Valimai Glimpse : ఈగోను టచ్ చేశావ్!.. హోరాహోరీగా అజిత్, కార్తికేయ

3 months ago 14

| Samayam Telugu | Updated: Sep 23, 2021, 9:28 PM

తలా అజిత్ కుమార్ హీరోగా బోనీ కపూర్ నిర్మాణంలో హెచ్ వినోద తెరకెక్కిస్తున్న వలిమై సినిమా మీదున్న అంచనాల గురించి ఎంత చెప్పినా తక్కువే అవుతోంది. బైక్ రేసర్‌గా అజిత్‌కు ఉన్న క్రేజ్ గురించి అందరికీ తెలిసిందే.

ఈగోను టచ్ చేశావ్!.. హోరాహోరీగా అజిత్, కార్తికేయ

ప్రధానాంశాలు:

అజిత్ వలిమై అప్డేట్విడుదల తేదీ చెప్పిన చిత్రయూనిట్గ్లింప్స్‌తో అంచనాలు రెట్టింపు
తలా అజిత్ కుమార్ హీరోగా బోనీ కపూర్ నిర్మాణంలో హెచ్ వినోద తెరకెక్కిస్తున్న వలిమై సినిమా మీదున్న అంచనాల గురించి ఎంత చెప్పినా తక్కువే అవుతోంది. బైక్ రేసర్‌గా అజిత్‌కు ఉన్న క్రేజ్ గురించి అందరికీ తెలిసిందే. అలాంటి అజిత్‌తో వింత వింత విన్యాసాలు చేయించి, గాల్లో బైకును నడిపిస్తే ఎలా ఉంటుందో తాజాగా చూపించింది చిత్రయూనిట్. కాసేపటి క్రితమే వదిలిన గ్లింప్స్‌లో అజిత్ విన్యాసాలు అందరినీ కట్టిపడేశాయి. ఇక కార్తికేయ సైతం అందరినీ ఆకట్టుకున్నాడు. తలాను ఢీకొట్టే పాత్రలో అదరగొట్టనున్నట్టు కనిపిస్తోంది.

అర్జున్ నువ్ నా ఈగోను టచ్ చేశావ్.. అంటూ కార్తికేయ చెప్పడం.. నా ఆట ఎప్పుడో మొదలెట్టేశాను తంబి అంటూ అజిత్ చెప్పిన డైలాగ్ అదిరిపోయింది. ఇక డైలాగ్‌ల కంటే ఎక్కువ యాక్షన్ సీక్వెన్స్‌లు అందరినీ ఆశ్చర్యపరుస్తున్నాయి. బైక్ రేసింగ్‌లన్నీ కూడా గాల్లోనే జరిగాయి. యాక్షన్ సీక్వెన్‌లన్నీ కూడా హాలీవుడ్ స్థాయిలో ఉండబోతోన్నట్టు కనిపిస్తోంది.

ఇధి చాలా పెద్దగా ఉండబోతోంది అంటూ గ్లింప్స్ చివర్లో అజిత్ చెప్పిన డైలాగ్ అదిరిపోయింది. వచ్చే ఏడాది సంక్రాంతి బరిలోకి ఈ చిత్రం దిగనుందని మేకర్స్ అధికారికంగా ప్రకటించారు. మొత్తానికి కోలీవుడ్‌లో వచ్చే ఏడాది బాక్సాఫీస్ జాతర ఉండబోతోన్నట్టు కనిపిస్తోంది. ఈ ఏడాది దళపతి విజయ్ తన మాస్టర్ సినిమాతో బాక్సాఫీస్‌ను షేక్ చేసేశాడు. ఇక అజిత్ వచ్చే ఏడాది దుమ్ములేపబోతోన్నట్టు కనిపిస్తోంది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : ajith kumar and kartikeya valimai glimpse viral
Telugu News from Samayam Telugu, TIL Network

Read Entire Article