ഐപിഎല്‍ ഫൈനലിസ്റ്റുകളേയും ടി20 ലോകകപ്പ് സെമി ഫൈനലിസ്റ്റുകളേയും പ്രവചിച്ച് ആകാശ് ചോപ്ര

1 week ago 4

ഐപിഎല്‍, ടി20 ലോകകപ്പ് അടുത്തിരിക്കെ ടൂര്‍ണമെൻ്റുകളിലെ മികച്ച പ്രകടനം നടത്തുന്ന ടീമുകളെ പ്രവചിച്ച് മുന്‍ ഇന്ത്യന്‍ താരം ആകാശ് ചോപ്ര. സെപ്റ്റംബര്‍ 19 നാണ് ഐപിഎല്‍ ആരംഭിക്കുക.

Aakash Chopra On Ipl 2021

ആകാശ് ചോപ്ര

ഹൈലൈറ്റ്:

ഐപിഎല്‍ ഫൈനലില്‍ മുംബൈയും സിഎസ്‌കെയുമെന്ന് ആകാശ് ചോപ്ര. ടി20 ലോകകപ്പ് സെമി ഫൈനലില്‍ ഇന്ത്യയും പാകിസ്ഥാനുമെത്തുമെന്ന് പ്രവചനം. യുഎഇയിലും ഒമാനിലുമായി ഒക്ടോബര്‍ 17ന് ടി20 ലോകകപ്പ് ആരംഭിക്കും.
ദുബായ്: ക്രിക്കറ്റ് ആരാധകരെ സംബന്ധിച്ച് ഇനി ആഘോഷത്തിന്റെ രാവുകളാണ് വരാനിരിക്കുന്നത്. ഐപിഎല്‍ 2021 ലെ സീസണ്‍ രണ്ടാം പാദം സെപ്റ്റംബര്‍ 19 ന് ആരംഭിക്കുകയാണ്. ഇതിന് പിന്നാലെ ഒക്ടോബര്‍ 17 ന് ടി20 ലോകകപ്പിനും തുടക്കമാകും. ഇപ്പോഴിതാ മുന്‍ ഇന്ത്യന്‍ താരവും കമൻ്റേറ്ററുമായ ആകാശ് ചോപ്ര ഈ ടൂര്‍ണമെന്റുകളിലെ ഫൈനലിസ്റ്റുകളേയും സെമി ഫൈനലിസ്റ്റുകളേയും പ്രവചിച്ച് രംഗത്തെത്തിയിരിക്കുകയാണ്.

ഐപിഎല്ലിലെ ഫൈനലിസ്റ്റുകള്‍

മുംബൈ ഇന്ത്യന്‍സും സിഎസ്‌കെയും തമ്മിലായിരിക്കും ഇത്തവണത്തെ ഐപിഎല്‍ ഫൈനല്‍ എന്നാണ് ആകാശ് ചോപ്രയുടെ നിരീക്ഷണം. ഐപിഎല്‍ രണ്ടാംപാദം ആരംഭിക്കുന്നതും മുംബൈ സിഎസ്‌കെ മത്സരത്തോടെയാണ്. ടൂര്‍ണമെന്റിന്റെ ചരിത്രത്തില്‍ ഏറ്റവും കൂടുതല്‍ വിജയിച്ച രണ്ടു ടീമുകളാണ് മുംബൈയും സിഎസ്‌കെയും. മുംബൈ അഞ്ചു തവണയും സിഎസ്‌കെ മൂന്നു തവണയും ഐപിഎല്‍ ചാമ്പ്യന്മാരായിട്ടുണ്ട്.

