വേപ്പില ജ്യൂസ് ആക്കി കുടിച്ചാൽ പ്രമേഹത്തെ വരുതിയിലാക്കാം

1 week ago 1

പ്രമേഹം നിയന്ത്രിക്കുന്നത് മുതൽ മുറിവുകൾ ഉണക്കുന്നത് വരെ ധാരാളം ഗുണങ്ങൾ ആര്യവേപ്പിന്റെ നീരിൽ അടങ്ങിയിട്ടുണ്ട്. കൂടാതെ ദഹന പ്രശ്നങ്ങൾ അകറ്റുന്നതിനും പ്രതിരോധ ശേഷി മെച്ചപ്പെടുത്തുന്നതിനും വേപ്പ് നീര് ഗുണകരമാണ്.

neem juice

ആര്യവേപ്പ് ജ്യൂസിന്റെ അത്ഭുതപ്പെടുത്തുന്ന ഗുണങ്ങൾ

ഹൈലൈറ്റ്:

പ്രമേഹം നിയന്തിരക്കുന്നത് മുതൽ ദഹന പ്രശ്നങ്ങൾ അകറ്റുന്നത് വരെ ആര്യവേപ്പ് ജ്യൂസ് നൽകുന്ന ആരോഗ്യ ഗുണങ്ങൾ അറിയാം
പല തരത്തിലുള്ള ആരോഗ്യ പ്രശ്നങ്ങൾക്ക് പരിഹാരം കണ്ടെത്താൻ കൂടുതൽ ആളുകളും ആയുർവേദത്തെ ആണ് ആശ്രയിക്കുന്നത്. രോഗങ്ങൾ അകറ്റാനും ആരോഗ്യം മെച്ചപ്പെടുത്താനും ഔഷധ ഗുണങ്ങളുള്ള ഇലകൾ ചവയ്ക്കുന്നത് മുതൽ അവയുടെ നീര് കുടിക്കുന്നത് വരെ പല തരം ആയുർവേദ രീതികൾ നിലവിലുണ്ട്. ഔഷധ ആവശ്യങ്ങൾക്കായി തലമുറകളായി ഉപയോഗിച്ചുവരുന്ന ഒരു വൃക്ഷം ഉണ്ടെങ്കിൽ അത് ആര്യവേപ്പാണ്. എല്ലാ രോഗങ്ങൾക്കും ഉള്ള ഉത്തമ പ്രതിവിധി എന്നും ഇത് അറിയപ്പെടുന്നു. വേപ്പില വിവിധ രീതികളിൽ ഉപയോഗിക്കാം.

ഇന്ന് സംസാരിക്കുന്നത് വേപ്പിലയുടെ നീരിനെ കുറിച്ചാണ്. വേപ്പിലയുടെ നീര് ആൻറിവൈറൽ, ആന്റി ഇൻഫ്ലമേറ്ററി, ആന്റി മൈക്രോബയൽ ഗുണങ്ങളുടെ ഒരു ശക്തികേന്ദ്രമാണ്. രുചി അല്പം കയ്പേറിയതാണെങ്കിലും അത്ഭുതപ്പെടുത്തുന്ന ഗുണങ്ങളാണ് വേപ്പിന്റെ നീര് നൽകുന്നത്.

1. ദഹന പ്രശ്നങ്ങൾ പരിഹരിക്കാൻ സഹായിക്കുന്നു

എല്ലാ ദിവസവും രാവിലെ വേപ്പില ജ്യൂസ് കുടിക്കുന്നത് നിങ്ങളുടെ ദഹന പ്രശ്നങ്ങൾ ഒഴിവാക്കാൻ സഹായിക്കും. ഇതിന്റെ ആസ്ട്രിജന്റ് സവിശേഷതകൾ വയറിനുള്ളിലെ ഗ്യാസ് രൂപീകരണം കുറയ്ക്കുന്നു, അങ്ങനെ വയറുവേദന, വായുകോപം, വയറിലെ അസ്വസ്ഥതകൾ എന്നിവ കുറയ്ക്കാൻ സഹായിക്കുന്നു. ഈ ശക്തമായ പാനീയം മലബന്ധം, മറ്റ് പ്രശ്നങ്ങൾ എന്നിവയിൽ നിന്നും മുക്തി നേടാനും നിങ്ങളെ സഹായിക്കുന്നു.

2. പ്രതിരോധശേഷി വർദ്ധിപ്പിക്കുന്നു

ഈ മഹാമാരിയുടെ സമയത്ത് നമ്മുടെ രോഗ പ്രതിരോധ ശേഷി മെച്ചപ്പെടുത്തുന്നതിനേക്കാൾ പ്രധാനമായി മറ്റൊന്നുമില്ല. അതുകൊണ്ടാണ് വേപ്പിൻ ജ്യൂസിന്റെ ഗുണങ്ങൾ നിങ്ങൾ നഷ്ടപ്പെടുത്തരുത് എന്ന് വിദഗ്ദ്ധർ പറയുന്നത്. ഇത് വിവിധ തരം അണുബാധകളെ ചികിത്സിക്കുന്നതിനും എല്ലാത്തരം ഹാനികരമായ സൂക്ഷ്മാണുക്കളെയും ചെറുക്കുന്നതിനും സഹായിക്കുന്നു. ഇതിലെ ആൻറി ഫംഗൽ, ആൻറിവൈറൽ ഗുണങ്ങളുടെ സഹായത്താൽ, പനി, ജലദോഷം, തൊണ്ടവേദന എന്നിവ ഭേദമാക്കാൻ ഇത് അത്ഭുതകരമായി പ്രവർത്തിക്കുന്നു.

