Tollywood Drugs Case: ముగిసిన ముమైత్‌ఖాన్ విచారణ.. పలు కీలక అంశాలు బయటకు..

1 week ago 3

| Samayam Telugu | Updated: Sep 15, 2021, 6:34 PM

టాలీవుడ్‌లో డ్రగ్స్ కేసుపై ఎన్‌ఫోర్స్‌మెంట్ డైరెక్టరేట్ విచారణ ముమ్మరంగా సాగుతోంది. ఈ విచారణలో భాగంగా బుధవారం నటి ముమైత్‌ఖాన్‌ను ఈడీ అధికారులు విచారించారు. ఏడు గంటల పాటు సాగిన ఈ విచారణలో పలు కీలక అంశాలు బయటకు వచ్చాయి.

ముమైత్ ఖాన్

మూడు సంవత్సరాల క్రితం టాలీవుడ్‌ను కుదిపేసిన డ్రగ్స్ కేసు.. కొద్ది రోజుల క్రితం మరోసారి తెరపైకి వచ్చింది. అయితే ఈసారి ఈ కేసు విచారణను ఎన్‌ఫోర్స్‌మెంట్ డైరెక్టరేట్(ఈడీ) చేపట్టడంతో కేసు మరింత తీవ్రతరమైంది. ఇప్పటికే ఈ కేసుకు సంబంధించి పలువురు సెలబ్రిటీలను ఈడీ అధికారులు ఇప్పటికే విచారించారు. డ్రగ్స్ కేసుతో పాటు.. మనీ లాండరింగ్, బ్యాంకు లావాదేవీలు, తదితర అంశాలపై కూడా విచారణ చేస్తున్నారు అధికారులు. డ్ర‌గ్స్ పెడ్ల‌ర్ కెల్విన్ అప్రూవ‌ర్‌గా మారి ఇచ్చిన స‌మాచారంతో ఈ విచార‌ణ కొన‌సాగుతుంది. ఇప్పటికే ఈ కేసులో విచారణకు దర్శకుడు పూరి జగన్నాథ్, నటి ఛార్మి, రకుల్ ప్రీత్ సింగ్, రానా దగ్గుబాటి, నటుడు రవితేజ, నటుడు నవ్‌దీప్ విచారణకు హాజరు అయ్యారు. వీరితో పాటు.. కెల్విన్‌ని.. ఈ కేసుకు సంబంధించిన ఇతర వ్యక్తులను ఈడీ అధికారులు విచారిస్తున్నారు. ఈ విచార‌ణలో విదేశీయుల‌కు ఎఫ్ క్ల‌బ్ ద్వారా ఎలాంటి డీలింగ్స్ జ‌రిగాయ‌నే దానిపై ఆరా తీసే ప్ర‌య‌త్నం చేశారు. అయితే బుధవారం నటి ముమైత్ ఖాన్ ఈ విచారణలో భాగంగా ఈడీ కార్యాలయానికి వచ్చారు. ఆమెను అధికారులు దాదాపు ఏడు గంటల పాటు ప్రశ్నించారు.

2017లో ఎక్సైజ్ శాఖ ఇచ్చిన నివేదికను అధికారులు ముమైత్‌ను విచారించారు. ఎఫ్‌ క్లబ్‌లో జరిగిన ఈవెంట్లు, నగదు లావాదేవీలపై ముమైత్‌ను అధికారులు ప్రశ్నించారు. దాదాపు ఏడు గంటలపాటు ఈ విచారణ కొనసాగింది. ఇందులో పలు కీలక అంశాలు బయటకు వచ్చాయి. ఇక డ్రగ్స్ పెడ్లర్ కెల్విన్, జిషాన్‌లతో ముమైత్‌కు నేరుగా సంబంధాలు ఉన్నట్లు అధికారులు అనుమానిస్తున్నారు. ఇక ఎఫ్‌ క్లబ్‌తో ముమైత్ మధ్య జరిగిన ఆర్థిక లావాదేవీ గురించి ఈడీ ఆరాతీసింది. అంతేకాక.. మళ్లీ ఎప్పుడు విచారణకు పిలిచినా హాజరు కావాలని తెలిపింది. డ్రగ్స్ కేసుతో పాటు ఆమె అర్థిక లావాదేవీలు, బ్యాంకు ఖాతాలు ఇతర అంశాలను కూడా వాళ్లు పరిశీలించారు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : mumaith khan enquiry completed in tollywood drugs case
Telugu News from Samayam Telugu, TIL Network

Read Entire Article