ടോക്യോ പാരാലിമ്പിക്സ്: ഇന്ത്യക്ക് അഞ്ചാം സ്വർണം, ആകെ 19 മെഡലുകൾ, ചരിത്രത്തിലെ ഏറ്റവും മികച്ച പ്രകടനം

2 weeks ago 1

| Samayam Malayalam | Updated: Sep 5, 2021, 1:36 PM

പാരാലിമ്പിക്സിൽ ചരിത്രത്തിലെ ഏറ്റവും മികച്ച പ്രകടനവുമായി ഇന്ത്യ. അഞ്ച് സ്വർണമെഡലടക്കം 19 മെഡലുകളാണ് ഇന്ത്യ നേടിയത്. എട്ട് വെള്ളിയും ആറ് വെങ്കലവും ഇന്ത്യ നേടി.

Krishna Nagar

കൃഷ്ണ നാഗറിന് സ്വർണം

ഹൈലൈറ്റ്:

പാരാലിമ്പിക്സിൽ ഇന്ത്യക്ക് 19 മെഡലുകൾഅഞ്ച് സ്വർണമെഡലുകൾ ഇത്തവണ നേടിമാരിയപ്പൻ തങ്കവേലുവിന് വെള്ളി
ടോക്യാ പാരാലിമ്പിക്സിൽ ചരിത്രനേട്ടവുമായി ഇന്ത്യൻ താരങ്ങൾ. ഏറ്റവും കൂടുതൽ മെഡലുകളുമായാണ് ഇന്ത്യൻ സംഘം മടങ്ങിയെത്തുക. അഞ്ച് സ്വർണവും എട്ട് വെള്ളിയും ആറ് വെങ്കലവും അടക്കം 19 മെഡലുകളാണ് ഇന്ത്യ സ്വന്തമാക്കിയത്. ആദ്യമായാണ് ഇന്ത്യക്ക് മെഡൽ രണ്ടക്കം കടക്കുന്നത്. ആകെ നാല് മെഡലുകൾ ലഭിച്ചതായിരുന്നു ഇതിന് മുമ്പ് ഇന്ത്യയുടെ ഏറ്റവും മികച്ച നേട്ടം. 1984ലും 2016ലുമാണ് ഇന്ത്യ 4 മെഡലുകൾ നേടിയിരുന്നത്.

പാരാലിമ്പിക്സിൽ ഭവിന ബെൻ പട്ടേലിലൂടെയാണ് ഇന്ത്യ മെഡൽനേട്ടം തുടങ്ങിയത്. ടേബിൾ ടെന്നീസിൽ മെഡൽ നേടുമ്പോൾ പാരാലിമ്പിക്സിൽ മെഡൽ നേടുന്ന രണ്ടാമത്തെ ഇന്ത്യൻ വനിതാതാരമായിരുന്നു ഭവിന. ഹൈജംപിൽ നിഷാദ് കുമാറാണ് ഇന്ത്യയുടെ രണ്ടാം മെഡൽ നേടിയത്. ഷൂട്ടിങിൽ അവനി ലെഖാറ ആദ്യ സ്വർണമെഡൽ സ്വന്തമാക്കി. ഇവിടെ നിന്നങ്ങോട്ട് ഇന്ത്യ മെഡൽനേട്ടത്തിന് വേഗം കൂട്ടുന്ന കാഴ്ചയാണ് കണ്ടത്.

ടോക്യോ പാരാലിമ്പിക്സ്; ഹെജംപിൽ നിഷാദ് കുമാറിന് വെള്ളി, ഡിസ്കസ് ത്രോയിൽ വിനോദ് കുമാറിന് വെങ്കലം

യോഗേഷ് കതുന്യയിലൂടെ ഡിസ്കസ് ത്രോയിലായിരുന്നു അടുത്ത മെഡൽ. ജാവലിൻ ത്രോയിൽ വെള്ളിമെഡൽ നേടി വെറ്ററൻ താരം ദേവേന്ദ്ര ജജരിയ രാജ്യത്തിൻെറ അഭിമാനമുയർത്തി. സുന്ദർ സിങ് ഗുർജർ ജാവലിൻ ത്രോയിൽ വെങ്കലമെഡലും സ്വന്തമാക്കി. സുമിത് അൺടിൽ ജാവലിൻ ത്രോയിൽ സ്വർണമെഡലും നേടി. ലോക റെക്കോർഡോടെയായിരുന്നു ഈ സ്വർണമെഡൽ നേട്ടം.

