IND vs PAK మ్యాచ్‌కి భారత్ జట్టుని ఎంపిక చేసిన గంభీర్.. అశ్విన్‌కి నో ఛాన్స్

1 week ago 1

| Samayam Telugu | Updated: Sep 15, 2021, 2:10 PM

ప్రపంచకప్‌లో ఇప్పటి వరకూ భారత్‌పై పాకిస్థాన్ గెలుపొందింది లేదు. అక్టోబరు 24న ఈ రెండు దేశాలు టీ20 వరల్డ్‌కప్‌లో భాగంగా తలపడనుండగా.. ఈ మ్యాచ్‌కి తుది జట్టు‌ని గంభీర్ ఎంపిక చేశాడు.

IND vs PAK (Pic Credit: AFP)

ప్రధానాంశాలు:

అక్టోబరు 17 నుంచి టీ20 వరల్డ్‌కప్ స్టార్ట్24న భారత్, పాకిస్థాన్ మధ్య మ్యాచ్ఈ మ్యాచ్‌కి తుది జట్టుని ఎంపిక చేసిన గంభీర్టీమ్‌లో అశ్విన్‌కి దక్కని చోటు
దాయాది దేశాలు భారత్, పాకిస్థాన్ కేవలం ఐసీసీ టోర్నీల్లో మాత్రమే గత కొన్నేళ్లుగా తలపడుతున్నాయి. యూఏఈ, ఒమన్ వేదికగా అక్టోబరు 17 నుంచి నవంబరు 14 వరకూ టీ20 వరల్డ్‌కప్ జరగనుండగా.. అక్టోబరు 24న భారత్ జట్టు తన మొదటి మ్యాచ్‌లోనే పాకిస్థాన్‌ని ఢీకొట్టనుంది. దాంతో.. ఇప్పటికే ఈ మ్యాచ్‌పై అంచనాలు పెరిగిపోగా.. తాజాగా ఆ మ్యాచ్‌కి భారత్ తుది జట్టుని మాజీ ఓపెనర్ గౌతమ్ గంభీర్ అంచనా వేశాడు. గంభీర్ ఎంపిక చేసిన టీమ్‌లో సీనియర్ ఆఫ్ స్పిన్నర్ అశ్విన్‌కి చోటు దక్కలేదు.

2007లో జరిగిన ఫస్ట్ టీ20 వరల్డ్‌కప్‌లో భారత్, పాకిస్థాన్ జట్లు ఫైనల్లో తలపడగా.. ఆ మ్యాచ్‌లో గంభీర్ 75 పరుగులు చేసి టీమిండియా విజయంలో క్రియాశీలక పాత్ర పోషించాడు. దాంతో.. గంభీర్ తుది జట్టు ఎంపికపై ఆసక్తికరంగా చర్చ జరుగుతోంది. పాకిస్థాన్‌తో మ్యాచ్‌కి ఓపెనర్లు రోహిత్ శర్మ, కేఎల్ రాహుల్‌లను ఎంపిక చేసిన గౌతమ్ గంభీర్.. ఆ తర్వాత విరాట్ కోహ్లీ, సూర్యకుమార్ యాదవ్, రిషబ్ పంత్‌లతో టాప్ ఆర్డర్‌ని ఎంచుకున్నాడు. అలానే హార్దిక్ పాండ్య, రవీంద్ర జడేజా రూపంలో ఇద్దరు ఆల్‌రౌండర్లకి చోటిస్తూనే.. మిస్టరీ స్పిన్నర్ వరుణ్ చక్రవర్తిని కూడా జట్టులోకి ఎంపిక చేశాడు. ఇక పేస్ బాధ్యతల్ని భువనేశ్వర్ కుమార్, మహ్మద్ షమీ, జస్‌ప్రీత్ బుమ్రాకి గంభీర్ అప్పగించాడు.

పాక్‌తో మ్యాచ్‌కి గంభీర్ ఎంపిక చేసిన భారత్ జట్టు: రోహిత్ శర్మ, కేఎల్ రాహుల్, విరాట్ కోహ్లీ (కెప్టెన్), సూర్యకుమార్ యాదవ్, రిషబ్ పంత్ (వికెట్ కీపర్), హార్దిక్ పాండ్య, రవీంద్ర జడేజా, వరుణ్ చక్రవర్తి, భువనేశ్వర్ కుమార్, మహ్మద్ షమీ, జస్‌ప్రీత్ బుమ్రా

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : gautam gambhir picks his playing xi for t20 wc fixture vs pakistan
Telugu News from Samayam Telugu, TIL Network

Read Entire Article