വമ്പന്‍ തുകയ്ക്ക് സിഎസ്‌കെയില്‍ നിന്നും ആര്‍സിബിയിലെത്തി, വന്‍ പരാജയമായ 5 കളിക്കാര്‍

1 week ago 3

| Lipi | Updated: Sep 14, 2021, 11:16 AM

സിഎസ്‌കെയ്ക്കുവേണ്ടി മികച്ച പ്രകടനം കാഴ്ചവെക്കുകയും പിന്നീട് റോയല്‍ ചാലഞ്ചേഴ്‌സ് ബാംഗ്ലൂരിലെത്തി പരാജയമാവുകയും ചെയ്ത കളിക്കാരുണ്ട്. ജഗാടി മുതല്‍ സൗത്തി വരെ ഈ കളിക്കാരുടെ നിര നീളുന്നു.

Royal Challengers Bangalore

ഹൈലൈറ്റ്:

സിഎസ്‌കെയില്‍ നിന്നും വന്‍ തുകയ്ക്ക് ആര്‍സിബിയിലെത്തി ജഗാടിവെടിക്കെട്ട് ബാറ്റ്‌സ്മാന്‍ മക്കുല്ലും ആര്‍സിബിയിലെത്തിയതോടെ നിറംമങ്ങിപവന്‍ നേഗിയും ടിം സൗത്തിയും ആര്‍സിബിയില്‍ പരാജയപ്പെട്ട കളിക്കാര്‍

ദുബായ്: ഐപിഎല്‍ 2021 സീസണ്‍ രണ്ടാംപാദം യുഎഇയില്‍ ആരംഭിക്കാനിരിക്കുകയാണ്. സപ്തംബര്‍ 19 മുതല്‍ യുഎഇയിലെ വിവിധ വേദികളിലായി മത്സരം നടക്കും. ഇന്ത്യയില്‍ കൊവിഡ് 19 ഭീഷണിയെ തുടര്‍ന്ന് പാതിവഴിയില്‍ നിര്‍ത്തിവെച്ച ടൂര്‍ണമെന്റ് യുഎഇയില്‍ പൂര്‍ത്തിയാക്കാമെന്നാണ് പ്രതീക്ഷ. ഐപിഎല്ലിലെ ചിരവൈരികളാണ് ആര്‍സിബിയും സിഎസ്‌കെയും. ഒരുകാലത്ത് ചെന്നൈ സൂപ്പര്‍ കിങ്‌സിന്റെ അവിഭാജ്യ ഘടകമാവുകയും പിന്നീട് റോയല്‍ ചാലഞ്ചേഴ്‌സ് ബാംഗ്ലൂരിലെത്തി പരാജയമാവുകയും ചെയ്ത ചില കളിക്കാരുണ്ട്.

ഷദാബ് ജഗാടി
ചെന്നൈ സൂപ്പര്‍ കിങ്‌സിനായി 2009 മുതല്‍ 2013 വരെ കളിച്ച താരമാണ് ജഗാടി. മികച്ച സ്പിന്‍ ബൗളറായിരുന്ന താരം അന്ന് ധോണിയുടെ തുറുപ്പുചീട്ടുകളിലൊന്നായിരുന്നു. 2010, 2011 വര്‍ഷങ്ങളില്‍ കിരീടം നേടിയ സിഎസ്‌കെയുടെ ഭാഗമായിരുന്നു ജഗാടി. സിഎസ്‌കെയ്ക്കുവേണ്ടി 50 മത്സരങ്ങള്‍ കളിച്ച താരം 46 വിക്കറ്റുകള്‍ നേടിയിട്ടുണ്ട്. എന്നാല്‍, 2014ല്‍ ആര്‍സിബിയിലെത്തിയതോടെ നിറംമങ്ങി. ആകെ ഒരു മത്സരം മാത്രമാണ് കളിച്ചത്. അന്ന് 3.4 ഓവറില്‍ 41 റണ്‍സ് വഴങ്ങുകയും ചെയ്തു.

