മൂന്ന് ഫോർമാറ്റിലും കോലി തന്നെ ക്യാപ്റ്റനായി തുടരും; വിശദീകരണവുമായി ബിസിസിഐ!!

1 week ago 5

| Samayam Malayalam | Updated: Sep 13, 2021, 8:04 PM

ടി20 ലോകകപ്പിന് ശേഷം വിരാട് കോലി ഏകദിന - ടി20 ടീമിൻെറ ക്യാപ്റ്റൻസി ഒഴിയുമെന്ന റിപ്പോർട്ടുകളെ തള്ളി ബിസിസിഐ. രോഹിത് ശർമ ക്യാപ്റ്റനാവുമെന്നാണ് റിപ്പോർട്ടുകൾ.

Virat Kohli

വിരാട് കോലി

ഹൈലൈറ്റ്:

വിരാട് കോലി തന്നെ ക്യാപ്റ്റനായി തുടരുംടി20 ലോകകപ്പിന് ശേഷം ക്യാപ്റ്റൻസി ഒഴിയില്ലെന്ന് ബിസിസിഐചർച്ചകളൊന്നും നടന്നിട്ടില്ലെന്ന് ബിസിസിഐ ട്രഷറർ
ടി20 ലോകകപ്പിന് ശേഷം വിരാട് കോലി ഇന്ത്യയുടെ ലിമിറ്റഡ് ഓവർ ക്യാപ്റ്റൻസി ഒഴിയുമെന്ന റിപ്പോർട്ടുകളെ തള്ളി ബിസിസിഐ. ലോകകപ്പിന് ശേഷം കോലി ടെസ്റ്റ് ക്യാപ്റ്റൻ മാത്രമായി തുടരുമെന്നും രോഹിത് ശർമ ഏകദിന - ടി20 ഫോർമാറ്റുകളിൽ ക്യാപ്റ്റൻസി ഏറ്റെടുക്കുമെന്നായിരുന്നു റിപ്പോർട്ടുകൾ. എന്നാൽ ഇതിൽ യാതൊരു അടിസ്ഥാനവുമില്ലെന്ന് ബിസിസിഐ ട്രഷറർ അരുൺ ധുമൽ പറഞ്ഞു.

"ഇതെല്ലാം അസംബന്ധം മാത്രമാണ്. ഇങ്ങനെയൊന്നും സംഭവിക്കുന്നില്ല. ഇത് നിങ്ങൾ മാധ്യമങ്ങൾ ഉണ്ടാക്കുന്ന ഊഹാപോഹങ്ങൾ മാത്രമാണ്. ഇക്കാര്യത്തിൽ ബിസിസിഐയിൽ ഒരു ചർച്ചയും നടന്നിട്ടില്ല. മൂന്ന് ഫോർമാറ്റിലും കോലി തന്നെ ക്യാപ്റ്റനായി തുടരും," അരുൺ ധുമൽ ഐഎഎൻഎസിനോട് പറഞ്ഞു.

ലോക ടെസ്റ്റ് ചാമ്പ്യൻഷിപ്പ് ഫൈനലിൽ ന്യൂസിലൻറിനോട് ഇന്ത്യ പരാജയപ്പെട്ടതോടെ കോലിയുടെ ക്യാപ്റ്റൻസിയിൽ അതൃപ്തി ഉണ്ടായിട്ടുണ്ടെന്ന് റിപ്പോർട്ടുകളുണ്ട്. പേസർമാരെ കൂടുതൽ പിന്തുണക്കുന്ന പിച്ചിൽ രണ്ട് സ്പിന്നർമാരുമായാണ് ഇന്ത്യ ഇറങ്ങിയിരുന്നത്. ടീം സെലക്ഷനിൽ കോലി നടത്തിയത് വലിയ പിഴവുകളാണെന്ന് വിമർശനം ഉണ്ടായിരുന്നു.

