വെള്ളി ആഭരണങ്ങളിൽ സുന്ദരിയാകാം, ഈ വസ്ത്രങ്ങളോടൊപ്പം അണിഞ്ഞ് നോക്കൂ...

1 week ago 6

വെള്ളി ആഭരണങ്ങൾക്ക് എപ്പോഴും ഒരു പ്രത്യേക ഭംഗിയാണ്. സ്ത്രീ സൗന്ദര്യത്തിന്റെ മാറ്റ് കൂട്ടാൻ വെള്ളി ആഭരണങ്ങൾ എങ്ങനെ ഭംഗിയായി അണിയാം? ഇതാ നിങ്ങൾക്ക് പരീക്ഷിക്കാൻ ചില കിടിലൻ ആശയങ്ങൾ...

silver jewelry

വെള്ളി ആഭരണങ്ങളിൽ സുന്ദരിയാകാം

ഹൈലൈറ്റ്:

ആഭരണങ്ങളിൽ ഇപ്പോഴും പല ആളുകൾക്കും പ്രിയം വെള്ളി ആഭരണങ്ങളോടാണ്.വെള്ളി ആഭരണങ്ങൾ കൂടുതൽ ഭംഗിയായി കാണാൻ ഈ വസ്ത്രങ്ങളോടൊപ്പം അണിഞ്ഞ് നോക്കൂ...
പേരും പ്രശസ്തിയുമെല്ലാം സ്വർണം, വജ്രം എന്നിവയ്ക്കാണെങ്കിലും സ്ത്രീകൾ വെള്ളി ആഭരണങ്ങൾ അണിഞ്ഞു കാണുന്നത് ഒരു പ്രത്യേക ഭംഗിയാണ്. എല്ലാ പെൺകുട്ടികളും കാലിൽ സാധാരണയായി വെള്ളി പാദസരം അണിയുന്ന ശീലമുണ്ടായിരുന്നു. നിലവിൽ കൂടുതൽ പേർക്കും സ്വർണ കൊലുസിനോടാണ് പ്രിയം. എന്നാൽ ഇപ്പോഴും ചിലർ വെള്ളിയോടുള്ള പ്രണയം കാരണം വെള്ളി കൊലുസിനെ മറന്നിട്ടില്ല. വെള്ളിയിൽ തീർത്ത ചെയിനുകൾ, കമ്മലുകൾ, മോതിരങ്ങൾ, വളകൾ എന്നിങ്ങനെ എല്ലാവിധ ആഭരണങ്ങളും സ്ത്രീ സൗന്ദര്യത്തിന് മാറ്റ് കൂട്ടുന്നതാണ്.

സിമ്പിൾ കുർത്തയോടൊപ്പം സ്റ്റൈൽ ആക്കാം:

അധികം ഡിസൈനുകൾ ചെയ്തിട്ടില്ലാത്ത സിമ്പിൾ കുർത്തയോടൊപ്പം വെള്ളി ആഭരണങ്ങൾ ധരിക്കുന്നത് നിങ്ങളെ കൂടുതൽ ആകർഷകമാക്കും. പ്ലെയിൻ കുർത്തയാണെങ്കിൽ അതിൻറെ കൂടെ ഒരു സ്റ്റേറ്റ്മെൻറ് ജുമുക്ക ധരിക്കുന്നത് മനോഹരമാകും. കൂടാതെ അധികം വണ്ണമില്ലാത്ത വളകളും നേർത്ത വെള്ളി കൊലുസും കൂടെ അണിയാം. വിരലിൽ ഒരു വെള്ളി മോതിരം കൂടി അണിഞ്ഞാൽ നിങ്ങൾ അതി സുന്ദരിയാകും. ഏത് സാഹചര്യത്തിലും നിങ്ങളുടെ വ്യക്തിത്വത്തെ കാണിക്കാൻ ഏറ്റവും നല്ല വസ്ത്രമാണ് കുർത്ത. ഇതോടൊപ്പം നിങ്ങൾക്ക് അനുയോജ്യമെന്ന് തോന്നുന്ന വെള്ളി ആഭരണങ്ങൾ കൂടി അണിഞ്ഞു നോക്കൂ...ആളുകൾ നിങ്ങളെ നിരീക്ഷിക്കുന്നതിലെ വ്യത്യാസം മനസിലാകും.