ഷൂട്ടിങിൽ രണ്ടാം മെഡൽ നേടിയത് സിങ് രാജ് അധാനയാണ്. പുരുഷൻമാരുടെ 10 മീറ്റർ എയർ പിസ്റ്റളിൽ വെങ്കലമെഡലാണ് അദ്ദേഹം സ്വന്തമാക്കിയത്. റിയോ പാരാലിമ്പിക്സിൽ സ്വർണം നേടി ചരിത്രനേട്ടം സ്വന്തമാക്കിയ മാരിയപ്പൻ തങ്കവേലു ഇത്തവണ ഹൈജംപിൽ വെള്ളിമെഡൽ നേടി. പാരാലിമ്പിക്സിൽ രണ്ട് മെഡൽ നേടുന്ന മൂന്നാമത്തെ ഇന്ത്യൻ താരമായും മാരിയപ്പൻ മാറി.

ടോക്യാ പാരാലിമ്പിക്സ്: ചരിത്രനേട്ടവുമായി അവനി, സുമിതിന് ജാവലിൻ ത്രോയിലും സ്വർണം

ഹെജംപിൽ ശരദ് കുമാർ വെങ്കലമെഡലും സ്വന്തമാക്കി. ഏഷ്യൻ റെക്കോർഡുമായി പ്രവീൺ കുമാർ ഹെജംപിൽ വെള്ളിയും നേടി. 2.07 മീറ്റർ ചാടിയായിരുന്നു പ്രവീൺ കുമാറിൻെറ മെഡൽ നേട്ടം. 50 മീറ്റർ റൈഫിളിലും മെഡൽ നേടി അവനി ലെഖാറ തൻെറ മെഡൽ നേട്ടം രണ്ടാക്കുന്നതിനും പാരാലിമ്പിക്സ് സാക്ഷ്യം വഹിച്ചു. ഇതാദ്യമായാണ് ഒരു ഇന്ത്യൻ താരം ഒരേ പാരാലിമ്പിക്സിൽ രണ്ട് മെഡൽ നേടിയത്. ആർച്ചറിയിൽ ഹർവീന്ദർ സിങ് വെങ്കലമെഡലും നേടി.

ഷൂട്ടിങിൽ മനീഷ് നർവാലിലൂടെയാണ് ഇന്ത്യ മൂന്നാം സ്വർണമെഡൽ നേടിയത്. ഇതേ ഇനത്തിൽ സിങ് രാജ് അധാന വെള്ളിയും സ്വന്തമാക്കി. ബാഡ്മിൻറണിൽ പ്രമോദ് ഭഗത് സ്വർണമെഡൽ നേടിയതോടെ ഇന്ത്യയുടെ സ്വർണമെഡൽ നേട്ടം നാലായി. മനോജ് സർക്കാർ വെങ്കലമെഡലും സുഹാസ് യതിരാജ് വെള്ളിമെഡലും സ്വന്തമാക്കി. ബാഡ്മിൻറണിൽ കൃഷ്ണ നാഗറാണ് ഇന്ത്യയുടെ മെഡൽ നേട്ടത്തിന് വിരാമമിട്ടത്. സ്വർണമെഡലോടെയാണ് ഇന്ത്യ പാരാലിമ്പിക്സിൽ തങ്ങളുടെ മെഡൽ വേട്ട അവസാനിപ്പിച്ചത്. ഫൈനലിൽ ഹോങ്കോങ് താരത്തെ തോൽപ്പിച്ചാണ് കൃഷ്ണ നാഗർ സ്വർണം നേടിയത്.

വീണ്ടും മെഡൽ നേട്ടവുമായി ഇന്ത്യ


Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : india finishes tokyo paralympics with 19 medals, best performance in the history
Malayalam News from malayalam.samayam.com, TIL Network

Read Entire Article