Chris Gayle బ్యాట్‌ని విరగొట్టిన ఓడెన్ స్మిత్.. తిరిగి కూడా చూడలేదు

1 week ago 1

| Samayam Telugu | Updated: Sep 15, 2021, 3:28 PM

ఓడెన్ స్మిత్ ఆఫ్ స్టంప్‌కి దూరంగా విసిరిన బంతిని కవర్స్ దిశగా హిట్ చేసేందుకు క్రిస్‌గేల్ ప్రయత్నించాడు. కానీ.. బంతి వేగానికి అతని బ్యాట్ రెండు ముక్కలైంది.

Chris Gayle (Pic Source: Twitter)

ప్రధానాంశాలు:

తుది అంకానికి చేరుకున్న సీపీఎల్ 2021 సీజన్సెమీ ఫైనల్లో క్రిస్‌గేల్ మెరుపులుఓడెన్ స్మిత్ దెబ్బకి విరిగిన గేల్ బ్యాట్మ్యాచ్‌లో గెలిచిన గేల్ టీమ్
వెస్టిండీస్ గడ్డపై కరీబియన్ ప్రీమియర్ లీగ్ ఆసక్తికరంగా జరుగుతోంది. గయానా అమెజాన్ వారియర్స్, ఎస్టీ కిట్స్ అండ్ నేవీస్ పాట్రియట్స్ మధ్య తాజాగా జరిగిన సెమీ ఫైనల్ మ్యాచ్‌లో.. ఎస్టీ కిట్స్ టీమ్ 7 వికెట్ల తేడాతో గెలుపొంది ఫైనల్లో అడుగుపెట్టింది. ఈ మ్యాచ్‌లో భారీ షాట్లు ఆడిన ఎస్టీ కిట్స్‌ టీమ్ ఓపెనర్ క్రిస్‌గేల్ (42: 27 బంతుల్లో 5x4, 3x6) బ్యాట్‌ని గయానా టీమ్ ఫాస్ట్ బౌలర్ ఓడెన్ స్మిత్ వేగవంతమైన డెలివరీతో విరగొట్టాడు. ఆఫ్ స్టంప్‌కి దూరంగా గంటకి 155కిమీ వేగంతో సంధించిన బంతిని హిట్ చేసేందుకు క్రిస్‌గేల్ ప్రయత్నించగా.. బంతి వేగానికి బ్యాట్ రెండు ముక్కలైంది. అయితే.. బౌలర్ మాత్రం అవేమీ పట్టించుకోకుండా మళ్లీ బౌలింగ్ చేసేందుకు వెనక్కి వెళ్లిపోయాడు. ఈ క్రమంలో అతను కనీసం బ్యాట్‌ వైపు తిరిగి కూడా చూడలేదు.

నికోలస్ పూరన్ కెప్టెన్సీలోని గయానా టీమ్ ఫస్ట్ బ్యాటింగ్ చేసి నిర్ణీత 20 ఓవర్లలో 9 వికెట్ల నష్టానికి 178 పరుగులు చేసింది. ఆ జట్టులో హెట్‌మెయర్ (45: 20 బంతుల్లో 2x4, 4x6) టాప్ స్కోరర్‌గా నిలిచాడు. అనంతరం 179 పరుగుల లక్ష్యఛేదనలో ఓపెనర్ ఎవిన్ లావిస్ (77: 39 బంతుల్లో 3x4, 8x6)తో కలిసి క్రిస్‌గేల్ దూకుడుగా ఆడేశాడు. తొలి వికెట్‌కి 7.2 ఓవర్లలోనే 76 పరుగుల భాగస్వామ్యాన్ని ఈ జోడి నెలకొల్పగా.. అనంతరం వచ్చిన డ్వేన్ బ్రావో (34: 31 బంతుల్లో 3x4, 1x6) నిలకడగా ఆడటంతో 17.5 ఓవర్లలోనే ఎస్టీ కిట్స్ టీమ్ 181/3తో విజయాన్ని అందుకుంది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : cpl 2021: odean smith bowls a ripper to break chris gayle's bat into two
Telugu News from Samayam Telugu, TIL Network

Read Entire Article