ചാമ്പ്യന്‍സ് ലീഗ്: ബാഴ്‌സയ്ക്കും യുണൈറ്റഡിനും ഞെട്ടിക്കുന്ന തോല്‍വി, ചെല്‍സിക്ക് ജയം

1 week ago 2

ഹൈലൈറ്റ്:

യങ് ബോയ്‌സിനോട് 2-1ന് പരാജയപ്പെട്ട് മാഞ്ചസ്റ്റര്‍ യുണൈറ്റഡ്ബയേണ്‍ മ്യൂണിക് ബാഴ്‌സലോണയെ 3-0ന് തോല്‍പ്പിച്ചുലുക്കാക്കുവിന്റെ ഗോളില്‍ ജയം സ്വന്തമാക്കി ചെല്‍സി
ലണ്ടന്‍: ചാമ്പ്യന്‍സ് ലീഗ് ഫുട്‌ബോളില്‍ മുന്‍നിര ടീമുകള്‍ക്ക് ജയവും പരാജയവും. ബാഴ്‌സലോണ, മാഞ്ചസ്റ്റര്‍ യുണൈറ്റഡ് ടീമുകള്‍ തോല്‍വി വഴങ്ങിയപ്പോള്‍ ചെല്‍സി, ബയേണ്‍ മ്യൂണിക്, യുവന്റസ് എന്നിവര്‍ ജയം സ്വന്തമാക്കി. ക്രിസ്റ്റിയാനോ റൊണാള്‍ഡോ യുണൈറ്റഡില്‍ മടങ്ങിയെത്തിയ ആദ്യ ചാമ്പ്യന്‍സ് ലീഗ് മത്സരത്തിലാണ് ടീമിന്റെ തോല്‍വി. മെസ്സിയില്ലാതെയിറങ്ങിയ ബാഴ്‌സയും തോല്‍വി ഏറ്റുവാങ്ങി.

സ്വിസ് ക്ലബ്ബ് യങ് ബോയ്‌സ് 2-1ന് യുണൈറ്റഡിനെ അട്ടിമറിക്കുകയായിരുന്നു. ക്രിസ്റ്റിയാനോയിലൂടെ 13-ാം മിനിറ്റില്‍ യുണൈറ്റഡ് ആണ് ആദ്യ ലീഡെടുത്തത്. എന്നാല്‍ 35-ാം മിനിറ്റില്‍ ആരോണ്‍ വാന്‍ ബിസാക്ക ചുവപ്പുകാര്‍ഡ് കണ്ട് പുറത്തായത് യുണൈറ്റഡിന് തിരിച്ചടിയായി. 66-ാം മിനിറ്റില്‍ മൗമി എന്‍ഗാമെല്യു യങ് ബോയ്‌സിനായി സമനില കണ്ടെത്തി. കളിയവസാനിക്കാനിരിക്കെ 90+5-ാം മിനിറ്റില്‍ മിതിയോസണ്‍ സിയേബച്യു വിജയഗോളും നേടി.

ബാഴ്‌സലോണയെ മറുപടിയില്ലാത്ത മൂന്നു ഗോളുകള്‍ക്കാണ് ബയേണ്‍ കീഴടക്കിയത്. റോബര്‍ട്ട് ലെവന്‍ഡോസ്‌കി രണ്ടു ഗോളുകള്‍ നേടിയപ്പോള്‍ തോമസ് മുള്ളറുടെ വകയാണ് മറ്റൊരു ഗോള്‍. 69-ാം മിനിറ്റില്‍ റൊമേലു ലുക്കാക്കു നേടിയ ഏക ഗോളില്‍ സെനിത്തിനെതിരെയാണ് ചെല്‍സിയുടെ ജയം. യുവന്റസ് മറുപടിയില്ലാത്ത മൂന്നു ഗോളുകള്‍ക്ക് മാല്‍മോയെ തോല്‍പ്പിച്ചു. അലെക്‌സാന്‍ഡ്രോ, പൗലോ ഡിബാല, ആല്‍വരോ മൊറാട്ട എന്നിവരാണ് സ്‌കോറര്‍മാര്‍.

ഫുട്‌ബോളര്‍മാരുടെ തകര്‍പ്പന്‍ ഗോളടി ആഹ്ലാദം ആരുടേത്? എന്താണ് ഇതിലൂടെ താരങ്ങള്‍ ഉദ്ദേശിക്കുന്നത്

മറ്റു മത്സരഫലങ്ങള്‍, സെവിയ്യ 1-1 സ്ലാസ്ബര്‍ഗ്, ലില്ലെ 0-0 വോള്‍ഫ്‌സ്ബര്‍ഗ്, വിയ്യാറയല്‍ 2-2 അറ്റ്‌ലാന്റ, ഡൈനാമോ കീവ് 0-0 ബെന്‍ഫിക്ക. പതിനാറ് ടീമുകളാണ് ആദ്യദിനം കളത്തിലിറങ്ങിയത്. ശേഷിക്കുന്ന 16 ടീമുകള്‍ ബുധനാഴ്‌സ മത്സരത്തിനിറങ്ങും. ഇന്റര്‍ മിലാന്‍ റയല്‍ മാഡ്രിഡിനേയും ലിവര്‍പൂള്‍ മിലാനേയും നേരിടും. പിഎസ്ജി, മാഞ്ചസ്റ്റര്‍ സിറ്റി തുടങ്ങിയ പ്രമുഖര്‍ക്കും രണ്ടാം ദിനം കളിയുണ്ട്.

കന്നി ഗ്രാന്‍ഡ്സ്ലാം നേടി മെദ്‌വദേവ്‌


Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : uefa champions league young boys stuns manchester united
Malayalam News from malayalam.samayam.com, TIL Network

Read Entire Article