హీరో సాయి ధరమ్ తేజ్‌కి అసలు ఏమైంది.. ట్రీట్‌మెంట్ ఇదేనట..

1 week ago 1

| Samayam Telugu | Updated: Sep 11, 2021, 1:58 PM

టాలీవుడ్ హీరో సాయి ధరమ్ తేజ్ హైదరాబాద్‌లో జరిగిన మోటార్ బైక్ ప్రమాదంలో తీవ్ర గాయాలపాలై ఆస్పత్రిలో చికిత్స పొందుతున్నారు. దీంతో ఆయన ఆరోగ్య పరిస్థితిపై అపోలో ఆస్పత్రి వైద్యులు హెల్త్ బులెటిన్ విడుదల చేశారు. ప్రస్తుతం సాయి ధరమ్ తేజ్ ఆరోగ్యంగా బాగానే ఉందని, ప్రధాన అవయవాలన్నీ బాగానే పనిచేస్తున్నాయని వైద్యులు తెలిపారు.

sai dharam tej

ప్రధానాంశాలు:

సాయి ధరమ్ తేజ్‌కి యాక్సిడెంట్కాలర్ బోన్ విరిగిందంటున్న డాక్టర్స్
సాయిధరమ్ తేజ్ హెల్త్ బులెటిన్ విడుదల చేసిన డాక్టర్స్ కాలర్ బోన్ విరిగిందని, అయినా కంగారు పడాల్సిన అవసరం లేదని కేవలం ముందు జాగ్రత్తగానే ఐసీయూకి తరలించినట్లుగా తెలిపారు. ఆయన తలకు, వెన్నెముకకు తీవ్రగాయాలేవీ కాలేదని తెలిపారు.
గర్భవతులు వీటిని అస్సలు తినొద్దట..
కాలర్ బోన్ విరగడం అంటే ఏమిటి..?

క్లేవిసిలే ఫ్రాక్చర్ అంటే కాలర్ బోన్ విరిగిపోవడం. భుజంలో ముఖ్యమైన ఎముకల్లో అది ఒకటి. ఇలాంటి ఫ్రాక్చర్ చాలా సాధారణమైనది. ఐదు శాతం మంది పెద్దల్లో ఇలాంటి ఫ్రాక్చర్ జరుగుతూనే ఉంటాయి. చేతులు ఎక్కువగా స్ట్రెచ్ చేసేటపుడు కాలర్ బోన్ పై ఒత్తిడి ఏర్పడినప్పుడు భుజంకి గట్టిగా ఏదైనా తగిలినప్పుడు ఇటువంటి సమస్యలు వచ్చే అవకాశం ఉంటుంది. ఇది నిజంగా చాలా నొప్పిగా ఉంటుంది. దీనితో చెయ్య ఎత్తడం కూడా కష్టం. ఫ్రాక్చర్లకి సర్జరీ అవసరం అవుతుంది.

ఈ క్లేవిసిలే అనేది రిబ్కేజ్ మరియు షోల్డర్ బ్లేడ్ కి మధ్యలో ఉంటుంది. అది చేతి ని కనెక్ట్ చేస్తుంది. అన్ని వయసు వాళ్ళకి ఇది కామన్‌గా వస్తుంది. ఎక్కువగా మధ్య వయసులో ఉండే వాళ్ళకి ఇది వచ్చే అవకాశం ఉంటుంది.

దీని యొక్క లక్షణాలు:

నిజంగా విపరీతమైన నొప్పి దీని వల్ల మనకి కలుగుతుంది.చెయ్యి కదపడం కూడా చాలా కష్టంగా ఉంటుంది.చెయ్యి ఎత్తడానికి అవ్వదు ఎందుకంటే నొప్పి విపరీతంగా కలుగుతుంది.స్వెల్లింగ్ వంటి లక్షణాలు కూడా మనం గుర్తించవచ్చు.భుజం కిందకి జారిపోయినట్లు ఉంటుంది.
ఫిజికల్ ఎగ్జామినేషన్:

