ഒളിമ്പിക്‌സ് മെഡല്‍ നേട്ടത്തിന് പിന്നാലെ മതാപിതാക്കളുടെ സ്വപ്‌നം സഫലമാക്കി നീരജ് ചോപ്ര

2 weeks ago 1

വിമാനത്തില്‍ യാത്ര ചെയ്യുകയെന്ന മാതാപിതാക്കളുടെ സ്വപ്‌നം സഫലമാക്കി ഇന്ത്യയുടെ ഒളിമ്പിക്‌സ് സ്വര്‍ണമെഡല്‍ ജേതാവ് നീരജ് ചോപ്ര. നീരജിൻെറ സ്‌പോര്‍ട്‌സ് ഏജന്റായ ജെഎസ്ഡബ്ലു ആണ് പരിപാടി ഒരുക്കിയത്.

Neeraj Chopra

നീരജ് ചോപ്ര രക്ഷിതാക്കൾക്കൊപ്പം

ഹൈലൈറ്റ്:

മാതാപിതാക്കളുമായി ആദ്യ വിമാനയാത്ര നടത്തി നീരജ് ചോപ്രപരിശീലകനും ഒളിമ്പ്യന്‍ ബോക്‌സര്‍ സതീഷ് കുമാറും നീരജിനൊപ്പംടോക്യോ ഒളിമ്പിക്‌സില്‍ നീരജ് ജാവലിന്‍ ത്രോയില്‍ സ്വര്‍ണം നേടി
ന്യൂഡല്‍ഹി: അത്‌ലറ്റിക്‌സില്‍ ഒരു ഒളിമ്പിക്‌സ് മെഡലെന്ന ഇന്ത്യയുടെ പതിറ്റാണ്ടുകളായുള്ള സ്വപ്‌നം സ്വര്‍ണ നേട്ടത്തിലൂടെ സഫലമാക്കിയ താരമാണ് നീരജ് ചോപ്ര. ടോക്യോ ഒളിമ്പിക്‌സ് ജാവലിന്‍ ത്രോയില്‍ സ്വര്‍ണം നേടിയതോടെ ലോകമെങ്ങും പ്രശസ്ത നേടിയ നീരജ് വിമാനത്തില്‍ യാത്ര ചെയ്യുകയെന്ന മാതാപിതാക്കളുടെ ഏറെക്കാലത്തെ ഒരു ആഗ്രഹം സഫലമാക്കിയിരിക്കുകയാണ്.

തന്റെ ചെറിയൊരു സ്വപ്‌നം സഫലമാക്കിയെന്നും മാതാപിതാക്കളെ വിമാനത്തില്‍ യാത്ര ചെയ്യിപ്പിച്ചുവെന്നും നീരജ് ചിത്രമുള്‍പ്പെടെ ട്വീറ്റ് ചെയ്യുകയും ചെയ്തു. നീരജിന്റെ കായിക ജീവിതത്തില്‍ ഏറെ പ്രചോദനമേകിയവരാണ് ഇരുവരും. ഒളിമ്പിക്‌സ് മെഡലെന്ന തന്റെ സ്വപ്‌നനേട്ടത്തിന് പിന്നാലെ രക്ഷിതാക്കളുമായി വിമാനത്തില്‍ യാത്ര ചെയ്ത് നീരജ് അവരെ തന്നോട് ചേര്‍ത്തുപിടിക്കുകയും ചെയ്തു. നീരജിന്റെ മാതാപിതാക്കളായ സതീഷ് കുമാര്‍, സരോജ ദേവി എന്നിവര്‍ക്കൊപ്പം പരിശീലകന്‍ ക്ലൗസ് ബാര്‍ട്ടോണിറ്റ്‌സ്, ഒളിമ്പ്യന്‍ ബോക്‌സര്‍ സതീഷ് കുമാര്‍ എന്നിവരുമുണ്ടായിരുന്നു. നീരജിന്റെ സ്‌പോര്‍ട്‌സ് ഏജന്റായ ജെഎസ്ഡബ്ലു ആണ് പരിപാടി ഒരുക്കിയത്.

പരസ്യത്തിനുളള പ്രതിഫലം കുത്തനെ ഉയര്‍ത്തി നീരജ് ചോപ്ര; ഇനി വിരാട് കോലിക്കൊപ്പം!
ആര്‍മിയില്‍ ഉദ്യോഗസ്ഥനാണ് നീരജ്. രജ്പുത്താന റൈഫിള്‍സില്‍ നീരജിനെ അയക്കണമെന്ന് രക്ഷിതാക്കളോട് ഉദ്യോഗസ്ഥര്‍ അറിയിച്ചിരുന്നു. 2016ലാണ് നീരജിന്റെ കായിക കുതിപ്പ് കണ്ടറിഞ്ഞ് രജപുത്താന റൈഫിള്‍സ് ഉദ്യോസ്ഥര്‍ വീട്ടിലെത്തുന്നത്. അന്ന് 80 മീറ്ററോളമാണ് നീരജ് ജാവലിന്‍ എറിഞ്ഞിരുന്നത്. ഏറെ പ്രയത്‌നത്തിനുശേഷമാണ് മാതാപിതാക്കളെ സമ്മതിപ്പിച്ച് നീരജിനെ ആര്‍മിയിലെത്തിച്ചതെന് മുന്‍ ലെഫ്റ്റ്. ജനറല്‍ അഭയ് കൃഷ്ണ പറഞ്ഞു.

ലൈംഗികജീവിതവും കായികജീവിതവും എങ്ങനെ ബാലൻസ് ചെയ്യുന്നു? നീരജ് ചോപ്രയോട് കലാചരിത്രകാരൻെറ ചോദ്യം!!

നീരജ് രജ്പുത്താനയില്‍ ചേര്‍ന്നശേഷം ബ്രിഗേഡിയറായിരുന്ന ആദിഷ് യാദവിനൊപ്പം കായിക പരിശീലനും മറ്റും നീരജിന്റെ വീട്ടില്‍ ഒരുദിവസം മുഴവന്‍ ചെലവഴിക്കുകയും കായിക താരമായി വളര്‍ന്നുവരാന്‍ നീരജിന് എല്ലാ പിന്തുണയും നല്‍കിയ മാതാപിതാക്കളെ അഭിനന്ദിക്കുകയും ചെയ്തു. അതിനു മുന്‍പും ഒട്ടേറെ കായിക താരങ്ങള്‍ക്ക് രജപുത്താന റൈഫിള്‍സ് പിന്തുണയുമായി രംഗത്തെത്തിയിട്ടുണ്ട്.

ക്രിസ്റ്റ്യാനോ റൊണാൾഡോ മാഞ്ചസ്റ്റര്‍ യുണൈറ്റഡിനായി ഇന്ന് കളിക്കും


Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : olympic gold medallist neeraj chopra takes parents on their first flight
Malayalam News from malayalam.samayam.com, TIL Network

Read Entire Article