സരിയോടൊപ്പം വെള്ളി ആഭരണങ്ങൾ:

സ്ത്രീ സൗന്ദര്യത്തെ ഏറ്റവും മികച്ച രീതിയിൽ അവതരിപ്പിക്കാൻ സാരിയല്ലാതെ മറ്റേതു വസ്ത്രമാണുള്ളത്. കടും നിറമുള്ള സാരിയോടൊപ്പം വെള്ളി ആഭരണങ്ങൾ കൂടെ ചേരുമ്പോൾ ഏത് ആൾക്കൂട്ടത്തിനിടയിലും നിങ്ങൾ ശ്രദ്ധിക്കപ്പെടും. സിമ്പിൾ ആയി ഒരുങ്ങിയിട്ടും എന്തൊരു ഭംഗി എന്ന അടക്കംപറച്ചിലുകൾ നിങ്ങളുടെ കാതുകളിൽ എത്തും. സ്വർണം വിലപിടിപ്പുള്ളതാണെങ്കിലും വെള്ളി ആഭരണങ്ങളുടെ ഭംഗിയോടൊപ്പമെത്താൻ അവയ്ക്കാവില്ല.

എന്നും ട്രെൻഡിങ്ങിൽ നിൽക്കുന്ന ലെഹങ്ക:

ആഘോഷം ഏത് തന്നെയായാലും ലെഹങ്ക എന്നും വസ്ത്രങ്ങളിൽ താരമാണ്. ഇതോടൊപ്പം നന്നായി ഇണങ്ങുന്ന വെള്ളി ആഭരണങ്ങളും കൂടി ചേർന്നാൽ വ്യത്യസ്തമായ ലുക്ക് ആകും. ലെഹങ്കയോടൊപ്പം വളരെ സിമ്പിൾ ആയ വെള്ളി ആഭരണങ്ങൾ ഉപയോഗിക്കുന്നത് പ്രതീക്ഷിച്ച ഭംഗി നൽകില്ല. അതിനാൽ അല്പം വലിയ വെള്ളി ആഭരണങ്ങൾ തന്നെ അണിഞ്ഞോളൂ. വീതിയുള്ള വളകൾ, പാദസരം എന്നിവ കൂടി ഉപയോഗിക്കാൻ മറക്കേണ്ട.
വസ്ത്രങ്ങളിൽ തീർക്കാം വർണ്ണ വിസ്മയങ്ങൾ; ഇനി അല്പം കളറാകാം
ഹൈ നെക്ക് വസ്ത്രങ്ങളോടൊപ്പം:

ഹൈ നെക്ക് വത്രങ്ങൾ ഉപയോഗിക്കുമ്പോൾ ബോൾഡ് ലുക്ക് ലഭിക്കും. ഇതോടൊപ്പം വെള്ളി ആഭരണങ്ങൾ നന്നായി ഇണങ്ങും. മാല ഉപയോഗിക്കാതെ വലിയ കമ്മൽ മാത്രം ഉപയോഗിക്കുന്നത് കൂടുതൽ ആകർഷകമാകും. അല്ലെങ്കിൽ നീളം കൂടിയ നേർത്ത മാലയോടൊപ്പം ചെറിയ വെള്ളി സ്റ്റഡ് കൂടി ഉപയോഗിക്കുകയാണെങ്കിൽ കൂടുതൽ ഭംഗി ലഭിക്കും.

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : how to pair silver jewellery with your outfits
Malayalam News from malayalam.samayam.com, TIL Network

Read Entire Article