మొదట మీరు డాక్టర్ ని కన్సల్ట్ చేసినప్పుడు మీ యొక్క లక్షణాలని డాక్టర్ అడుగుతారు. ఆ తర్వాత వైద్యులు ట్రీట్మెంట్ చేయడం జరుగుతుంది. ఇలాంటి ఫ్రాక్చర్‌లలో బంప్ ఉంటుంది ఫ్రాక్చర్ దగ్గర. అయితే టెస్ట్ చేసేటప్పుడు నరాలు కానీ బ్లడ్ వెజల్స్ కానీ చిట్లిపోకుండా బాగానే ఉన్నాయా లేదా అనేది చూస్తారు.
ఫస్ట్‌నైట్ రోజున ఇదే జరుగుతుంది.. ఎక్కువ ఊహించుకోవద్దు..
ఎక్స్ రే:

ఎక్స్ రే ద్వారా ఎముకల్ని చూడడానికి అవుతుంది. ఫ్రాక్చర్‌ని చూడడానికి డాక్టర్లు ఎక్సరే ని ఉపయోగిస్తారు. మొత్తం పూర్తి భుజం అంతా కూడా ఎక్స్రేలో చూడవచ్చు. ఏ ఎముక విరిగింది..?, ఇతర ఎముకలయినా విరిగాయా లేదా అనేది చెక్ చేస్తారు.

ట్రీట్మెంట్ :

కొన్ని కొన్ని సార్లు సర్జరీ అవసరం అవుతుంది. సర్జరీలో విరిగిపోయిన ఎముకలని తిరిగి అమరుస్తారు. అక్కడి నుండి కదలకుండా ఉంచుతారు. తిరిగి కోలుకునే వరకూ వాటిని అలానే ఉంచుతారు. ఇలా చేయడం వల్ల భుజంలో సామర్థ్యం పెరిగి రికవరీ అవడానికి అవుతుంది.

ఓపెన్ రిడక్షన్ అండ్ ఇంటర్నల్ ఫిక్సేషన్:

ఎక్కువగా ఇలాంటి ఫ్రాక్చర్స్ ట్రీట్మెంట్‌కి దీనిని ఉపయోగిస్తారు. విరిగిపోయిన ఎముకలును మళ్లీ స్పెషల్ మెటల్ హార్డ్వేర్ తో పెట్టడం జరుగుతుంది. ప్లేట్స్ అండ్ స్క్రూ, పిన్స్ ఆర్ స్క్రూస్, మేనేజ్మెంట్ రిహాబిలిటేషన్ వంటి పద్ధతులను ఉపయోగించి దీంతో మళ్లీ ఫ్రాక్చర్ ని తగ్గించడానికి అవుతుంది.
కరోనా కొత్త లక్షణాలివే.. జాగ్రత్త..
కాంప్లికేషన్స్:

ఏ సర్జరీకైనా కొన్ని కాంప్లికేషన్స్ ఉంటాయి.ఇన్ఫెక్షన్ బ్లీడింగ్, గాయం మానడానికి సమస్యలు, నొప్పి, బ్లడ్ క్లాట్స్, బ్లడ్ వెస్సెల్స్ లేదా నెర్వ్స్ డేమేజ్, అనస్తీషియా కి రియాక్షన్ ఇవ్వడం.

ఎలాంటి రిస్క్ ఉంటుంది..?

ఎముకలు మానడం కష్టమవుతుంది.ఊపిరితిత్తులు ఇబ్బంది.హార్డ్వేర్ ఇరిటేషన్.
సర్జరీకి ముందు మీరు మీ డాక్టర్ తో మాట్లాడి కాంప్లికేషన్స్ రాకుండా జాగ్రత్త పడాలి. ఏది ఏమైనా వెంటనే మంచి డాక్టర్ ని కన్సల్ట్ చెయ్యడం. ఆలస్యం లేకుండా సరైన చికిత్స తీసుకోవడం చాలా ముఖ్యం.

ఏదేమైనా ఈ ట్రీట్‌మెంట్ జరిగి మన హీరో సాయి ధరమ్ తేజ్ క్షేమంగా తిరిగిరావాలని అంతా కోరుకుందాం..

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : broken collarbone symptoms causes and treatment details know here all
Telugu News from Samayam Telugu, TIL Network

Read Entire Article