చిరంజీవి పొలిటిక‌ల్ విష్‌... వెంక‌య్య నాయుడుని అలా చూడాల‌నుందంటూ ఆస‌క్తిక‌ర‌మైన వ్యాఖ్య‌లు చేసిన మెగాస్టార్

2 months ago 13

| Samayam Telugu | Updated: Nov 18, 2021, 6:50 AM

Venkaiah Naidu - Chiranjeevi : ‘ఉప రాష్ట్ర‌ప‌తిగా వెంక‌య్య నాయుడుగారు దేశానికి సేవ చేశారు. ఆయ‌న తెలుగు ద‌నానికి నిలువెత్తు నిద‌ర్శ‌నం, నిర్వ‌చ‌నం. ఓ తెలుగువాడిగా నాకే కాదు, అంద‌రికీ ఆయ‌న రాష్ట్ర‌ప‌తి కావాల‌నే ఉంది’ అని అన్నారు చిరంజీవి.

చిరంజీవి - వెంకయ్య నాయుడు

ప్రధానాంశాలు:

వెంకయ్య నాయుడు రాష్ట్రపతి కావాలితెలుగు వారందరి కోరిక తెలుగుదనానికి వెంకయ్య నిర్వచనం, నిలువెత్తు నిదర్శనం
‘‘ఉప రాష్ట్ర‌ప‌తిగా వెంక‌య్య నాయుడుగారు దేశానికి సేవ చేశారు. ఆయ‌న తెలుగు ద‌నానికి నిలువెత్తు నిద‌ర్శ‌నం, నిర్వ‌చ‌నం. ఓ తెలుగువాడిగా నాకే కాదు, అంద‌రికీ ఆయ‌న రాష్ట్ర‌ప‌తి కావాల‌నే ఉంది. తెలుగువారంద‌రూ గ‌ర్వించేలా వెంక‌య్య‌నాయుడ‌గారు అయ్య‌ప్ప స్వామి సాక్షిగా రాష్ట్ర‌ప‌తి కావాల‌ని మ‌న‌స్ఫూర్తిగా కోరుకుంటున్నాను’’ అని అన్నారు మెగాస్టార్ చిరంజీవి. యోధ డయాగ్నస్టిక్ సెంటర్ ప్రారంభోత్సవ కార్యక్రమంలో వెంకయ్య నాయుడు సహా చిరంజీవి, హరీశ్ రావు, తలసాని శ్రీనివాస యాదవ్, అజహరుద్దీన్, పుల్లెల గోపీచంద్ తదితరులు హాజరయ్యారు. ఈ సంద‌ర్భంగా చిరంజీవి మాట్లాడుతూ పై వ్యాఖ్య‌లు చేశారు. ‘‘నందమూరి తారక రామారావుగారి ద్వారా ప్రపంచంలో తెలుగువారికి గుర్తింపు వచ్చింది. ఇప్పుడు వెంక‌య్య‌నాయుడుగారు తెలుగు ద‌నానికి నిర్వ‌చ‌నంగా, నిలువెత్తు నిద‌ర్శనంగా నిలుస్తున్నారు. ఆయ‌న రాష్ట్ర‌ప‌తి కావాల‌న్న‌ది నా ఒక్క‌డి కోరికే కాదు, తెలుగువారందరిదీ’’ అన్నారు.

అంద‌రూ ఆరోగ్యం విష‌యంలో జాగ్ర‌త్త‌లు తీసుకోవాల‌ని అన్నారు చిరంజీవి. ఈ సంద‌ర్భంగా రాజ్‌కుమార్ ఫ్యామిలీని ఆయ‌న గుర్తుకు చేసుకున్నారు. రాజ్ కుమార్ గుండెపోటుతోనే చ‌నిపోయార‌ని, శివ రాజ్‌కుమార్ కూడా గుండె పోటుతో చాలా ఇబ్బంది ప‌డ్డార‌ని, రీసెంట్‌గా పునీత్ హార్ట్ ఎటాక్‌తో అంద‌రికీ దూర‌మ‌య్యార‌ని, చిన్న వ‌య‌సులో పునీత్ రాజ్‌కుమార్ దూరం కావ‌డం ఎంతో బాధాక‌ర‌మైన విష‌య‌మ‌ని, ఫిట్‌నెస్ విష‌యంలో ఎంతో జాగ్ర‌త్త‌గా ఉండే పునీత్‌కు అలా జ‌ర‌గ‌డం అంద‌రినీ క‌ల‌చి వేసింద‌ని, కాబ‌ట్టి ఆరోగ్య విష‌యంలో ఎలా అశ్ర‌ద్ధ ప‌నికి రాద‌ని చిరంజీవి అన్నారు. ఈ కార్య‌క్ర‌మంలో చిరంజీవి చారిట్ర‌బుల్ ట్ర‌స్ట్‌కు ఉప రాష్ట్ర‌ప‌తి వెంక‌య్య నాయుడు చేతుల మీదుగా పాతిల ల‌క్ష‌ల రూపాయ‌ల చెక్‌ను యోధ డ‌యాగ్న‌స్టిక్ సెంట‌ర్ యాజ‌మాన్యం అందించింది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

మరింత సమాచారం తెలుసుకోండి

Web Title : chiranjeevi comments on vice president venkaiah naidu; chiranjeevi wish venkaiah naidu become president
Telugu News from Samayam Telugu, TIL Network

Read Entire Article