Paralympics ముగింపు వేడుకల్లో భారత పతాకధారిగా అవని లేఖరా

3 weeks ago 1

| Samayam Telugu | Updated: Sep 5, 2021, 7:27 AM

టోక్యో పారాలింపిక్స్‌ ఈరోజుతో ముగియనున్నాయి. సాయంత్రం జరగనున్న ముగింపు వేడుకల్లో భారత పతాకధారిగా అవని లేఖరా వ్యవహరించనుంది. షూటింగ్‌లో భారత్‌కి అవని రెండు పతకాలు అందించింది.

Avani Lekhara (Pic Credit: Reuters)

ప్రధానాంశాలు:

ఆదివారం ముగియనున్న పారాలింపిక్స్భారత పతాకధారిగా అవని లేఖరా ఎంపికభారత్‌కి రెండు మెడల్స్ అందించిన అవని 17కి చేరిన భారత్ పతకాల సంఖ్య
టోక్యో వేదికగా జరుగుతున్న పారాలింపిక్స్‌ ఆదివారంతో ముగియనున్నాయి. ఈరోజు జరగనున్న ముగింపు వేడుకల్లో భారత పతాకధారిగా అవని లేఖరా వ్యవహరించనుంది. మహిళల 10మీ ఎయిర్‌ రైఫిల్ స్టాండింగ్ ఎస్‌హెచ్ 1లో గోల్డ్ మెడల్ గెలిచిన అవని.. ఆ తర్వాత 50మీ రైఫిల్ 3 పొజీషన్ ఎస్‌హెచ్ 1లో కాంస్యం సాధించింది. ఓవరాల్‌గా ఒకే పారాలింపిక్స్‌లో రెండు పతకాలు గెలిచిన భారత తొలి మహిళగా నిలవడంతో పాటు.. గోల్డ్ మెడల్ గెలిచి భారత తొలి మహిళా క్రీడాకారిణిగా అరుదైన ఘనత సాధించింది.

పారాలింపిక్స్‌కి భారత్ నుంచి 54 మంది అథ్లెట్‌లు వెళ్లారు. మొత్తం 9 ఈవెంట్‌లలో క్రీడాకారులు పోటీపడగా.. ఇందులో ఆర్చరీ, బ్యాడ్మింటన్, స్విమ్మింగ్, వెయిట్‌లిప్టింగ్, అథ్లెటిక్స్ (ట్రాక్ అండ్ ఫీల్డ్) ఈవెంట్స్ ఉన్నాయి. టోక్యో పారాలింపిక్స్‌లో శనివారం నాటికి భారత్‌కి 17 పతకాలు దక్కగా.. ఇందులో నాలుగు పసిడి పతకాలు, ఏడు రజతాలు, ఆరు కాంస్య పతకాలు ఉన్నాయి. మొత్తంగా పతకాల పట్టికలో భారత్ ప్రస్తుతం 26వ స్థానంలో కొనసాగుతోంది.

ఆగస్టు 24న జరిగిన ఆరంభోత్సవ వేడుకల్లో భారత పతాకధారిగా షాట్‌ ఫుట్ ఆటగాడు టేక్ చంద్ వ్యవహరించాడు. వాస్తవానికి ఆరంభ వేడుకల్లో భారత పతాకధారిగా మరియప్పన్ తంగవేలుని ఎంపిక చేశారు. కానీ.. తమిళనాడుకి చెందిన ఈ హైజంప్ క్రీడాకారుడు.. ఆఖర్లో ఊహించని విధంగా ఆరంభోత్సవానికి దూరమయ్యాడు. తంగవేలు టోక్యోకి వెళ్లే సమయంలో విమానంలో అతని పక్కన కూర్చున్న వ్యక్తికి కరోనా పాజిటివ్‌గా తేలడంతో.. ముందు జాగ్రత్త చర్యల్లో భాగంగా తంగవేలుని క్వారంటైన్‌లో ఉంచారు. దాంతో.. టేక్ చంద్‌కి పతాకధారిగా ఉన్నాడు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : tokyo paralympics: avani lekhara to be india's flag-bearer for closing ceremony
Telugu News from Samayam Telugu, TIL Network

Read Entire Article