PAK vs NZ సిరీస్ ఆఖరి నిమిషంలో రద్దు.. సెక్యూరిటీ కారణాలు చెప్పిన కివీస్

1 month ago 19

| Samayam Telugu | Updated: Sep 17, 2021, 8:35 PM

18 ఏళ్ల తర్వాత పాకిస్థాన్ పర్యటనకి వెళ్లిన న్యూజిలాండ్ టీమ్.. కనీసం ఒక్క మ్యాచ్‌లో కూడా ఆడకుండానే వెనుదిరగబోతోంది. ఈరోజు రావాల్పిండిలో తొలి వన్డేలో జరగాల్సి ఉండగా... మ్యాచ్ ముంగిట

Pakistan vs New Zealand (Pic Source: Twitter)

ప్రధానాంశాలు:

న్యూజిలాండ్ టీమ్ పాక్ పర్యటన రద్దు18 ఏళ్ల తర్వాత పాక్ గడ్డపై అడుగుపెట్టిన కివీస్ఒక్క మ్యాచ్ కూడా ఆడకుండానే రిటర్న్సెక్యూరిటీ కారణాలు చెప్పిన న్యూజిలాండ్
పాకిస్థాన్ గడ్డపై 18 ఏళ్ల తర్వాత మ్యాచ్‌లు ఆడేందుకు అడుగుపెట్టిన న్యూజిలాండ్ టీమ్.. అనూహ్యరీతిలో పర్యటనని రద్దు చేసుకుంది. రావల్పిండి వేదికగా శుక్రవారం తొలి వన్డే మ్యాచ్ జరగాల్సి ఉండగా.. ఈ మ్యాచ్‌ ముంగిట భద్రతా కారణాలు చూపిన న్యూజిలాండ్ టీమ్ మైదానంలోకి అడుగుపెట్టలేదు. దాంతో.. న్యూజిలాండ్ టీమ్‌ మేనేజ్‌మెంట్‌తో మాట్లాడిన పాకిస్థాన్ క్రికెట్ బోర్డు.. తొలి వన్డేతో పాటు.. సిరీస్ మొత్తాన్ని రద్దు చేస్తున్నట్లు ప్రకటించింది.

లాహోర్‌లో శ్రీలంక క్రికెట్ జట్టు ప్రయాణిస్తున్న బస్సుపై 2009లో ఉగ్రవాదులు దాడి చేయగా.. అప్పటి నుంచి ఆ దేశంలో పర్యటించేందుకు అగ్రశ్రేణి జట్లు నిరాకరిస్తున్నాయి. భారత్, ఆస్ట్రేలియా, ఇంగ్లాండ్ జట్లు ఆ దేశ పర్యటనకి ససేమేరా అంటుండగా.. న్యూజిలాండ్ టీమ్ ముందుకొచ్చింది. ఈ క్రమంలో మూడు వన్డేలు, ఐదు టీ20లను ఆడేందుకు కివీస్ సిద్ధమైంది. కానీ.. ఉగ్రదాడి జరిగే ప్రమాదం ఉందనే భయంతో కివీస్ వెనక్కి తగ్గింది.

న్యూజిలాండ్ క్రికెట్ జట్టు పర్యటనని రద్దు చేసుకోబోతున్నట్లు తెలియగానే.. పాకిస్థాన్ ప్రధాని ఇమ్రాన్ ఖాన్ స్వయంగా న్యూజిలాండ్ ప్రధానితో మాట్లాడాడట. పాకిస్థాన్‌కి బెస్ట్ ఇంటిలిజెన్స్ సిస్టమ్ ఉందని చెప్పుకొచ్చిన ఇమ్రాన్ ఖాన్.. కివీస్ టీమ్‌కి ఎలాంటి బెదిరింపులు రాలేదని కూడా చెప్పినట్లు తెలుస్తోంది. అయినప్పటికీ న్యూజిలాండ్ పర్యటనని రద్దు చేసుకోవడానికే మొగ్గు చూపింది. న్యూజిలాండ్ టూర్ రద్దుని ట్విట్టర్‌లో అధికారికంగా ప్రకటించిన పాకిస్థాన్ క్రికెట్ బోర్డు.. fool proof security arrangements అని రాయడంపై నెటిజన్లు ఫన్నీగా స్పందిస్తున్నారు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : new zealand abandon historic pakistan tour on security grounds
Telugu News from Samayam Telugu, TIL Network

Read Entire Article