AB de Villiers సిక్సర్ల వర్షం.. 46 బంతుల్లో 104 పరుగులు

1 week ago 1

| Samayam Telugu | Updated: Sep 15, 2021, 1:18 PM

ఐపీఎల్ 2021 సీజన్ ముంగిట డివిలియర్స్ శతకంతో ఫామ్ అందుకున్నాడు. స్పిన్నర్లు, పేసర్లు అని తేడా చూపకుండా భారీ షాట్లు ఆడిన డివిలియర్స్ ఇన్నింగ్స్‌లో 10 సిక్సర్లు ఉన్నాయి.

AB de Villiers (Pic Source: Twitter)

ప్రధానాంశాలు:

సెప్టెంబరు 19 నుంచి ఐపీఎల్ 2021 మ్యాచ్‌లుప్రాక్టీస్ మ్యాచ్‌లు ఆడుతున్న బెంగళూరు టీమ్ఏబీ డివిలియర్స్ 46 బంతుల్లో సెంచరీతెలుగు క్రికెటర్ కేఎస్ భరత్ కూడా శతక సమాన ఇన్నింగ్స్
ఐపీఎల్ 2021 సీజన్ రెండో దశ ముంగిట రాయల్ ఛాలెంజర్స్ బెంగళూరు పవర్ హిట్టర్ ఏబీ డివిలియర్స్ మంచి టచ్‌లో కనిపిస్తున్నాడు. ఈ నెల 19 నుంచి ఐపీఎల్ 2021 సీజన్ రెండో దశ మ్యాచ్‌లు ప్రారంభంకానుండగా.. 20న కోల్‌కతా నైట్‌రైడర్స్‌తో అబుదాబి వేదికగా బెంగళూరు టీమ్ తొలి మ్యాచ్ ఆడనుంది. ఈ మేరకు ఇప్పటికే అక్కడికి చేరుకున్న బెంగళూరు ఆటగాళ్లు.. క్వారంటైన్‌ని ముగించుకుని ప్రాక్టీస్ మ్యాచ్‌లు ఆడుతున్నారు. బెంగళూరు టీమ్ రెండు జట్లుగా విడిపోయిన మ్యాచ్ ఆడగా.. ఈ మ్యాచ్‌లో ఏబీ డివిలియర్స్ మెరుపు శతకం బాదేశాడు.

ఓపెనర్ దేవదత్ పడిక్కల్ RCB-B టీమ్‌కి కెప్టెన్‌గా వ్యవహరించగా.. ఫాస్ట్ బౌలర్ హర్షల్ పటేల్ RCB-A టీమ్‌కి నాయకత్వం వహించాడు. RCB-A టీమ్‌కి ఆడిన ఏబీ డివిలియర్స్ (104: 46 బంతుల్లో 7x4, 10x6) భారీ సిక్సర్లతో చెలరేగిపోయాడు. అతనితో పాటు మహ్మద్ అజారుద్దీన్ (66: 43 బంతుల్లో 6X4, 3x6) కూడా దూకుడుగా ఆడటంతో.. ఎ టీమ్ నిర్ణీత 20 ఓవర్లలో 4 వికెట్ల నష్టానికి 212 పరుగులు చేసింది.

213 పరుగుల ఛేదనలో కేఎస్ భరత్ 47 బంతుల్లో 95 పరుగులు చేయగా.. కెప్టెన్ దేవదత్ పడిక్కల్ 21 బంతుల్లో 36 పరుగులు చేశాడు. దాంతో.. RCB-B టీమ్ విజయాన్ని అందుకుంది. ఐపీఎల్ 2021 వేలంలో తెలుగు క్రికెటర్ భరత్‌ని బెంగళూరు ఫ్రాంఛైజీ కొనుగోలు చేసింది. ఇటీవల ఇంగ్లాండ్ నుంచి వచ్చిన కెప్టెన్ విరాట్ కోహ్లీ, ఫాస్ట్ బౌలర్ మహ్మద్ సిరాజ్.. క్వారంటైన్ నిబంధనల కారణంగా ఈ ప్రాక్టీస్ మ్యాచ్‌కి దూరంగా ఉన్నారు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : ipl 2021: ab de villiers slams 46-ball 104 in rcb's intra-squad fixture
Telugu News from Samayam Telugu, TIL Network

Read Entire Article