യോർക്കർ കിങ് കളി മതിയാക്കി; വിരമിക്കൽ പ്രഖ്യാപിച്ച് ലസിത് മലിംഗ

1 week ago 4

| Samayam Malayalam | Updated: Sep 15, 2021, 10:30 AM

ശ്രീലങ്കൻ പേസർ ലസിതം മലിംഗ അന്താരാഷ്ട്ര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചു. 2014ൽ ശ്രീലങ്കയെ ടി20 ലോകകപ്പ് വിജയത്തിലേക്ക് നയിച്ച ക്യാപ്റ്റനാണ് മലിംഗ.

Lasith Malinga

ലസിത് മലിംഗ വിരമിച്ചു

ഹൈലൈറ്റ്:

ക്രിക്കറ്റിൽ നിന്ന് വിരമിച്ച് മലിംഗയോർക്കറുകൾ കൊണ്ട് ബാറ്റ്സ്മാൻമാരെ ഞെട്ടിച്ചുഐപിഎല്ലിൽ മുംബൈ ഇന്ത്യൻസിൻെറ താരമായിരുന്നു
വ്യത്യസ്ത ആക്ഷൻ കൊണ്ടും യോർക്കറുകൾ കൊണ്ടും ഒരു കാലഘട്ടത്തെ ലോക ക്രിക്കറ്റിലെ ബാറ്റ്സ്മാൻമാരെ മുഴുവൻ വിറപ്പിച്ച ശ്രീലങ്കൻ പേസർ ലസിത് മലിംഗ അന്താരാഷ്ട്ര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചു. ഒന്നരപ്പതിറ്റാണ്ട് നീണ്ടുനിന്ന സംഭവബഹുലമായ കരിയറിനാണ് വിരാമമാവുന്നത്. വൈറ്റ് ബോൾ ക്രിക്കറ്റിലെ ഇതിഹാസം എന്ന് വിളിക്കാവുന്ന മലിംഗ ടി20 ക്രിക്കറ്റ് കണ്ട എക്കാലത്തെയും മികച്ച പേസർമാരിൽ ഒരാളാണ്.

2014ൽ ടി20 ലോകകപ്പ് നേടിയ ശ്രീലങ്കൻ ടീമിനെ നയിച്ചത് മലിംഗയായിരുന്നു. സോഷ്യൽ മീഡിയയിലൂടെയാണ് 38കാരനായ താരം വിരമിക്കൽ പ്രഖ്യാപനം നടത്തിയത്. "എൻെറ ടി20 ഷൂ അഴിച്ച് വെക്കുകയാണ്. അന്താരാഷ്ട്ര ക്രിക്കറ്റിലെ എല്ലാ ഫോർമാറ്റിൽ നിന്നും വിരമിക്കുന്നു. എൻെറ യാത്രയിൽ പിന്തുണ നൽകിയ എല്ലാവർക്കും നന്ദി പറയുന്നു. എൻെറ അനുഭവങ്ങളും പരിചയസമ്പത്തും വരും വർഷങ്ങളി യുവതാരങ്ങളിലേക്ക് പകർന്നു നൽകണമെന്ന് ആഗ്രഹിക്കുന്നു," മലിംഗ വിരമിക്കൽ കുറിപ്പിൽ വ്യക്തമാക്കി.

മൂന്ന് ഫോർമാറ്റിലും കോലി തന്നെ ക്യാപ്റ്റനായി തുടരും; വിശദീകരണവുമായി ബിസിസിഐ!!

2020 മാർച്ചിൽ വെസ്റ്റ് ഇൻഡീസിനെതിരെയാണ് മലിംഗ അവസാനമായി ലങ്കക്ക് വേണ്ടി ടി20 മത്സരം കളിച്ചത്. മൂന്ന് ഫോർമാറ്റിലുമായി 546 വിക്കറ്റുകൾ മലിംഗ നേടിയിട്ടുണ്ട്. 2011ൽ ടെസ്റ്റ് ക്രിക്കറ്റിൽ നിന്ന് വിരമിച്ച താരം പിന്നീട് പരിമിത ഓവർ ക്രിക്കറ്റിൽ മാത്രമാണ് ശ്രദ്ധ കേന്ദ്രീകരിച്ചിരുന്നത്. ഏകദിനത്തിൽ നിന്നും വിരമിച്ച ശേഷം ദേശീയ ടീമിന് വേണ്ടി ടി20യിൽ മാത്രമാണ് കളിച്ചിരുന്നത്.

