించడం వలన ఆహారాలు రుచిగా మారుతాయని అనుకోవడం పొరపాటే అవుతుంది. ఎన్ని సుగంధ ద్రవ్యాలను వాడినా కూడా మనం సరైన పద్ధతిలో వండితేనే ఆహారం టేస్టీగా మారుతుంది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : essential herbs and spices for making the perfect curry know here all
Telugu News from Samayam Telugu, TIL Network

Read Entire Article