ലൈംഗികജീവിതവും കായികജീവിതവും എങ്ങനെ ബാലൻസ് ചെയ്യുന്നു? നീരജ് ചോപ്രയോട് കലാചരിത്രകാരൻെറ ചോദ്യം!!

2 weeks ago 1

| Samayam Malayalam | Updated: Sep 5, 2021, 11:30 AM

ടോക്യോ ഒളിമ്പിക്സിൽ ജാവലിൻ ത്രോയിൽ സ്വർണമെഡൽ നേടി രാജ്യത്തിൻെറ അഭിമാനമുയർത്തിയ കായികതാരമാണ് നീരജ് ചോപ്ര. അഭിമുഖത്തിൽ ചോപ്രയോട് ചോദിച്ച ചോദ്യവുമായി ബന്ധപ്പെട്ട് വിവാദം.

Neeraj Chopra

നീരജ് ചോപ്ര

ഹൈലൈറ്റ്:

ചോദ്യത്തിനോട് വിയോജിച്ച് നീരജ് ചോപ്ര കലാചരിത്രകാരൻ രാജീവ് സേതിയാണ് ചോദിച്ചത്മറുപടി ഒറ്റവാക്കിലൊതുക്കി ചോപ്ര
ഒളിമ്പിക്സിൽ അത്ലറ്റിക്സിൽ ഒരു മെഡലെന്ന ഇന്ത്യയുടെ ഒരു നൂറ്റാണ്ടിലധികം നീണ്ട സ്വപ്നം സാക്ഷാത്കരിച്ചത് നീരജ് ചോപ്രയെന്ന ഹരിയാനക്കാരനാണ്. ടോക്യോ ഒളിമ്പിക്സിൽ രാജ്യത്തിൻെറ അഭിമാനമുയർത്തിയാണ് ജാവലിൻ ത്രോയിൽ നീരജ് സ്വർണമെഡൽ നേടിയത്. അത്ലറ്റിക്സിലെ ആദ്യ ഇന്ത്യൻ മെഡൽ അങ്ങനെ സ്വർണമെഡൽ തന്നെയായി. 23കാരനായ ജാവലിൻ ത്രോ താരത്തിനായി രാജ്യത്ത് വലിയ സ്വീകരണച്ചടങ്ങുകളാണ് അരങ്ങേറിയത്.

ഒളിമ്പിക്സിന് ശേഷം വലിയ തിരക്കുകളിലൂടെ കടന്ന് പോയ ചോപ്രക്ക് ചെറിയ ആരോഗ്യപ്രശ്നങ്ങളുണ്ടായിരുന്നു. ആവശ്യമായ വിശ്രമം ലഭിക്കാത്തതിനാലായിരുന്നു ഇത്. ഡോക്ടർമാരുടെ നിർദ്ദേശങ്ങളെത്തുടർന്ന് പരിപാടികളിൽ നിന്ന് പിന്നീട് അദ്ദേഹം മാറിനിൽക്കുകയും ചെയ്തു. അഭിമുഖങ്ങളിലും നീരജ് ഇതിനിടയിൽ പങ്കെടുത്തിരുന്നില്ല.

വിശ്രമത്തിന് ശേഷം നീരജ് പങ്കെടുത്ത ഒരു അഭിമുഖം ഇപ്പോൾ വിവാദമായിരിക്കുകയാണ്. കലാചരിത്രകാരൻ രാജീവ് സേതിയുടെ ചോദ്യമാണ് വിവാദമായത്. സമൂഹത്തിൻെറ നാനാതുറകളിൽ നിന്നുള്ളവർ നീരജിനോട് ചോദ്യം ചോദിക്കുന്നതായിരുന്നു പരിപാടി. "കായികജീവിതവും ലൈംഗിക ജീവിതവും എങ്ങനെ ബാലൻസ് ചെയ്യുന്നു?," ഇതായിരുന്നു രാജിവ് സേതിയുടെ ചോദ്യം.