ഒരു ടെസ്റ്റിന് പകരം രണ്ട് ടി20: ഇംഗ്ലണ്ടിന് മുന്നില്‍ പുതിയ നിര്‍ദ്ദേശവുമായി ബിസിസിഐ

എംഎസ് ധോണി ക്യാപ്റ്റൻ സ്ഥാനം ഒഴിഞ്ഞതിന് ശേഷം ഇത് വരെ ഒരു ഐസിസി കിരീടവും ഇന്ത്യക്ക് നേടാൻ സാധിച്ചിട്ടില്ല. ഏകദിന ലോകകപ്പ് സെമിയിലും ന്യൂസിലൻറിനോട് തോറ്റാണ് ഇന്ത്യ പുറത്തായത്. ഈ രണ്ട് തോൽവികളിലും കോലിയുടെ ക്യാപ്റ്റൻസി കാര്യമായി വിമർശിക്കപ്പെട്ടിരുന്നു. ഐപിഎല്ലിൽ റോയൽ ചലഞ്ചേഴ്സ് ബാംഗ്ലൂരിനെ നയിച്ച് ഇത് വരെ ഒരു തവണ പോലും കിരീടം നേടാൻ കോലിക്ക് സാധിച്ചിട്ടില്ല.

രോഹിത് ശർമ മുംബൈ ഇന്ത്യൻസിനെ അഞ്ച് തവണ കിരീടനേട്ടത്തിലേക്ക് നയിച്ചു. എംഎസ് ധോണിയുടെ നേതൃത്വത്തിൽ ചെന്നൈ സൂപ്പർ കിങ്സും മൂന്ന് തവണ കിരീടം നേടിയിട്ടുണ്ട്. എന്നാൽ ടെസ്റ്റിൽ കോലിയുടെ നേതൃത്വത്തിൽ ഇന്ത്യ ഗംഭീര പ്രകടനം നടത്തുന്നുണ്ട്. വിദേശ പരമ്പരകളിലും കോലിക്ക് മികച്ച റെക്കോർഡുകളാണുള്ളത്.

രാഹുൽ ദ്രാവിഡ് ഇന്ത്യയുടെ അടുത്ത പരിശീലകനാവുമോ? ഗാംഗുലിയുടെ മറുപടി ഇങ്ങനെ!!

വിരാട് കോലി ക്യാപ്റ്റനായ കാലം മുതൽ ഉപനായകനാണ് രോഹിത് ശർമ. 2019 ഏകദിന ലോകകപ്പിലെ ഇന്ത്യയുടെ തോൽവിയോടെ തന്നെ രോഹിതിനെ നായകനാക്കണമെന്ന് പലകോണുകളിൽ നിന്നും ആവശ്യമുയർന്നിരുന്നു. ഇതിനിടെ കോലിയും രോഹിതും തമ്മിൽ അസ്വാരസ്യങ്ങളുണ്ടെന്നും റിപ്പോർട്ടുകൾ പുറത്ത് വന്നു.

ലോകത്തെ ഏറ്റവും മികച്ച ബാറ്റ്സ്മാൻമാരിൽ ഒരാളായ വിരാട് കോലിയുടെ ബാറ്റിങ് ഫോമിനെ ക്യാപ്റ്റൻസി കാര്യമായി ബാധിക്കുന്നുണ്ടെന്നാണ് വിലയിരുത്തലുകൾ. ബാറ്റിങിൽ കൂടുതൽ ശ്രദ്ധ കേന്ദ്രീകരിക്കാൻ കൂടി വേണ്ടിയാണ് അദ്ദേഹം ക്യാപ്റ്റൻ സ്ഥാനം ഒഴിയാൻ തീരുമാനിക്കുന്നത്. ഇംഗ്ലണ്ട് പര്യടനത്തിൽ താരം മോശം ഫോമിലായിരുന്നു. ടെസ്റ്റ് റാങ്കിങിലും രോഹിത് ശർമ കോലിയെ മറികടന്നിട്ടുണ്ട്.

കുട്ടി ജനിച്ചതോടെ കോലിക്ക് വ്യക്തിജീവിതത്തിലും കൂടുതൽ സമയം ചെലവഴിക്കാൻ ആഗ്രഹിക്കുന്നുണ്ട്. ഓസ്ട്രേലിയക്കെതിരായ ഇന്ത്യയുടെ ടെസ്റ്റ് പരമ്പര വിജയിച്ചതോടെയാണ് കോലി തിരക്കുകളിൽ നിന്ന് അൽപം മാറിനിൽക്കാൻ ആലോചിച്ചത്. കോലിക്കും ഭാര്യ അനുഷ്ക ശർമക്കും കുഞ്ഞ് പിറന്നതും ഇതേ കാലത്ത് തന്നെയാണ്.

ടി20 ലോകകപ്പിന് ശേഷം വിരാട് കോലി ക്യാപ്റ്റൻസി ഒഴിയും

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : bcci treasurer confirms virat kohli will continue as captain in all formats
Malayalam News from malayalam.samayam.com, TIL Network

Read Entire Article