പാകിസ്ഥാനെതിരായ ലോകകപ്പ് മത്സരത്തിനുള്ള ടീം പ്രവചിച്ച് ഗംഭീ‍ർ; അശ്വിൻ വേണ്ട, പകരം സർപ്രൈസ് താരം!!

1 week ago 7

ടി20 ലോകകപ്പിൽ ആരാധകർ ആവേശത്തോടെ കാത്തിരിക്കുന്ന മത്സരങ്ങളിൽ ഒന്നാണ് ഇന്ത്യയും പാകിസ്ഥാനും തമ്മിലുള്ളത്. ആ മത്സരത്തിനുള്ള ഇന്ത്യൻ ടീമിനെ പ്രവചിച്ച് ഗംഭീർ.

ഒമാനിലും യുഎഇയിലുമായി നടക്കുന്ന ലോകകപ്പിൽ ഗ്രൂപ്പ് ഘട്ടത്തിലെ തീപാറുന്ന പോരാട്ടങ്ങളിലൊന്നാണ് ഇന്ത്യയും പാകിസ്ഥാനും തമ്മിൽ നടക്കുക. ഒക്ടോബർ 17 മുതലാണ് ലോകകപ്പ് മത്സരങ്ങൾക്ക് തുടക്കമാവുക. ഇന്ത്യയും പാകിസ്ഥാനും തമ്മിൽ 24ാം തീയതിലാണ് കളിക്കുക. ലോകകപ്പിൽ ഇത് വരെ ഇന്ത്യയും പാകിസ്ഥാനും തമ്മിൽ 11 തവണയാണ് ഏറ്റുമുട്ടിയിട്ടുള്ളത്. എല്ലാ തവണയും ഇന്ത്യ തന്നെയാണ് വിജയിച്ചിട്ടുള്ളത്. ഇന്ത്യ - പാക് ലോകകപ്പ് മത്സരത്തിനുള്ള ടീം പ്രഖ്യാപിച്ച് മുൻ ഇന്ത്യൻ താരം ഗൗതം ഗംഭീ‍ർ.

ബാറ്റിങ് നിരയിൽ സർപ്രൈസില്ല

ഗംഭീർ പ്രഖ്യാപിച്ചിരിക്കുന്ന ബാറ്റിങ് നിരയിൽ വലിയ സർപ്രൈസുകളില്ല. രോഹിത് ശർമയും രാഹുലുമാവണം ഓപ്പണർമാരെന്ന് അദ്ദേഹം നിർദ്ദേശിക്കുന്നു. മധ്യനിരയിൽ വിരാട് കോലി, സൂര്യകുമാർ യാദവ്, റിഷഭ് പന്ത് എന്നിവർ. ഓൾറൌണ്ടർമാരായി ഹാർദിക് പാണ്ഡ്യയും രവീന്ദ്ര ജഡേജയുമാവണം ടീമിൽ വേണ്ടത്.

(PTI Photo/Kamal Kishore)

വരുൺ ടീമിൽ

മൂന്ന് പേസർമാരും രണ്ട് സ്പിന്നർമാരുമാണ് ഗംഭീറിൻെറ ടീമിലുള്ളത്. വരുൺ ചക്രവർത്തിയെയാണ് ഗംഭീർ ടീമിലുൾപ്പെടുത്തിയിരിക്കുന്നത്. സീനിയർ സ്പിന്നർ ആർ അശ്വിനെയും രാഹുൽ ചാഹറിനെയും അദ്ദേഹം പരിഗണിച്ചില്ല. മൂന്ന് പേസർമാരും ടീമിലുണ്ട്. ജസ്പ്രീത് ബുംറ, ഭുവനേശ്വർ കുമാർ, മുഹമ്മദ് ഷമി എന്നിവരാണ് പേസർമാർ.

(AP Photo/Eranga Jayawardena)

ഗൗതം ഗംഭീറിൻെറ ടീം ഇങ്ങനെ

രോഹിത് ശ‍ർമ, കെഎൽ രാഹുൽ, വിരാട് കോലി (ക്യാപ്റ്റൻ), സൂര്യകുമാ‍ർ യാദവ്, റിഷഭ് പന്ത്, ഹാ‍ർദിക് പാണ്ഡ്യ, രവീന്ദ്ര ജഡേജ, ഭുവനേശ്വ‍ർ കുമാ‍ർ, വരുൺ ചക്രവ‍ർത്തി, മുഹമ്മദ് ഷമി, ജസ്പ്രീത് ബുംറ.

(PC: AP/PTI)

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : gautam gambhir picks india’s playing elven against pakistan for t20 world cup
Malayalam News from malayalam.samayam.com, TIL Network

Read Entire Article