Swiggy, Zomato ஆர்டர்களுக்கு ஜிஎஸ்டி.. பெட்ரோல் விலை குறைப்பு.. ஜிஎஸ்டி கவுன்சில் அஜெண்டா!

1 week ago 1

| Samayam Tamil | Updated: Sep 15, 2021, 4:28 PM

ஸ்விகி, ஜொமாட்டோ ஆர்டர்களுக்கு கூடுதல் ஜிஎஸ்டி விதிப்பது குறித்து ஜிஎஸ்டி கவுன்சில் நாளை மறுநாள் முடிவெடுக்கவுள்ளது.

ஹைலைட்ஸ்:

ஸ்விகி, ஜொமாட்டோ ஆர்டர்களுக்கு கூடுதல் ஜிஎஸ்டிஜிஎஸ்டியில் பெட்ரோல் மற்றும் டீசல்ஜிஎஸ்டி கவுன்சில் கூட்டத்தின் அஜெண்டா
ஜிஎஸ்டி கவுன்சில் கூட்டம் செப்டம்பர் 17ஆம் தேதி கூடவுள்ளது. இதில் பல்வேறு முக்கிய விவகாரங்கள் குறித்து ஆலோசிக்கப்படும் என எதிர்பார்க்கப்படுகிறது. குறிப்பாக, பெட்ரோல் டீசலை ஜிஎஸ்டிக்குள் கொண்டுவருவது குறித்து விவாதிக்கப்படும் என எதிர்பார்க்கப்படுகிறது.

இதுபோக, Swiggy மற்றும் Zomato போன்ற உணவு டெலிவரி ஆர்டர்களுக்கு கூடுதல் ஜிஎஸ்டி விதிக்கலாமா என்பது குறித்தும் இந்தக் கூட்டத்தில் ஆலோசிக்கப்படும் என எதிர்பார்க்கப்படுகிறது.

இந்தியாவில் லட்சக்கணக்கானவர்கள் தினமும் Swiggy, Zomato போன்ற உணவு டெலிவரி ஆப்களில் உணவு ஆர்டர் செய்கின்றனர். இதுபோன்ற ஆர்டர்களுக்கு கூடுதல் ஜிஎஸ்டி விதிக்கப்பட்டால் வாடிக்கையாளர்களுக்கு நிச்சயமாக செலவு அதிகரிக்கும்.

ஊழியர்களுக்கு சம்பள உயர்வு.. 1.25 லட்சம் பேருக்கு வேலைவாய்ப்பு.. ஹேப்பி நியூஸ்!
உணவு டெலிவரி ஆர்டர்களுக்கு கூடுதல் ஜிஎஸ்டி விதிக்க வேண்டுமென ஜிஎஸ்டி கவுன்சிலின் ஃபிட்மெண்ட் குழு பரிந்துரைத்துள்ளது. இந்நிலையில், செப்டம்பர் 17ஆம் தேதி நடைபெறவுள்ள ஜிஎஸ்டி கவுன்சில் கூட்டத்தில் இவ்விவகாரம் குறித்து ஆலோசிக்கப்படும் என எதிர்பார்க்கப்படுகிறது.

இதுபோக, பெட்ரோல் டீசலை ஜிஎஸ்டிக்குள் கொண்டுவருவது குறித்தும் ஜிஎஸ்டி கவுன்சில் கூட்டத்தில் ஆலோசிக்கப்படும் என எதிர்பார்க்கப்படுகிறது. பெட்ரோல் டீசல் விலை கடுமையான அளவுகளை தாண்டியுள்ளதால் வாகன ஓட்டிகள் அவதிப்படுகின்றனர்.

பெட்ரோல் டீசலை ஜிஎஸ்டிக்குள் கொண்டுவந்தால் நிச்சயமாக விலை குறையும். எனவே, பெட்ரோல் டீசலை ஜிஎஸ்டிக்குள் கொண்டுவர வேண்டுமென அரசிடம் பல தரப்பினர் வலியுறுத்தி வருகின்றனர்.

Tamil News App: உடனுக்குடன் உலக நிகழ்வுகளை உங்களது சமயம் தமிழ் ஆப்பில் நொடியில் பார்க்கலாம்

முக்கியச் செய்திகள் மற்றும் புதிய செய்திகளுக்கு Samayam Tamil ஃபேஸ்புக் பக்கத்துடன் தொடர்ந்திருங்கள்

இந்த தலைப்புகளில் செய்திகளை தேடவும்

Web Title : gst council to decide on imposing additional gst on online food orders
Tamil News from Samayam Tamil, TIL Network

Read Entire Article