ചുവന്ന മുന്തിരി ആരോഗ്യത്തിന് കൂട്ടാകുന്നത് ഇങ്ങനെ

2 weeks ago 1

പല തരം ആന്റി ഓക്സിഡന്റുകളാൽ സമ്പന്നമാണ് ചുവന്ന മുന്തിരി. ആരോഗ്യം സംരക്ഷിക്കുന്നതിലും ചർമ്മ സൗന്ദര്യം കാത്ത് സൂക്ഷിക്കുന്നതിലും ചുവന്ന മുന്തിരി നൽകുന്ന ഗുണങ്ങൾ അറിയാം.

red grapes

ചുവന്ന മുന്തിരി ആരോഗ്യത്തിന് കൂട്ടാകുന്നത് ഇങ്ങനെ

ഹൈലൈറ്റ്:

കണ്ണുകളുടെ ആരോഗ്യം സംരക്ഷിക്കുന്നതിന് ചുവന്ന മുന്തിരിഅറിയാം ഇത് നൽകുന്ന മറ്റ് പല ആരോഗ്യ ഗുണങ്ങൾ
കുലകളായി തൂങ്ങി കിടക്കുന്ന ചുവന്ന മുന്തിരി കാണാൻ തന്നെ എന്തൊരു ഭംഗിയാണ്, അല്ലെ? കാണാനുള്ള ഭംഗി മാത്രമല്ല, ആരോഗ്യ സമ്പുഷ്ടവുമാണ് ഈ ഫലം. ചുവന്ന മുന്തിരി ലോകത്തിലെ ഏറ്റവും മികച്ച വീഞ്ഞ് ഉണ്ടാക്കാൻ മാത്രമല്ല ഉപയോഗിക്കുന്നത്. പല ആരോഗ്യ ആവശ്യങ്ങൾക്കും ഇവ ഉപയോഗിക്കുന്നുണ്ട്. കൂടാതെ ചർമ്മസംരക്ഷണത്തിനും മുടിയുടെ സംരക്ഷണത്തിനും സഹായിക്കുന്ന ധാരാളം ആരോഗ്യ ഗുണങ്ങളുണ്ട് ചുവന്ന മുന്തിരിയിൽ. ചുവന്ന മുന്തിരിയിൽ വിറ്റാമിൻ എ, സി, ബി 6, പൊട്ടാസ്യം, കാൽസ്യം, ഇരുമ്പ്, ഫോസ്ഫറസ്, ഫോളേറ്റ്, മഗ്നീഷ്യം, സെലിനിയം എന്നിവ അടങ്ങിയിട്ടുണ്ട്. കണ്ണിന്റെ ആരോഗ്യത്തിന് സഹായിക്കുന്നതിനായി മുന്തിരിയിൽ കാണപ്പെടുന്ന ഏറ്റവും ശക്തമായ ആന്റിഓക്‌സിഡന്റുകളാണ് ഫ്ലേവനോയ്ഡുകൾ.

പല തരത്തിലുള്ള രോഗങ്ങൾക്ക് പ്രതിവിധിയാകുന്നതോടൊപ്പം കൊളസ്‌ട്രോളിന്റെ അളവ് നിയന്ത്രിക്കാനും ചർമ്മത്തിലെ ചുളിവുകളും കറുത്ത പാടുകളുമെല്ലാം നീക്കി യുവത്വം നിറയുന്ന ചർമ്മം ലഭിക്കാനും ചുവന്ന മുന്തിരി ഏറെ പ്രയോജനകരമാണ്.

ചുവന്ന മുന്തിരി നൽകുന്ന ഈ ഗുണങ്ങൾ അറിഞ്ഞിരിക്കാം

കാഴ്ചശക്തി മെച്ചപ്പെടുത്തുന്നു

ചുവന്ന മുന്തിരിപ്പഴം ശക്തമായ ആന്റിഓക്‌സിഡന്റായ റെസ്വെറട്രോളിന്റെ ഉറവിടമായതിനാൽ, അവ ടിഷ്യുവിനെ നശിപ്പിക്കുന്ന ചില പ്രത്യേക എൻസൈമുകളെ തടയുന്ന പ്രവർത്തനം നിർവ്വഹിക്കുന്നു. കണ്ണിന്റെ ആരോഗ്യം സംരക്ഷിക്കാനുള്ള ഗുണങ്ങളെല്ലാം ചുവന്ന മുന്തിരിയിൽ അടങ്ങിയിട്ടുണ്ട്.

