നീരജ് ചോപ്രയെ ഒളിമ്പിക്‌സ് ചാമ്പ്യനാക്കിയ പരിശീലകന്‍ ഉവെ ഹോണിനെ പുറത്താക്കി

1 week ago 2

Authored by

Samayam Malayalam | Updated: Sep 14, 2021, 5:27 PM

ഐപിഎല്ലിലെ എക്കാലത്തേയും മികച്ച ഒരു ഇലവനെ തെരഞ്ഞെടുത്ത് ബംഗ്ലാദേശ് ഓള്‍റൗണ്ടര്‍ ഷാക്കിബ് അല്‍ ഹസന്‍. ഐപിഎല്‍ രണ്ടാംപാദ മത്സരങ്ങള്‍ സപ്തംബര്‍ 19ന് യുഎഇയില്‍ ആരംഭിക്കും.

uwe hohn

ഹൈലൈറ്റ്:

പ്രമുഖരെ ഒഴിവാക്കി ഐപിഎല്‍ ഇലവനുമായി ഷാക്കിബ് അല്‍ ഹസന്‍. ഷാക്കിബിന്റെ ഐപിഎല്‍ ഇലവന്റെ ക്യാപ്റ്റനായി എം എസ് ധോണി.ക്രിസ് ഗെയ്ല്‍, എ ബി ഡിവില്ലിയേഴ്‌സ് എന്നിവര്‍ ഷാക്കിബിന്റെ ടീമിലില്ല.
ന്യൂഡല്‍ഹി: ചരിത്രത്തിലാദ്യമായി ഇന്ത്യയ്ക്ക് അത്‌ലറ്റിക്‌സില്‍ ഒരു മെഡല്‍ നേടിക്കൊടുത്ത ജര്‍മന്‍ പരിശീലകന്‍ ഉവെ ഹോണിനെ പുറത്താക്കി. നീജ് ചോപ്രയുടെ ജാവലിന്‍ ത്രോ പരിശീലകനാണ് ഹോണ്‍. ടോക്യോ ഒളിമ്പിക്‌സില്‍ നീരജിനെ സ്വര്‍ണനേട്ടത്തിലെത്തിച്ച ഇദ്ദേഹത്തെ പുറത്താക്കിയതായി അത്‌ലറ്റിക്‌സ് ഫെഡറേഷന്‍ ഓഫ് ഇന്ത്യ അറിയിച്ചു. എഎഫ്‌ഐയെ വിമര്‍ശിച്ചതിനെ തുടര്‍ന്നാണ് നടപടി.

ജാവലിനില്‍ 100 മീറ്റര്‍ പായിച്ച ഏക വ്യക്തിയാണ് ഹോണ്‍. ഇദ്ദേഹത്തെ 2017ലാണ് ദേശീയ ടീമിന്റെ പരിശീലകനാക്കിയത്. നീരജ് ചോപ്ര ലോകോത്തര താരമായി വളര്‍ന്നതും ഹോണിന്റെ പരിശീലന മികവിലാണ്. ഏഷ്യന്‍ ഗെയിംസിലും കോമണ്‍വെല്‍ത്ത് ഗെയിംസിലും ഒളിമ്പിക്‌സിലും സ്വര്‍ണനേട്ടമുണ്ടാക്കിയ പരിശീലകനെ വിമര്‍ശനത്തിന്റെ പേരില്‍ പുറത്താക്കാനാണ് എഎഫ്‌ഐ തീരുമാനിച്ചത്.

പരിശീലകരുടെ പ്രകടനം വിലയിരുത്തിയശേഷം ഹോണിനെ മടക്കിയയക്കാനാണ് തീരുമാനിച്ചതെന്ന് എഎഫ്‌ഐ പ്രസിഡന്റ് അദില്‍ സുമരിവാല അറിയിച്ചു. അതേസമയം, നീരജിന്റെ ബയോകെമിക്കല്‍ എക്‌സ്‌പേര്‍ട്ട് ക്ലൗസ് ബാര്‍ട്ടോണിറ്റ്‌സിന്റെ സേവനം തുടരും. ഹോണിന്റെ പ്രകടനം മികവുറ്റതായിരുന്നില്ലെന്നും പകരം പുതിയ രണ്ട് പരിശീലകരെ എത്തിക്കുമെന്നും സുമരിവാല പറഞ്ഞു.

നീരജ് ചോപ്ര, ശിവ്പാല്‍ സിങ്, അന്നു റാണി എന്നിവര്‍ക്ക് ഹോണിന്റെ കീഴില്‍ ജോലി ചെയ്യാന്‍ താത്പര്യമില്ലെന്ന് എഎഫ്‌ഐ പ്ലാനിങ് കമ്മീഷന്‍ ചീഫ് ലളിത് ഭാനോട്ടും സൂചിപ്പിച്ചു. രണ്ട് പുതിയ ജാവലിന്‍ പരിശീലകനെ എത്തിക്കാനാണ് ശ്രമിക്കുന്നത്. മികച്ച പരിശീലകരെ ലഭിക്കുക എളുപ്പമല്ല. എന്നാല്‍, ഏറ്റവും മികച്ച പരിശീലകരെ തന്നെ കൊണ്ടുവരാനുള്ള ശ്രമം തുടരുകയാണെന്നും അദ്ദേഹം വ്യക്തമാക്കി.

ഏഷ്യന്‍ ഗെയിംസിലേയും കോമണ്‍വെല്‍ത്തിലേയും സ്വര്‍ണനേട്ടം ഹോണിന്റെ മികവിലാണെന്ന് നേരത്തെ ചോപ്ര പറഞ്ഞിരുന്നു. എന്നാല്‍, ഒളിമ്പിക്‌സില്‍ ക്ലൗസ് ആണ് പരിശീലിപ്പിച്ചത്. അദ്ദേഹത്തിന്റെ പരിശീലനമാണ് തനിക്ക് കൂടുതല്‍ ഇണങ്ങുന്നതെന്നും ചോപ്ര ഒളിമ്പിക്‌സ് മെഡല്‍ നേട്ടത്തിനുശേഷം വെളിപ്പെടുത്തിയിരുന്നു. അതേസമയം, ഒളിമ്പിക്‌സിലെ ഒരുക്കങ്ങളെ വിമര്‍ശിച്ചതിനാണ് ഹോണിനെ പുറത്താക്കിയതെന്നും അഭ്യൂഹമുണ്ട്.

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : javelin throw coach uwe hohn out
Malayalam News from malayalam.samayam.com, TIL Network

Read Entire Article