ബ്രണ്ടന്‍ മക്കുല്ലം
ആദ്യ ഐപിഎല്‍ മത്സരത്തിലെ സെഞ്ച്വറിയോടെ ചരിത്രത്തില്‍ ഇടംനേടിയ താരമാണ് ബ്രണ്ടന്‍ മക്കുല്ലം. കൊല്‍ക്കത്ത നൈറ്റ് റൈഡേഴ്‌സിലായിരുന്നു തുടക്കം. ചില വമ്പന്‍ പ്രകടനങ്ങളും താരം കാഴ്ചവെച്ചു. പിന്നീട് 2014ല്‍ സിഎസ്‌കെയിലെത്തി. സിഎസ്‌കെയ്ക്കുവേണ്ടി ഒരു സെഞ്ച്വറിയും അഞ്ച് അര്‍ധശതകവും നേടി. 2018ല്‍ ആര്‍സിബിയേക്ക് ചുവടുമാറിയെങ്കിലും തിളങ്ങാനായില്ല. 21.17 റണ്‍സ് ശരാശരിയില്‍ ആകെ 127 റണ്‍സാണ് ആര്‍സിബിക്കായി നേടിയത്.

ആല്‍ബി മോര്‍ക്കല്‍
വിലപിടിപ്പുള്ള ഓള്‍റൗണ്ടറായിരുന്ന ആല്‍ബി മോര്‍ക്കല്‍ സിഎസ്‌കെയ്ക്കുവേണ്ടി ഒട്ടേറെ കളികളില്‍ മാച്ച് വിന്നറായിട്ടുള്ള താരമാണ്. ടീമിനായി ആകെ 827 റണ്‍സ് നേടിയിട്ടുണ്ട. 71 ആണ് ഉയര്‍ന്ന സ്‌കോര്‍. 76 വിക്കറ്റുകളും സ്വന്തമാക്കി. 2014ല്‍ ആര്‍സിബിയിലെത്തി. എന്നാല്‍ ആകെ 45 റണ്‍സ് മാത്രമേ നേടാന്‍ സാധിച്ചുള്ളൂ. നാലു വിക്കറ്റും നേടി. ആര്‍സിബി പിന്നീട് താരത്തെ റിലീസ് ചെയ്തു.

പവന്‍ നേഗി
ഓള്‍റൗണ്ട് മികവിലൂടെ ശ്രദ്ധേയനായ മാറിയ കളിക്കാരനാണ് പവന്‍ നേഗി. സിഎസ്‌കെയ്ക്കുവേണ്ടി 116 റണ്‍സും ആറു വിക്കറ്റും നേടി. 2014ലെ ചാമ്പ്യന്‍സ് ലീഗ് ടി20 ഫൈനലില്‍ കൊല്‍ക്കത്തയ്‌ക്കെതിരെ അഞ്ചു വിക്കറ്റുവീഴ്ത്തി സിഎസ്‌കെയെ ചാമ്പ്യന്മാരാക്കി. 2017ല്‍ ആര്‍സിബിയിലെത്തി 21 മത്സരങ്ങള്‍ കളിച്ചു. ആദ്യ സീസണ്‍ മോശമാക്കിയില്ലെങ്കിലും തുടര്‍ന്നുള്ള രണ്ടു സീസണുകളിലും നേഗിക്ക് തിളങ്ങാനായില്ല.

ടിം സൗത്തി
സിഎസ്‌കെയിലെത്തി തിളങ്ങുകയും പിന്നീട് ആര്‍സിബിയിലെത്തി നിറംമങ്ങുകയും ചെയ്ത മറ്റൊരു താരമാണ് ടിം സൗത്തി. 2011ല്‍ സിഎസ്‌കെയിലൂടെയാണ് ഐപിഎല്‍ കരിയറിന് തുടക്കമിട്ടത്. ആദ്യ സീസണിലെ ഫൈനലില്‍ തന്നെ കൊല്‍ക്കത്തയ്‌ക്കെതിരെ മികവുകാട്ടി. ഫൈനലില്‍ അവസാന ഓവറില്‍ 9 റണ്‍സ് പ്രതിരോധിച്ച് പന്തെറിഞ്ഞ് ടീമിനെ ചാമ്പ്യന്മാരാക്കിയത് സൗത്തിയാണ്. 2018ല്‍ ആര്‍സിബിയിലെത്തി. രണ്ടു സീസണുകളിലായി 11 മത്സരങ്ങളും കളിച്ചു. എന്നാല്‍ ഓവറില്‍ 9.97 ആയിരുന്നു ഇക്കണോമി.

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : ipl 2021: 5 csk stars who failed to impress while playing for rcb
Malayalam News from malayalam.samayam.com, TIL Network

Read Entire Article