ആസ്ത്മ സുഖപ്പെടുത്താൻ

ചുവന്ന മുന്തിരിക്ക് ആസ്ത്മയെ സുഖപ്പെടുത്താൻ കഴിയുന്ന മികച്ച ചികിത്സാ മൂല്യങ്ങളുണ്ട്. മുന്തിരിയുടെ സ്വാംശീകരണ ശക്തി ഉയർന്നതാണ്, ഇത് ശ്വാസകോശത്തിലെ ഈർപ്പം വർദ്ധിപ്പിക്കുകയും ആസ്ത്മയെ സുഖപ്പെടുത്തുകയും ചെയ്യുന്നു.
ആരോഗ്യം സംരക്ഷിക്കാൻ മഞ്ഞൾ, കൂടുതൽ ഗുണങ്ങൾ അറിയാം
കാൻസർ സാധ്യത കുറയ്ക്കാൻ

അർബുദത്തെ നിയന്ത്രിക്കുന്നതിൽ റെസ്വെറട്രോൾ നല്ല ഫലം കാണിക്കുന്നു, കൂടാതെ ഇത് നിങ്ങളുടെ ചർമ്മത്തെ സൂര്യന്റെ ദോഷകരമായ അൾട്രാവയലറ്റ് കിരണങ്ങളിൽ നിന്ന് സംരക്ഷിക്കുന്നു. അതിനാൽ, അപകടകരമായ ചർമ്മ കാൻസറിൽ നിന്ന് സംരക്ഷിക്കാൻ ഇത് സഹായിക്കുന്നു. ചുവന്ന മുന്തിരിപ്പഴം കാൻസർ ചികിത്സയ്ക്കിടെ ശരീരത്തെ റേഡിയേഷനിൽ നിന്ന് സംരക്ഷിക്കുകയും ചെയ്യുന്നു.

ഹൃദയത്തിന്റെ ആരോഗ്യത്തിന്

ചുവന്ന മുന്തിരിയിലെ ഫ്ലാവനോയ്ഡുകളും റെസ്വെറട്രോളും ഹൃദ്രോഗ പ്രതിരോധ ഗുണങ്ങൾക്ക് പേരുകേട്ടതാണ്. ഫ്രാൻസിൽ റെഡ് വൈൻ, റെഡ് വൈൻ മുന്തിരി എന്നിവയുടെ ഉപയോഗം കാരണം ഹൃദ്രോഗങ്ങൾ വളരെ കുറവാണ്. ഇവയിൽ നിന്ന് ഉണ്ടാക്കുന്ന മുന്തിരി ജ്യൂസ്, വൈൻ എന്നിവയിൽ പോളിഫിനോൾസ്, ഫ്ലേവനോയ്ഡുകൾ, റെസ്വെറട്രോൾ തുടങ്ങിയ ആന്റിഓക്സിഡന്റുകൾ അടങ്ങിയിട്ടുണ്ട്. ഉയർന്ന കൊളസ്ട്രോൾ, ഉയർന്ന രക്തസമ്മർദ്ദം, രക്തം കട്ടപിടിക്കൽ, ഹൃദയ സംബന്ധമായ അസുഖങ്ങൾ എന്നിവ കുറയ്ക്കാൻ ഇവ സഹായിക്കുന്നു.

ചർമ്മ ആരോഗ്യം സംരക്ഷിക്കാൻ

മുന്തിരിയിലും അവയുടെ വിത്തുകളിലും നല്ല അളവിൽ ആന്റിഓക്‌സിഡന്റുകൾ അടങ്ങിയിട്ടുണ്ട്. അവ വിറ്റാമിൻ ഇ-യേക്കാൾ 50 മടങ്ങ് ശക്തവും വിറ്റാമിൻ സി യേക്കാൾ 20 മടങ്ങ് ശക്തവുമാണ് ഇത് ചർമ്മത്തെ മലിനീകരണത്തിൽ നിന്നും വിഷവസ്തുക്കൾ മൂലമുള്ള നാശത്തിൽ നിന്നും സംരക്ഷിക്കാൻ സഹായിക്കുന്നു. കൊളാജൻ നന്നാക്കാനും ഇത് ഉപയോഗപ്രദമാണ്.

ചർമ്മഭംഗി കൂട്ടും ഭക്ഷണങ്ങൾ ഇവയാണ്


Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : never miss out these health benefits of red grapes
Malayalam News from malayalam.samayam.com, TIL Network

Read Entire Article