രാജ്യത്ത് 27,176 രോഗബാധിതർ കൂടി, 284 മരണം; ഇതുവരെ 75 കോടി വാക്സിനേഷൻ

1 week ago 2

| Samayam Malayalam | Updated: Sep 15, 2021, 11:49 AM

ഇന്നലെ റിപ്പോര്‍ട്ട് ചെയ്തതിനേക്കാലും 7 ശതമാനം കൂടുതല്‍ രാജ്യത്തുള്ള രോഗികളിൽ ഉണ്ടായിരിക്കുന്നത്. 54.60 കോടി പരിശോധനയാണ് ഇതുവരെ രാജ്യത്ത് നടത്തിയിരിക്കുന്നത്. 97.62 ശതമാനം രോഗമുക്തി നിരക്കാണ് രാജ്യത്തുള്ളത്.

covid 19

കൊവിഡ് കേസ്

ഹൈലൈറ്റ്:

ഇന്നലെ റിപ്പോര്‍ട്ട് ചെയ്തതിനേക്കാലും 7 ശതമാനം കൂടുതല്‍ രാജ്യത്തുള്ള രോഗികളിൽ ഉണ്ടായിരിക്കുന്നത് 54.60 കോടി പരിശോധനയാണ് ഇതുവരെ രാജ്യത്ത് നടത്തിയിരിക്കുന്നത് 97.62 ശതമാനം രോഗമുക്തി നിരക്കാണ് രാജ്യത്തുള്ളത്
കൊവിഡ്-19 കേസുകള്‍ ഇന്ന് മുപ്പതിനായിരത്തിന് മുകളില്‍. കേന്ദ്ര ആരോഗ്യ മന്ത്രാലയം ഇന്ന് രാവിലെ പുറത്തുവിട്ട കണക്കുകൾ പ്രകാരം രാജ്യത്ത് പുതിയതായി 27,176 കൊവിഡ് കേസുകളാണ് റിപ്പോർട്ട് ചെയ്തിട്ടുള്ളത്. ഇന്നലെ റിപ്പോര്‍ട്ട് ചെയ്തതിനേക്കാലും 7 ശതമാനം കൂടുതല്‍ രാജ്യത്തുള്ള രോഗികളിൽ ഉണ്ടായിരിക്കുന്നത്.

രാജ്യത്ത് ആശങ്കയാകുന്നത് കേരളത്തിലെ ഉയര്‍ന്ന കൊവിഡ് കണക്കുകളാണ്. മറ്റ് സംസ്ഥാനങ്ങളിൽ പ്രതിദിന കേസുകൾ കുറഞ്ഞതോടെ കൂടുതൽ ഇളവുകളിലേക്ക് കടക്കുകയാണ്.

Also Read : പെരുമാറ്റം എതിര്‍ചേരിയിൽ ഉള്ളവരോട് എന്നപോലെ; സിപിഐക്കെതിരെ മുന്നണി നേതൃത്വത്തിന് പരാതി നൽകാൻ ജോസ് പക്ഷം

കുറവില്ലാതെ തുടരുന്ന ഉയർന്ന ടെസ്റ്റ് പോസിറ്റിവിറ്റി നിരക്കാണ് കേരളത്തിൽ ആശങ്ക ശക്തമാക്കുന്നത്. ആരോഗ്യവകുപ്പ് ബുധനാഴ്ച പുറത്തുവിട്ട റിപ്പോർട്ട് പ്രകാരം സംസ്ഥാനത്തെ ടെസ്റ്റ് പോസിറ്റിവിറ്റി നിരക്ക് 15.12 ശതമാനമാണ്.

ഇന്നലെ 15,876 പേര്‍ക്കാണ് രോഗബാധ റിപ്പോർട്ട് ചെയ്തിരിക്കുന്നത്. കഴിഞ്ഞ ദിവസങ്ങളിലുണ്ടായ 129 മരണങ്ങൾ കൊവിഡ്-19 മൂലമാണെന്ന് ചൊവ്വാഴ്ച സ്ഥിരീകരിച്ചു. 1,98,865 പേരാണ് രോഗം സ്ഥിരീകരിച്ച് നിലവിൽ ചികിത്സയിലുള്ളത്.