ചോദ്യത്തിന് ഒറ്റവാക്കിലാണ് നീരജ് മറുപടി പറഞ്ഞത്. "സോറി" എന്നായിരുന്നു നീരജിൻെറ മറുപടി. ഈ ചോദ്യത്തിന് ഉത്തരം നൽകാൻ തനിക്ക് താൽപര്യമില്ലെന്ന് അദ്ദേഹം വ്യക്തമാക്കുകയും ചെയ്തു. അപ്രതീക്ഷിതമായി വന്ന ഇത്തരം ഒരു ചോദ്യത്തിൽ പരിപാടിയുടെ അവതാരകനും പതറി. നീരജ് തൽക്കാലം ഇതിന് മറുപടി പറയുന്നില്ലെന്ന് പിന്നീട് അദ്ദേഹം ആവർത്തിക്കുകയും ചെയ്തു.

നീരജിനോട് ഇത്തരം ചോദ്യം ചോദിച്ചതിൽ രാജീവ് സേതിയെ വിമർശിച്ച് നിരവധി പേർ രംഗത്തെത്തിയിട്ടുണ്ട്. സോഷ്യൽ മീഡിയയിൽ പലരും പ്രതികരിക്കുന്നുണ്ട്. നീരജ് രാജ്യത്തിൻെറ അഭിമാനമാണെന്ന് ഇത്തരം അഭിമുഖങ്ങൾ നടത്തുന്നവർ ഓർക്കണമെന്നാണ് ഒരു ട്വീറ്റ്. ഇത്തരം ചോദ്യങ്ങൾ ചോദിക്കുന്നത് നീരജിനെ അപമാനിക്കുന്നതിന് തുല്യമാണെന്നും അദ്ദേഹം പറയുന്നു.

അവ്നി ലേഖ്റക്ക് ഏറെ വിലപ്പെട്ട ഒരു സമ്മാനവുമായി ആനന്ദ് മഹീന്ദ്ര!
ഹരിയാനയിലെ പാനിപ്പത്തിലുള്ള ഒരു കർഷക കുടുംബത്തിലാണ് നീരജ് ചോപ്രയുടെ ജനനം. ചെറുപ്പം മുതലേ അദ്ദേഹത്തിന് അമിതഭാരം ഉണ്ടായിരുന്നു. അതിനാൽ അവനെ കായിക മേഖലയിൽ എത്തിക്കാൻ രക്ഷിതാക്കളും കാര്യമായി പ്രോത്സാഹിച്ചിരുന്നു. ആദ്യം ക്രിക്കറ്റും വോളിബോളുമാണ് നീരജ് കളിച്ച് തുടങ്ങിയത്. 2011ലാണ് ആദ്യമായി ജാവലിൻ ത്രോയിൽ ശ്രദ്ധി കേന്ദ്രീകരിക്കുന്നത്. ദേശീയ ജാവലിൻ ത്രോ താരമായ ജയ് ചൗധരിയെ കണ്ടുമുട്ടിയതാണ് ജീവിതത്തിൽ തന്നെ വഴിത്തിരിവായത്. അവിടെ നിന്നങ്ങോട്ട് നീരജ് ഒരു ജാവലിൻ ത്രോ താരമായി വളരുകയായിരുന്നു.

ഇന്ത്യയുടെ കായിക ചരിത്രത്തിൽ ഏറ്റവും കൂടുതൽ മെഡലുകളാണ് ടോക്യോ ഒളിമ്പിക്സിൽ ലഭിച്ചത്. നീരജ് ചോപ്ര സ്വ‍ർണം നേടിയതോടെ അത് സമാനതകളില്ലാത്ത നേട്ടമായി. ഷൂട്ടിങിൽ അഭിനവ് ബിന്ദ്രക്ക് ശേഷം വ്യക്തിഗത വിഭാഗത്തിൽ സ്വർണം നേടുന്ന രണ്ടാമത്തെ ഇന്ത്യൻ താരമെന്ന റെക്കോർഡും നീരജ് സ്വന്തമാക്കിയിട്ടുണ്ട്. പി.വി സിന്ധു, ലവ്‌ലിന ബോര്‍ഗൊഹെയ്ന്‍, ഇന്ത്യന്‍ ഹോക്കി ടീം, രവികുമാര്‍ ദഹിയ, ബജ്‌രംഗ് പൂണിയ എന്നിവരും ഇന്ത്യക്ക് വേണ്ടി ടോക്യോ ഒളിമ്പിക്സിൽ മെഡലുകൾ നേടിയിരുന്നു.

വീണ്ടും മെഡൽ നേട്ടവുമായി ഇന്ത്യ

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : art historian rajeev sethi slammed for interviewing neeraj chopra
Malayalam News from malayalam.samayam.com, TIL Network

Read Entire Article