మహిళా కార్యకర్తపై అత్యాచారం.. ఎల్జేపీ యువ ఎంపీపై రేప్ కేసు!

1 week ago 1

| Samayam Telugu | Updated: Sep 14, 2021, 12:18 PM

కేంద్ర క్యాబినెట్‌ విస్తరణకు ముందు లోక్‌జన్‌ శక్తి పార్టీలో రామ్ విలాస్ పాశ్వాన్ తనయుడ్ని ఒంటర్ని చేశారు. తిరుగుబాటుకు బాబాయ్ పశుపతి పరాస్ నాయకత్వం వహించి, కేంద్ర క్యాబినెట్ పదవి దక్కించుకున్నారు.

ప్రిన్స్ పాశ్వాన్

ప్రధానాంశాలు:

సినిమాను తలపించిన ఎల్జేపీ సంక్షోభం.రెండు నెలల కిందట ఎంపీపై ఫిర్యాదు.కోర్టు ఆదేశాలతో కేసు నమోదుచేసిన పోలీసులు.
లోక్జన్శక్తి పార్టీ ఎంపీ ప్రిన్స్ పాశ్వాన్‌పై అత్యాచారం కేసు నమోదైంది. కోర్టు ఆదేశాల మేరకే ఆయనపై కేసు నమోదుచేసినట్టు ఢిల్లీ పోలీసులు మంగళవారం వెల్లడించారు. ‘గురువారం అందిన కోర్టు ఆదేశాల మేరకు వివిధ సెక్షన్ల కింద ప్రిన్స్ పాశ్వాన్‌ కాన్నాట్ ప్లేస్ పోలీస్ స్టేషన్లో కేసు నమోదు చేశాం’ అని సీనియర్ పోలీసు అధికారి తెలిపారు. ప్రిన్స్ పాశ్వాన్ బిహార్లోని సమస్తీపుర్ నియోజకవర్గం నుంచి ప్రాతినిధ్యం వహిస్తున్నారు. అయితే, కొద్ది నెలల కిందటే ఎల్జేపీకి చెందిన మహిళా కార్యకర్తపై ఆయనపై ఢిల్లీ పోలీసులకు ఫిర్యాదు చేసింది.

ప్రిన్స్ రాజ్ తనపై అత్యాచారానికి పాల్పడినట్టు పార్టీలోని మహిళా నేత ఈ ఏడాది జూన్‌లో చేసిన ఫిర్యాదులో ఆరోపించింది. ఎవరికైనా చెబితే చంపుతామని బెదిరించాడని ఆరోపణలు చేసింది. లైంగిక వేధింపుల గురించి బాబాయ్ పశుపతి పరాస్‌కు తెలియజేస్తూ ఈ ఏడాది మార్చి 29 లేఖ రాసినట్టు ఎంపీ చిరాగ్ పాశ్వాన్ జూన్ 17న మీడియాకు విడుదల చేశారు.

‘‘కొద్ది రోజులుగా పార్టీతో సంబంధం ఉన్న ఒక మహిళ ప్రిన్స్‌పై లైంగిక వేధింపుల ఆరోపణలు చేస్తూ బ్లాక్ మెయిల్ చేస్తోంది.. కుటుంబ పెద్ద అయినందున, ఈ విషయంపై నేను మిమ్మల్ని సంప్రదించాను.. కానీ మీరు కూడా ఈ తీవ్రమైన విషయాన్ని విస్మరించారు. విస్మరించిన తరువాత ప్రిన్స్‌పై నిజానిజాలు బయటకు వచ్చి దోషి ఎవరో తెలుతుందని పోలీసుల వద్దకు వెళ్లమని సలహా ఇచ్చాను’’ అని చిరాగ్ అన్నారు.

ఎల్జేపీలో మూడు నెలల కిందట సంక్షోభం ఏర్పడిన విషయం తెలిసిందే. రాంవిలాస్‌ కుమారుడు చిరాగ్‌ పాశ్వాన్‌ను ఎల్జేపీ అధ్యక్ష పదవి నుంచి తొలగించారు. చిరాగ్‌తో కలిసి ఆ పార్టీ తరఫున ఆరుగురు లోక్‌సభ సభ్యులు ఉండగా, అందులో అయిదుగురు ఓ వర్గంగా ఏర్పడ్డారు. చిరాగ్‌ చిన్నాన్న, ఎంపీ పశుపతి కుమార్‌ పారస్‌ను తమ అధ్యక్షునిగా ఎన్నుకున్నారు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : ljp mp prince raj paswan booked under rape charges by delhi police
Telugu News from Samayam Telugu, TIL Network

Read Entire Article