കഴിഞ്ഞ 24 മണിക്കൂറിനുള്ളിൽ രാജ്യത്ത് 27,176 പുതിയ കൊവിഡ് കേസുകൾ റിപ്പോർട്ട് ചെയ്തതായി കേന്ദ്ര ആരോഗ്യ മന്ത്രാലയം വ്യക്തമാക്കി. ഇതോടെ രാജ്യത്ത് സ്ഥിരീകരിച്ച ആകെ കൊവിഡ് കേസുകളുടെ എണ്ണം 3,33,16,755 ആയി ഉയർന്നു. രാജ്യത്ത് ഇന്നലെ 16,10,829 പരിശോധന നടത്തിയിരിക്കുന്നത്. 54.60 കോടി പരിശോധനയാണ് ഇതുവരെ രാജ്യത്ത് നടത്തിയിരിക്കുന്നത്.

രാജ്യത്ത് പുതിയതായി 308 കൊവിഡ് മരണങ്ങളാണ് റിപ്പോർട്ട് ചെയതതെന്ന് കേന്ദ്ര ആരോഗ്യ മന്ത്രാലയം വ്യക്തമാക്കി. ഇതോടെ രാജ്യത്തെ ആകെ കൊവിഡ് മരണസംഖ്യ 4,43,497 ആയി ഉയർന്നു. 284 കൊവിഡ് മരണങ്ങളിൽ 129 മരണങ്ങൾ കേരളത്തിലാണ് റിപ്പോർട്ട് ചെയ്തിരിക്കുന്നത്.

സംസ്ഥാനത്ത് ഇതോടെ ആകെ മരണം 22,779 ആയി. കേരളത്തിൽ 1,05,005 സാമ്പിളുകളാണ് 24 മണിക്കൂറിനിടെ പരിശോധിച്ചത്.

രാജ്യത്ത് കൊവിഡ് മുക്തി നേടുന്നവരുടെ എണ്ണത്തിൽ വർധനയുണ്ടെന്നാണ് കണക്കുകൾ വ്യക്തമാക്കുന്നത്. 97.62 ശതമാനം രോഗമുക്തി നിരക്കാണ് രാജ്യത്തുള്ളത്. കഴിഞ്ഞ 24 മണിക്കൂറിനിടെ 38,012 പേർ കൊവിഡ് മുക്തി നേടി. ഇതോടെ 3,25,22,171 പേർ ഇതുവരെ കൊവിഡ് മുക്തി നേടി. വിവിധ സംസ്ഥാനങ്ങളിലായി 3,51,087 സജീവ കേസുകളാണ് നിലവിലുള്ളത്. കഴിഞ്ഞ ദിവസത്തേക്കാൾ സജീവ കേസുകളില്‍ കുറവാണ് രാജ്യത്ത് റിപ്പോര്‍ട്ട് ചെയ്തിരിക്കുന്നത്. ഇതിൽ ഭൂരിഭാഗം സജീവ രോഗികളും കേരളത്തിലാണ്.

Also Read : 'ലീഗിന്റെ ആദര്‍ശത്തിൽ വിശ്വസിക്കുന്നു, പാര്‍ട്ടി മാറുന്നതിനെക്കുറിച്ച് ചിന്തിച്ചിട്ടില്ല'; ഫാത്തിമ തെഹ്ലിയ

റെക്കോര്‍ഡ് വാക്സിനേഷന് ശേഷം 61,000ത്തിലധികം വാക്സിനേഷനാണ് കഴിഞ്ഞ ദിവസമുണ്ടായത്. കഴിഞ്ഞ 24 മണിക്കൂറിനുള്ളിൽ 61,15,690 പേർക്ക് കൂടി കൊവിഡ് വാക്സിൻ നൽകിയതോടെ ആകെ വാക്സിനേഷൻ 75,89,12,277 ആയി ഉയർന്നതായും ഇന്ന് രാവിലെ പുറത്തുവിട്ട കണക്കുകളിൽ കേന്ദ്ര ആരോഗ്യ മന്ത്രാലയം വ്യക്തമാക്കുന്നു.

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : india reports 27176 new covid 19 cases active cases 351087 in the last 24 hours
Malayalam News from malayalam.samayam.com, TIL Network

Read Entire Article