വർക് ഫ്രം ഹോം മതി! ഭർത്താവിനെ ഓഫീസിലേക്ക് വിളിക്കണം, കാരണം വെളിപ്പെടുത്തി ഭാര്യ

1 week ago 6

| Samayam Malayalam | Updated: Sep 11, 2021, 2:25 PM

തനിക്ക് എങ്ങനെയാണ് ഈ കത്തിനോട് പ്രതികരിക്കേണ്ടത് എന്നറിയില്ല എന്ന കുറിപ്പോടെയാണ് ഹർഷ് ഗോയങ്ക ട്വീറ്റ് ചെയ്തിരിക്കുന്നത്. മനോജ് എന്ന് പേരുള്ള ജീവനക്കാരന്റെ ഭാര്യ അയച്ച കത്താണ് ചിരിപ്പിക്കുകയും ചിന്തിപ്പിക്കുകയും ചെയ്യുന്ന ട്വീറ്റ്.

Work From Home

(Represenational image)

ഹൈലൈറ്റ്:

ജീവനക്കാരന്റെ ഭാര്യ അയച്ച കത്തിൽ പറയുന്നത് എത്രയും വേഗം തന്റെ ഭർത്താവിനെ ഓഫീസിലേക്ക് തിരികെ വിളിക്കണം എന്നാണ്.വർക്ക് ഫ്രം ഹോം സംവിധാനം തുടർന്നാൽ തങ്ങളുടെ ദാമ്പത്യജീവിതം അധികം മുന്നോട്ട് പോവില്ല എന്നാണ് ഭാര്യ പറയുന്നത്.പലപ്പോഴും ഓഫീസിൽ നിന്നും കോൾ വരുമ്പോൾ കക്ഷി ഉറക്കം തൂങ്ങുന്നതും സ്ഥിരം കാഴ്ചയാണ് എന്ന് ഭാര്യ പറയുന്നു.
ഹാരിസൺ മലയാളം, സീയറ്റ്‌ ടയേഴ്‌സ് തുടങ്ങിയ സ്ഥാപനങ്ങളുടെ ഉടമകളായ ആർപിജി ഗ്രൂപ്പിന്റെ സാരഥി ഹർഷ് ഗോയങ്ക, ട്വിറ്ററിൽ സജീവമായ ചില ബിസിനസ്സ് ഉടമകളിൽ ഒരാളാണ്. തമാശ നിറഞ്ഞതും ചിന്തിപ്പിക്കുന്നതുമായ പല കാര്യങ്ങളും ഹർഷ് ഗോയങ്ക ട്വിറ്ററിൽ പോസ്റ്റ് ചെയ്യാറുണ്ട്. ചിലത് വൈറലാവാറുമുണ്ട്. ഹർഷ് ഗോയങ്ക ട്വിറ്ററിൽ അടുത്തിടെ പോസ്റ്റ് ചെയ്തത് തന്റെ സ്ഥാപനത്തിൽ ജോലി ചെയ്യുന്ന ഒരു ജീവനക്കാരന്റെ ഭാര്യ അയച്ച കത്താണ്. 'തനിക്ക് എങ്ങനെയാണ് ഈ കത്തിനോട് പ്രതികരിക്കേണ്ടത് എന്നറിയില്ല' എന്ന കുറിപ്പോടെയാണ് ഗോയങ്ക ട്വീറ്റ് ചെയ്തിരിക്കുന്നത്.

ട്വീറ്റിൽ ഉൾപ്പെടുത്തിയ മനോജ് എന്ന് പേരുള്ള ജീവനക്കാരന്റെ ഭാര്യ അയച്ച കത്തിൽ പറയുന്നത് എത്രയും വേഗം തന്റെ ഭർത്താവിനെ ഓഫീസിലേക്ക് തിരികെ വിളിക്കണം എന്നാണ്. വർക്ക് ഫ്രം ഹോം സംവിധാനം തന്റെ ഭർത്താവിന്റെ കാര്യത്തിൽ അവസാനിപ്പിക്കണം എന്നും രണ്ട് വാക്‌സിനും സ്വീകരിച്ചാൽ ഓഫീസിൽ വന്നു ജോലി ചെയ്യാൻ ഭർത്താവ് യോഗ്യനാണ് എന്നും എല്ലാവിധ കൊവിഡ് മാനദണ്ഡങ്ങളും ഭർത്താവ് പാലിക്കും എന്നും ഭാര്യ ഉറപ്പ് നൽകുന്നു.

'ദയവായി എന്നെ ജോലിക്ക് നിയമിക്കണം' കൂറ്റൻ ഫ്‌ളെക്‌സ് സ്ഥാപിച്ച് യുവാവ്

സാധാരണ ഗതിയിൽ ഭർത്താക്കന്മാർ കൂടെയുണ്ടാകാൻ ഭാര്യമാർ ഇപ്പോഴും താല്പര്യപെടുമ്പോൾ മനോജിന്റെ ഭാര്യ എന്തുകൊണ്ട് ഇങ്ങനെ ചിന്തിക്കുന്നു എന്നല്ലേ? അതിനുള്ള കാരണമാവും ഭാര്യ വെളിപ്പെടുത്തുന്നുണ്ട്. വർക്ക് ഫ്രം ഹോം സംവിധാനം തുടർന്നാൽ തങ്ങളുടെ ദാമ്പത്യജീവിതം അധികം മുന്നോട്ട് പോവില്ല എന്നാണ് ഭാര്യ പറയുന്നത്. ഭർത്താവ് ഇപ്പോൾ 10 തവണയാണ് ദിവസവും കാപ്പി കുടിക്കുന്നത് എന്നും ദിവസത്തെ പല സമയങ്ങളിൽ വീട്ടിലെ പലയിടത്തിയാണ് ഭർത്താവ് ജോലി ചെയ്യുന്നത് എന്നും ഭാര്യ പറയുന്നു. ഈ ജോലി ചെയ്യുന്ന ഇടങ്ങളെല്ലാം അലങ്കോലമാക്കിയാണ് ഭർത്താവിന്റെ ജോലി മുന്നോട്ട് പോവുന്നത്. കഴിഞ്ഞില്ല, ഭർത്താവ് ഇടക്കിടക്ക് ഭക്ഷണം വേണം എന്നാവശ്യപെടുന്നുണ്ട്. പലപ്പോഴും ഓഫീസിൽ നിന്നും കോൾ വരുമ്പോൾ കക്ഷി ഉറക്കം തൂങ്ങുന്നതും സ്ഥിരം കാഴ്ചയാണ് എന്ന് ഭാര്യ പറയുന്നു.

റം കുത്തിനിറച്ച ഗുലാബ് ജാമുൻ; എജ്ജാതി ടച്ചിങ്‌സ് എന്ന് സൈബർലോകം
തനിക്ക് രണ്ട് കുട്ടികളുടെ കാര്യം നോക്കാനുണ്ട് എന്നും അതിനിടെ മേല്പറന കാര്യങ്ങൾക്കായി സമയം ചിലവിടാൻ സാധിക്കാത്തതിനാൽ ഭർത്താവിനെ എത്രയും പെട്ടന്ന് ഓഫീസിലേക്ക് തിരികെ വിളിക്കണം എന്ന് പറഞ്ഞാണ് കത്ത് അവസാനിക്കുന്നത്.

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : this women wants her husband to resume working from office , writes letter to company head
Malayalam News from malayalam.samayam.com, TIL Network

Read Entire Article