എക്കാലത്തേയും മികച്ച ഐപിഎല്‍ ഇലവനുമായി ഷാക്കിബ്, രണ്ട് സൂപ്പര്‍ വെടിക്കെട്ട് താരങ്ങളെ ഒഴിവാക്കി

ടി20 ലോകകപ്പിനുള്ള ശ്രീലങ്കൻ ടീമിനെ പ്രഖ്യാപിച്ചതിൽ മലിംഗയെ പരിഗണിച്ചിട്ടില്ല. ഇതിന് പിന്നാലെയാണ് താരത്തിൻെറ വിരമിക്കൽ പ്രഖ്യാപനം വന്നിട്ടുള്ളത്. 2020ൽ തീരുമാനിച്ചിരുന്ന ലോകകപ്പിൽ ശ്രീലങ്കയെ നയിക്കാൻ ആഗ്രഹമുണ്ടെന്ന് മലിംഗ പറഞ്ഞിരുന്നു. എന്നാൽ കൊവിഡ് പ്രതിസന്ധി കാരണം ലോകകപ്പ് ഒരു വർഷം വൈകിയാണ് നടക്കാൻ പോവുന്നത്.

ഐപിഎല്ലിൽ ഏറ്റവും കൂടുതൽ വിക്കറ്റുകൾ നേടിയിട്ടുള്ള ബോളറാണ് മലിംഗ. 122 മത്സരങ്ങൾ കളിച്ചിട്ടുള്ള താരം 170 വിക്കറ്റുകൾ വീഴ്ത്തിയിട്ടുണ്ട്. 13 റൺസ് വഴങ്ങി 5 വിക്കറ്റുകൾ വീഴ്ത്തിയതാണ് ഏറ്റവും മികച്ച ബോളിങ് പ്രകടനം. 84 ടി20 മത്സരങ്ങൾ കളിച്ച താരം 107 വിക്കറ്റുകളും 226 ഏകദിനങ്ങളിൽ നിന്ന് 338 വിക്കറ്റുകളും 30 ടെസ്റ്റ് മത്സരങ്ങളിൽ നിന്ന് 111 വിക്കറ്റുകളും വീഴ്ത്തിയിട്ടുണ്ട്.

ടി20 ക്രിക്കറ്റിൽ ആദ്യം 100 വിക്കറ്റ് തികച്ച ബോളറാണ് മലിംഗ. ഈ ഫോർമാറ്റിൽ ഏറ്റവും കൂടുതൽ വിക്കറ്റ് വീഴ്ത്തിയവരിൽ നാലാമനാണ്. മുംബൈ ഇന്ത്യൻസ് റിലീസ് ചെയ്ത താരം ഫ്രാഞ്ചൈസി ക്രിക്കറ്റിൽ നിന്ന് വിരമിച്ചത് ഈ വർഷം ജനുവരിയിലാണ്. ഇന്ത്യൻ പ്രീമിയർ ലീഗ്, ബിഗ് ബാഷ് ലീഗ്, കരീബിയൻ പ്രീമിയർ ലീഗ് എന്നിവയിലെല്ലാം കളിച്ചിട്ടുണ്ട്. ഐപിഎല്ലിൽ 12 വർഷം മുംബൈ ഇന്ത്യൻസിനായി കളിച്ച താരം ടീം നേടിയ അഞ്ച് കിരീടങ്ങളിലും നാലിലും പങ്കാളിയായിരുന്നു.

കന്നി ഗ്രാന്‍ഡ്സ്ലാം നേടി മെദ്‌വദേവ്‌


Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : former sri lankan captain lasith malinga announces retirement from cricket
Malayalam News from malayalam.samayam.com, TIL Network

Read Entire Article