ഒരു ടെസ്റ്റിന് പകരം രണ്ട് ടി20: ഇംഗ്ലണ്ടിന് മുന്നില്‍ പുതിയ നിര്‍ദ്ദേശവുമായി ബിസിസിഐ

ടി20 ലോകകപ്പിലെ സെമി ഫൈനലിസ്റ്റുകള്‍

ടി20 ലോകകപ്പില്‍ സെമി ഫൈനലിലെത്തിയേക്കാവുന്ന ടീമുകളേയും ആകാശ് ചോപ്ര പ്രവചിക്കുന്നുണ്ട്. ഇന്ത്യ, പാകിസ്ഥാന്‍, ഇംഗ്ലണ്ട്, വെസ്റ്റിന്‍ഡീസ് എന്നീ ടീമുകള്‍ സെമിയിലെത്തുമെന്നാണ് ചോപ്രയുടെ പ്രവചനം. ഒക്ടോബര്‍ 17 ന് യുഎഇയിലും ഒമാനിലുമായാണ് ടി20 ലോകകപ്പ് നടക്കുക. ഏറെക്കുറെ എല്ലാ ടീമുകളും ഇതിനകം തന്നെ തങ്ങളുടെ ടീമുകളെ പ്രഖ്യാപിച്ചിട്ടുണ്ട്.

ക്രിക്കറ്റ് മത്സരത്തിലെ റണ്ണൗട്ട് ശ്രമത്തിനിടെ നായ പന്തു കടിച്ചോടി; കളി നിര്‍ത്തിവെച്ചു!!

വിരാട് കോലിയോ രോഹിത്തോ

ട്വിറ്ററില്‍ ആരാധകരുമായി നടത്തിയ ഒരു ചോദ്യോത്തര പരിപാടിയിലാണ് ചോപ്ര ഐപിഎല്‍, ടി20 ലോകകപ്പ് പ്രവചനം നടത്തിയത്. ലോകകപ്പിന് ശേഷം രോഹിത് ശര്‍മയെ ഇന്ത്യന്‍ ക്യാപ്റ്റനാക്കുമെന്ന വിവാദത്തിന് പ്രതികരിക്കാനായുള്ള ഒരു ആരാധകന്റെ ചോദ്യത്തിന് തന്ത്രപൂര്‍വം ഒഴിഞ്ഞുമാറുകയായിരുന്നു മുന്‍ താരം. ലോകകപ്പില്‍ വിരാട് കോലിയാണ് ക്യാപ്റ്റനെന്നും അതിനുശേഷമാകാം ഇക്കാര്യത്തില്‍ ചര്‍ച്ചയെന്നും ചോപ്ര പറഞ്ഞു.

രാഹുൽ ദ്രാവിഡ് ഇന്ത്യയുടെ അടുത്ത പരിശീലകനാവുമോ? ഗാംഗുലിയുടെ മറുപടി ഇങ്ങനെ!!

രോഹിത്തിനെ പുകഴ്ത്തി ആകാശ് ചോപ്ര

അടുത്തിടെ ഒരു മാധ്യമത്തിലെ തന്റെ കോളത്തില്‍ രോഹിത്തിനെ പുകഴ്ത്തി ചോപ്ര രംഗത്തെത്തിയിരുന്നു. ഇംഗ്ലണ്ട് പരമ്പരയിലെ രോഹിത്തിന്റെ പ്രകടനത്തെ 2004 ല്‍ സച്ചിന്‍ ടെണ്ടുല്‍ക്കര്‍ സിഡ്‌നിയില്‍ പുറത്തെടുത്ത കളിയോടാണ് ചോപ്ര ഉപമിച്ചത്. അന്ന് സച്ചിന്‍ സിഡ്‌നിയില്‍ 241 റണ്‍സ് നേടിയിരുന്നു. ഇംഗ്ലണ്ട് പരമ്പരയ്ക്ക് പിന്നാലെയാണ് ഇന്ത്യന്‍ കളിക്കാര്‍ ഐപിഎല്ലിനായി യുഎഇയില്‍ എത്തിയിരിക്കുന്നത്.

ചേകാടിയിലെ 'പച്ചക്കടല്‍' കാണാന്‍ സഞ്ചാരികളുടെ പ്രവാഹം

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : former indian cricketer aakash chopra names his four semi finalists in icc t20 world cup 2021
Malayalam News from malayalam.samayam.com, TIL Network

Read Entire Article