Rohit Sharmaకి పోటీగా టీ20 కెప్టెన్ రేసులో మరో బ్యాట్స్‌మెన్.. గవాస్కర్ సపోర్ట్

4 weeks ago 7

| Samayam Telugu | Updated: Sep 17, 2021, 9:05 AM

టీ20 కెప్టెన్‌గా రోహిత్ శర్మ ఎంపిక లాంఛనమేనని ఊహాగానాలు వినిపిస్తుండగా.. అనూహ్యంగా కేఎల్ రాహుల్ పేరుని సునీల్ గవాస్కర్ తెరపైకి తెచ్చాడు. ఐపీఎల్‌లో కెప్టెన్‌గా నిరూపించుకున్న రాహుల్...

Rohit Sharma, Virat Kohli, KL Rahul (Pic Credit: BCCI)

ప్రధానాంశాలు:

టీ20 కెప్టెన్సీ నుంచి తప్పుకున్న విరాట్ కోహ్లీకెప్టెన్సీ రేసులో ముందున్న రోహిత్ శర్మకేెఎల్ రాహుల్ పేరుని ప్రతిపాదించిన గవాస్కర్టీ20 వరల్డ్‌కప్ తర్వాతే నిర్ణయం
విరాట్ కోహ్లీ టీ20 కెప్టెన్సీ నుంచి వైదొలగబోతున్నట్లు ప్రకటించగానే.. తర్వాత కెప్టెన్ ఎవరు..? అనే చర్చ ఆసక్తికరంగా జరుగుతోంది. యూఏఈ, ఒమన్ వేదికగా అక్టోబరు 17 నుంచి నవంబరు 14 వరకూ టీ20 వరల్డ్‌కప్ జరగనుండగా.. ఈ మెగా టోర్నీ ముగిసిన తర్వాత టీ20 కెప్టెన్సీ నుంచి తప్పుకోనున్నట్లు కోహ్లీ ప్రకటించాడు. దాంతో.. తర్వాత కెప్టెన్ రోహిత్ శర్మ అని ఊహాగానాలు వినిపిస్తుండగా.. దిగ్గజ క్రికెటర్ సునీల్ గవాస్కర్ అనూహ్యంగా మరో ఓపెనర్ కేఎల్ రాహుల్ పేరుని తెరపైకి తెచ్చాడు.

వాస్తవానికి టీ20ల్లో రోహిత్ శర్మకి మెరుగైన రికార్డ్ ఉంది. కెప్టెన్‌గా ఇప్పటికే 19 టీ20 మ్యాచ్‌ల్లో టీమిండియాని నడిపించిన హిట్‌మ్యాన్.. ఐపీఎల్‌లోనూ ముంబయి ఇండియన్స్ టీమ్‌కి ఐదు టైటిల్స్ అందించాడు. దాంతో.. అతనికే టీ20 పగ్గాలు ఇవ్వాలనే డిమాండ్ పెద్ద ఎత్తున వినిపిస్తోంది. కానీ.. 34 ఏళ్ల రోహిత్ శర్మ‌కి ఇప్పుడు టీ20 కెప్టెన్సీ ఇవ్వడం కంటే.. 29 ఏళ్ల కేఎల్ రాహుల్‌ చేతికి పగ్గాలు ఇవ్వడం మంచి ఐడియా అనే అభిప్రాయాలు వినిపిస్తున్నాయి. కెప్టెన్‌గా ఇప్పటికే ఐపీఎల్‌లో పంజాబ్ కింగ్స్‌ని కేఎల్ రాహుల్ సమర్థంగా నడిపిస్తున్న విషయం తెలిసిందే.

‘‘కొత్త కెప్టెన్‌ని తయారు చేసుకోవాలనుకుంటే.. కేఎల్ రాహుల్‌కి అవకాశం ఇవ్వండి. అతను చక్కగా ఆడుతున్నాడు. ఇటీవల ఇంగ్లాండ్ గడ్డపైనా సెంచరీతో మెరుగైన బ్యాటింగ్ ప్రదర్శన కనబర్చాడు. అలానే ఐపీఎల్, వన్డేల్లోనూ నిలకడగా రాణిస్తున్నాడు. ఐపీఎల్‌లో కెప్టెన్సీని అతను భారంగా భావించడం లేదు. ఇంకా చెప్పాలంటే.. ఆ కెప్టెన్సీ రాహుల్ బ్యాటింగ్‌పై ఏమాత్రం ప్రభావం చూపడం లేదు. కాబట్టి.. కెప్టెన్సీ విషయంలో అతని పేరుని కూడా పరిశీలనలోకి తీసుకోండి’’ అని గవాస్కర్ సూచించాడు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : kl rahul can be groomed as a future india captain: sunil gavaskar
Telugu News from Samayam Telugu, TIL Network

Read Entire Article