SL vs SA: మూడో టీ20లోనూ ఓడిన శ్రీలంక.. సఫారీలు 3-0తో సిరీస్ కైవసం

1 week ago 1

| Samayam Telugu | Updated: Sep 15, 2021, 9:18 AM

శ్రీలంక గడ్డపై దక్షిణాఫ్రికా పర్యటన ముగిసింది. చివరి టీ20లో 121 పరుగుల ఛేదనకు దిగిన సఫారీలు వికెట్ నష్టపోకుండా 14.4 ఓవర్లలోనే అలవోక విజయాన్ని అందుకున్నారు.

Sri Lanka vs South Africa 3rd T20I (Pic Credit: ICC)

ప్రధానాంశాలు:

శ్రీలంకపై చివరి టీ20లో దక్షిణాఫ్రికా గెలుపుదక్షిణాఫ్రికా ఓపెనర్లు హాఫ్ సెంచరీలుతొలి వికెట్‌కి శతక భాగస్వామ్యంమూడు టీ20ల సిరీస్ 3-0తో సఫారీలు కైవసం
శ్రీలంక జట్టుని దాని సొంతగడ్డపైనే టీ20 సిరీస్‌లో దక్షిణాఫ్రికా చిత్తు చేసింది. కొలంబో వేదికగా తాజాగా జరిగిన ఆఖరి టీ20 మ్యాచ్‌లో 121 పరుగుల లక్ష్యఛేదనకు దిగిన దక్షిణాఫ్రికా టీమ్ 14.4 ఓవర్లలోనే వికెట్ నష్టపోకుండా విజయాన్ని అందుకుంది. దాంతో.. మూడు టీ20ల సిరీస్‌‌ని 3-0తో సఫారీలు చేజిక్కించుకోగా.. అంతకముందు జరిగిన మూడు వన్డేల సిరీస్‌ని శ్రీలంక 2-1తో గెలిచిన విషయం తెలిసిందే.

మ్యాచ్‌లో టాస్ గెలిచి మొదట బ్యాటింగ్ చేసిన శ్రీలంక టీమ్ నిర్ణీత 20 ఓవర్లలో 8 వికెట్ల నష్టానికి 120 పరుగులు చేసింది. టీమ్‌లో ఓపెనర్ కుశాల్ పెరీరా (39: 33 బంతుల్లో 3x4) టాప్ స్కోరర్‌గా నిలవగా.. చివర్లో కరుణరత్నె (24: 19 బంతుల్లో 2x6) విలువైన పరుగులు చేశాడు. దక్షిణాఫ్రికా టీమ్‌లో రబాడ, ఫార్చూన్ చెరో రెండు, మర్‌క్రమ్, మహరాజ్, ముల్డర్ తలో వికెట్ తీశారు.

121 పరుగుల లక్ష్య ఛేదనలో దక్షిణాఫ్రికా ఓపెనర్లు హెండ్రిక్స్ (56 నాటౌట్: 42 బంతుల్లో 5x4, 1x6), డికాక్ (59 నాటౌట్: 46 బంతుల్లో 7x4) దూకుడుగా ఆడేశారు. శ్రీలంక బౌలర్లపై ఆరంభం నుంచే ఎదురుదాడి చేసిన ఈ ఓపెనింగ్ జోడీ.. హాఫ్ సెంచరీలను పూర్తి చేసుకోవడంతో పాటు తొలి వికెట్‌కి అజేయంగా 121 పరుగుల భాగస్వామ్యం నెలకొల్పింది. ఈ మ్యాచ్‌తో లంక గడ్డపై దక్షిణాఫ్రికా పర్యటన ముగిసింది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : sri lanka vs south africa 3rd t20i: south africa register comprehensive 10-wicket win over sri lanka to complete 3-0 whitewash
Telugu News from Samayam Telugu, TIL Network

Read Entire Article