3. മുറിവുകളും അൾസറും ഭേദമാക്കാൻ

വേപ്പിൻ ജ്യൂസിന്റെ ആൻറി ഇൻഫ്ലമേറ്ററി ഗുണങ്ങൾ വൻകുടൽ പുണ്ണ്, പെപ്റ്റിക് അൾസർ, വ്രണം, വായ്പ്പുണ്ണ് എന്നിവ ഉൾപ്പെടെ എല്ലാത്തരം അൾസറുകളെയും സഹായിക്കുന്നു. കൂടാതെ, വേപ്പിൻ ജ്യൂസിലെ ബയോ ആക്ടീവ് സംയുക്തങ്ങൾ ടിഷ്യു പുനരുൽപ്പാദനം വർദ്ധിപ്പിക്കുകയും മുറിവ് ഉണക്കുന്നതിനെ പ്രോത്സാഹിപ്പിക്കുകയും ചെയ്യുന്നു. ആര്യവേപ്പ് അരച്ച് മുറിവിൽ വെച്ച് കെട്ടുന്നത് മുറിവുകൾ വേഗത്തിൽ ഭേദമാകാൻ സഹായിക്കും.
ഭക്ഷണശേഷം 10 മിനിറ്റ് നടത്തം ശരീരത്തിന് ഗുണം ചെയ്യുന്നത് എങ്ങനെ?
4. രക്തം ശുദ്ധീകരിക്കുന്നു

ആര്യവേപ്പ് ശരീരത്തെ വിഷവിമുക്തമാക്കുന്ന ഗുണങ്ങളാൽ നിറഞ്ഞിരിക്കുന്നു, അപ്പോൾ ഈ പാനീയം എങ്ങനെ നമുക്ക് ഒഴിവാക്കാനാകും? നിങ്ങളുടെ ശരീരത്തിൽ നിന്ന് വിഷവസ്തുക്കളെ പുറന്തള്ളാൻ എല്ലാ ദിവസവും രാവിലെ ഒരു ഗ്ലാസ് വേപ്പിൻ ജ്യൂസ് കുടിക്കുക. ഏറ്റവും നല്ല കാര്യം എന്തെന്നാൽ, അത് രക്തം ശുദ്ധീകരിക്കുകയും കൂടുതൽ ശുദ്ധമാക്കുകയും ചെയ്യുന്നു എന്നതാണ്. കൂടാതെ, ഇത് രക്തചംക്രമണം മെച്ചപ്പെടുത്തുകയും ചെയ്യുന്നു. അതുകൊണ്ട് ഇത് തീർച്ചയായും ഏറ്റവും ഫലപ്രദമായ ഒറ്റമൂലിയാണ് എന്ന കാര്യത്തിൽ തർക്കമില്ല!

5. പ്രമേഹത്തെ നിയന്ത്രിക്കുന്നു

പ്രമേഹം പോലുള്ള ഒരു ജീവിതശൈലി രോഗം ഇന്നത്തെ കാലത്ത് വർദ്ധിച്ചുകൊണ്ടിരിക്കുകയാണ്. ഏറ്റവുമധികം ആളുകളെ ബാധിച്ചുകൊണ്ടിരിക്കുന്ന, ഒരു പകർച്ചവ്യാധി പോലെ പടർന്നുകൊണ്ടിരിക്കുന്ന രോഗമാണിത്. എന്നാൽ നിങ്ങൾ വേപ്പിൻ നീര് ഉപയോഗിച്ചാൽ നിങ്ങൾക്ക് പ്രമേഹത്തെ അകറ്റി നിർത്താം! ഈ ദ്രാവകത്തിന് ശക്തമായ പ്രമേഹ വിരുദ്ധ ഗുണങ്ങളുണ്ട്, അത് ശരീരത്തിലെ രക്തത്തിലെ പഞ്ചസാരയുടെ അളവ് കുറയ്ക്കുന്നു. അന്നജം ഗ്ലൂക്കോസായി വിഘടിപ്പിക്കാനും ഇത് സഹായിക്കുന്നു, അതാണ് അതിനെ പ്രമേഹം അകറ്റുന്ന ഒരു ഉത്തമ ഒറ്റമൂലി ആക്കുന്നത്.

രോഗപ്രതിരോധത്തിനും നല്ല ആരോഗ്യത്തിനും ഇത് കുടിക്കാം


Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : know the health benefits of drinking neem juice
Malayalam News from malayalam.samayam.com, TIL Network

Read Entire Article