പരസ്യത്തിനുളള പ്രതിഫലം കുത്തനെ ഉയര്‍ത്തി നീരജ് ചോപ്ര; ഇനി വിരാട് കോലിക്കൊപ്പം!

2 weeks ago 1

ഹൈലൈറ്റ്:

പരസ്യങ്ങള്‍ക്കുള്ള പ്രതിഫലം നീരജ് ചോപ്ര കുത്തനെ ഉയര്‍ത്തികെഎല്‍ രാഹുലും രോഹിത് ശര്‍മയും ഇനി നീരജിന്റെ പിറകില്‍ഇന്‍സ്റ്റഗ്രാമില്‍ നീരജ് ചോപ്രയ്ക്ക് 40 ലക്ഷത്തോളം ഫോളോവേഴ്‌സ്
ന്യൂഡല്‍ഹി: ഇന്ത്യയുടെ അഭിമാനമുയര്‍ത്തി ഒളിമ്പിക്‌സ് അത്‌ലറ്റില്‍ ആദ്യ മെഡലെന്ന നേട്ടത്തിലെത്തിയ നീരജ് ചോപ്ര പരസ്യത്തിനായുള്ള തന്റെ പ്രതിഫലം കുത്തനെ ഉയര്‍ത്തിയതായി റിപ്പോര്‍ട്ട്. ടോക്യോ ഒളിമ്പിക്‌സ് ജാവലിന്‍ ത്രോയില്‍ സ്വര്‍ണനേട്ടത്തോടെ ലോകശ്രദ്ധ പിടിച്ചുപറ്റിയ താരമാണ് നീരജ്. 87.58 മീറ്റര്‍ ദൂരം ജാവലിന്‍ പായിച്ചാണ് നീരജ് രാജ്യത്തിനായി സ്വര്‍ണം നേടിയത്.

മെഡല്‍ നേടിയതോടെ നീരജിന്റെ ബ്രാന്‍ഡ് മൂല്യവും കുത്തനെ ഉയര്‍ന്നു. 1000 ശതമാനത്തോളമാണ് നീരജ് എന്‍ഡോഴ്‌സമെന്റുകള്‍ക്കായുള്ള പ്രതിഫലം ഉയര്‍ത്തിയത്. ബ്രാന്‍ഡുകളുടെ പരസ്യത്തിനും അംബാസഡറാകാനും 15 മുതല്‍ 25 ലക്ഷം രൂപവരെയാണ് നേരത്തെ നീരജ് പ്രതിഫലം പറ്റിയിരുന്നത്. എന്നാല്‍, സ്വര്‍ണ നേട്ടത്തിന് പിന്നാലെ ഇത് 1 മുതല്‍ 5 കോടിയോളമായി ഉയര്‍ത്തി. ഇതോടെ നീരജ് ഇക്കാര്യത്തില്‍ വിരാട് കോലിക്കടുത്തെത്തുകയും ചെയ്തു.

ഇന്ത്യയുടെ ക്രിക്കറ്റ് സൂപ്പര്‍ താരങ്ങളേക്കാള്‍ പ്രതിഫലം ഇനി നീരജ് ചോപ്രയ്ക്ക് ലഭിക്കും. ഇന്ത്യന്‍ താരങ്ങളായ കെ എല്‍ രാഹുല്‍, രോഹിത് ശര്‍മ തുടങ്ങിയവര്‍ 50 ലക്ഷം മുതല്‍ 1 കോടി രൂപവരെയാണ് എന്‍ഡോഴ്‌സ്‌മെന്റിന് ഒരു വര്‍ഷത്തേക്ക് പ്രതിഫലമായി വാങ്ങുന്നത്. ജെഎസ്ഡബ്ലു സ്‌പോര്‍ട്‌സ് ആണ് നീരജിനായി പ്രവര്‍ത്തിക്കുന്നത്. ആറോളം പ്രമുഖ ബ്രാന്‍ഡുകള്‍ ഇതിനകംതന്നെ നീരജുമായി കരാറിലെത്തിയിട്ടുണ്ടെന്നാണ് റിപ്പോര്‍ട്ട്.

നിലവില്‍ നീരജിന്റെ ബ്രാന്‍ഡുകളായ നൈക്ക്, എക്‌സോണ്‍ മൊബൈല്‍, മസില്‍ബ്ലേസ് തുടങ്ങിയവര്‍ ഇപ്പോഴത്തെ പ്രതിഫലം ഉയര്‍ത്തും. 80ഓളം ബ്രാന്‍ഡുകള്‍ നീരജിനുവേണ്ടി രംഗത്തെത്തിയിട്ടുണ്ടെന്നാണ് ജെഎസ്ഡബ്ലു ചീഫ് എക്‌സിക്യുട്ടീവ് മുസ്തഫ ഘോസ് പറയുന്നത്. വരുന്ന 12-14 മാസങ്ങള്‍ക്കിടയില്‍ പരിശീലനവും മറ്റുമായി താരം തിരക്കിലാണ്. അതുകൊണ്ടുതന്നെ ഇവയില്‍നിന്നും തിരഞ്ഞെടുത്ത ബ്രാന്‍ഡുകളുമായിട്ടായിരിക്കും കരാറിലേര്‍പ്പെടുകയെന്നും അദ്ദേഹം വ്യക്തമാക്കി.

ലൈംഗികജീവിതവും കായികജീവിതവും എങ്ങനെ ബാലൻസ് ചെയ്യുന്നു? നീരജ് ചോപ്രയോട് കലാചരിത്രകാരൻെറ ചോദ്യം!!

പുകയിലയുടേയും മദ്യത്തിന്റേതുമായ ബ്രാന്‍ഡുകള്‍ നീരജ് തെരഞ്ഞെടുക്കില്ലെന്ന് അറിയിച്ചിട്ടുണ്ട്. ഇന്‍സ്റ്റഗ്രാമില്‍ 40 ലക്ഷത്തോളം ഫോളോവേഴ്‌സ് നീരജിനുണ്ട്. ട്വിറ്ററില്‍ 6 ലക്ഷത്തോളം ഫോളോവേഴ്‌സും. ഒളിമ്പിക്‌സ് മെഡല്‍ നേടിയതിന് പിന്നാലെ 1.1 മില്യണ്‍ ഇന്‍സ്റ്റഗ്രാം ഫോളോവേഴ്‌സാണ് ഒറ്റദിവസം നീരജിനെ തേടിയെത്തിയത്. പ്രശസ്തി കുത്തനെ ഉയര്‍ന്നതോടെ 23 വയസ് മാത്രമുള്ള നീരജ് വരും വര്‍ഷങ്ങളിലും ബ്രന്‍ഡ് മൂല്യമുയര്‍ത്തുമെന്നാണ് കണക്കുകൂട്ടല്‍.

ചരിത്രനേട്ടം സ്വന്തമാക്കി ജസ്പ്രീത് ബുംറ


Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : olympics gold medalist neeraj chopra hike endorsement fees after tokyo olympics
Malayalam News from malayalam.samayam.com, TIL Network

Read Entire Article